فىنلاندىيە زوڭلىسى جۇخۇ سىپىل

       ئەنگلىيە «كۈندىلىك تېلېگرامما گېزىتى» نىڭ 6-دېكابر خەۋىرى، ھازىر فىنلاندىيە دائىرىلىرى ھەر ئايدا ھەربىر پۇقراغا شەرتسىز باج كەچۈرۈم قىلىنغان 800 ياۋرو (تەخمىنەن 5567 يۈەن) تارقىتىشىنى ئويلىشىۋاتىدۇ.

      فىنلاندىيە جەمئىيەت پاراۋانلىق ئىدارىسى تەييارلىغان تەكلىپ لايىھىسىگە ئاساسلانغاندا، بۇ خەلق ئومۇمىي كىرىمى مەيلى كىرىمى  بولسۇن ياكى بولمىسۇن بارلىق قۇرامىغا يەتكەن كىشىلەرگە تارقىتىلىدىكەن، ھەمدە باشقا بارلىق پاراۋانلىقلارنىڭ ئورنىنى ئالىدىكەن. مۆلچەرلىنىشىچە، بۇ لايىھە 2016-يىلى 12-ئايدا تاپشۇرۇلىدىكەن. ئەگەر بۇ لايىھە پۈتۈنلەي ئىجرا قىلىنىپ قالسا، فىنلاندىيە ئاساسىي كىرىم لايىھىسى سەۋەبلىك ھەر يىلى 46 مىليارد 700مىليون ياۋرو ئاجرىتىدىكەن.

    ھازىر فىنلاندىيەدىكى ئىشسىزلىق نىسبىتى رېكورت يارىتىش ھالىتىدە تۇرماقتا، ئاساسىي كىرىم لايىھىسى تېخىمۇ كۆپ كىشىلەرنى خىزمەت ئورنىغا قايتىپ كېلىشكە ئىلھاملاندۇرىدۇ. ھازىر، فىنلاندىيەدىكى ئەمگەك كۈچى ئارىسىدا %10 دىن ئارتۇق ئادەم ئىشسىزلىق ھالىتىدە تۇرماقتا، ياشلار ئارىسىدىكى ئىشسىزلىق نىسبىتى %22.7 گە يېتىدۇ. فىنلاندىيە زۇڭلىسى جۇخا سىپىلمۇ بۇ لايىھەنى قوللايدۇ، ئۇ: «ماڭا نىسبەتەن، ئاساسىي كىرىم جەمئىيەت پاراۋانلىق سىستېمىسىنى ئاددىيلاشتۇرۇشتىن دېرەك بېرىدۇ».

فىنلاندىيە جەمئىيەت پاراۋانلىق ئىدارىسىنىڭ تەتقىقات نەتىجىسىدە كۆرسىتىلىشىچە، %69 گە يېقىن فىنلاندىيە پۇقراسى ئاساسىي كىرىم لايىھەسىنى قوللايدىكەن. بۇ لايىھەگە قارشى تۇرغۇچىلار كۆرسىتىپ، بۇ لايىھە تېخىمۇ يۇقىرى ئىشسىزلىق نىسبىتىنى كەلتۈرۈپ چىقىرىدۇ دېدى. قوللىغۇچىلار بولسا بۇ خىل لايىھە ئىلگىرى نەتىجە قازانغان. كانادادىكى كىچىك بازار دوفىن ئالدىنقى ئەسىرنىڭ 70-يىللىرىدا ئاساسىي كىرىم پاراۋانلىق پىلانىنى يولغا قويغان، نەتىجىدە ئىقتىساد ۋە جەمئىيەت ئەھۋالىدە بىرقەدەر ياخشى ئۈنۈم ھاسىل بولغان دېگەن.

گوللاندىيەدىكى شەھەر ئۇترېشىت ئاساسىي كىرىم لايىھەسىنىڭ سىناق نۇقتىسى. كېلەركى ئايدىن باشلاپ بۇ شەھەردىكى 250 دىن ئارتۇق ئىشسىز ئاھالە ئايلىق كىرىمگە ئېرىشىدۇ، تەتقىقاتچىلار بۇ ئاساسىي كىرىمنىڭ ئىشقا ئورۇنلىشىشقا قانداق تەسىر كۆرسىتىدىغانلىقىنى كۆزىتىدۇ.

بۇنىڭدىن باشقا، شۋېتسارىيەمۇ خەلق ئاساسىي كىرىم پىلانىنى قوللىنىشنى ئويلىشىۋاتىدۇ، بۇ دۆلەت 2016-يىلى « شەرتسىز ئاساسىي كىرىم پۈتۈن خەلق تەكلىپى»توغرۇلۇق ئومۇمىي خەلقنىڭ بېلەت تاشلاش ئۆتكۈزمەكچى. ئەڭ يېقىنقى توردا خەلق رايىنى تەكشۈرۈشتىن قارىغاندا، %49 شېۋېتسارىيەلىك بۇ پىلانغا قوشۇلىدىكەن.