بۇ ھەپتىدە يەنە نۇرغۇنلىغان Galaxy S7 غا مۇناسىۋەتلىك خەۋەرلەر ئوتتۇرىغا چىقتى. ئالدى بىلەن Galaxy S7 يانفونىنىڭ يالغۇز بىر Edge نۇسخلىق بىلەنلا چەكلىنىپ قالماستىن، يەنە ئىككى خىل ئەگمە ئېكرانلىق نۇسخىسىنىڭمۇ ئېلان قىلىنىدىغانلىقى خەۋەر قىلىندى. خەۋەردە كۆرسىتىلىشىچە، ئۈچۈنچى تەرەپ يانفون قوغداش قېپى شىركىتى itskins ئاللىقاچان GALAXY S7 ۋە S7 edge نۇسخىلىق يانفونلارنىڭ تەپسىلى ئۆلچەم ئۇچۇرلىرىغا ئېرىشكەن، سامسۇڭ GALAXY S7 نۇسخىلىق يانفوننىڭ گەۋدىسىنىڭ ئۆلچىمى 143.37×70.8×6.94 مىللىمېتىر بولۇپ، ھازىرقى GALAXY S6 نۇسخلىق يانفون بىلەن سېلىشتۇرغاندا ھېچقانداق ئۆزگىرىش بولمىغان.

      خەۋەرلەردە دىيىلىۋاتقان ئەگمە ئېكرانلىق GALAXY S7 Plus نۇسخىلىق يانفوننىڭ گەۋدىسىنىڭ ئۆلچىمى 143.37×70.8×6.94 مىللىمېتىر بولۇپ، ئاساسىي جەھەتتىن سامسۇڭ GALAXY Mega 2 نىڭ ئۆلچىمىگە يېقىنلىشىدۇ، بۇ  يانفونغا سەپلەنگەن سېزىمچان ئېكراننىڭ 6 دىيوم ئەتراپىدا ئىكەنلىكىدىن دېرەك بېرىدۇ. ھازىرقى GALAXY S6 edge+ نۇسخىلىق يانفون بىلەن سېلىشتۇرغاندا خېلىلا چوڭ دېيىشىكە بولىدۇ. بىر تەرەپ قىلغۇچ جەھەتتە، Galaxy S7 نۇسخىلىق يانفونغا ئىككى خىل بىر تەرەپ قىلغۇچ سەپلەنگەن، بىر خىل نۇسخىسىغا سامسۇڭ ئۆزىنىڭ Exynos نۇسخىلىق بىر تەرەپ قىلغۇچى، يەنە بىر خىل نۇسخىسىغا بولسا كۇۋالكۇم سىناپدىراگون 820 تىپلىق بىر تەرەپ قىلغۇچ سەپلەنگەن. نۆۋەتتىكى خەۋەلەردىن قارىغاندا، Galaxy S7 يانفونىنىڭ سەپلىمە ئۆلچەملىرى تۆۋەندىكىچە: 2560*1440 ئېنىقلىقتىكى 5.1 دىيوملۇق Super-AMOLED لىق ئېكران، كۇۋالكۇم سىناپدىراگون 820 تىپلىق سەككىز يادرولۇق بىر تەرەپ قىلغۇچ ياكى سامسۇڭ Exynos 8890 تىپلىق بىر تەرەپ قىلغۇچ،  4GB لىق ئىچكى ساقلىغۇچ، 16/32/64GB لىق ئاساسى سىغىم بوشلۇقى، 25 مىليون پېكسىللىق كەينى يۈزى ئاساسى كامىراسى، 8 مىليون پىكسىللىق ئالدى يۈزى قوشۇمچە كامىراسى، 3500 مىللى ئامپىرلىق باتارىيە سەپلەنگەن، 128GB لىق مىكرو تىپلىق SD كارتىسىنى قوللاش ئىقتىدارىغا ئىگە.