12-ئاينىڭ 17-كۈنى سەھەر سائەت تۆتلەردە، جىياڭشى ئۆلكىسى لۇڭخۇشەن تېغى مەنزىرە رايونى لۇڭخۇشەن بازىرىدىكى مەلۇم ناشتىلىق دۇكىنىدا ئوت ئاپىتى يۈز بەرگەن بولۇپ، ئوت ئاپىتى يۈز بەرگەن ناشتىلىق دۇكىنى بىرىنچى قەۋەتكە جايلاشقانىدى، ناشتىلىق دۇكىنىنىڭ ئۈستىدىكى 2-قەۋەتتە ۋە باشقا قەۋەتلەردە 19 ئادەم قاپسىلىپ تۇرۇپ قالغان بولۇپ، بۇنىڭ ئىچىدە يەنە ئىككى بوۋاقمۇ بار ئىدى. ئوت ئاپىتى يۈز بەرگەن 1-قەۋەتتە ئوت ناھايىتى كۈچلۈك كۆيۈۋاتقان بولۇپ، بىنانىڭ ئۈستىگە چىقىدىغان بىردىنبىر پەلەمپەي قويۇق ئىسنىڭ ئىچىدە، كۈچلۈك ئوت يالقۇنى تەرىپىدىن توسۇلۇپ  قالغانىدى، شۇ سەۋەبتىن، بىنانىڭ ئۈستىدە ئولتۇرۇشلۇق كىشىلەر ئۆزىنى قۇتۇلدۇرۇشقا ئامالسىز قېلىپ بىنادا قاپسىلىپ قالغانىدى. ئوت ئۆچۈرۈش خادىملىرى نەق مەيدانغا يېتىپ كەلگەندىن كېيىن، ئۆزلىرىنىڭ بېشىدىكى قالپاقنى بوۋاق بالىلارغا كىيدۈرۈپ، بىنا ئۈستىدە قاپسىلىپ قالغان 19 ئادەمنى ئوڭۇشلۇق ھالدا قۇتقۇزۇپ چىققان.