28-ئىيۇل يولۇچى جاڭ لۇ مۇخبىرغا ئۆزى سېتىۋالغان ئىككى خىل پويىز بېلىتىنى كۆرسەتتى
شەھەر ئىستېمالى سەھەر گېزىتى: يېڭى نۇسخىدىكى پويىز بېلىتى 1-ئاۋغۇستتىن باشلاپ مەملىكىتىمىزدە ئومۇميۈزلۈك يولغا قويۇلىدىكەن. مۇخبىرنىڭ 28-ئىيۇل ئۈرۈمچى جەنۇبىي ۋوگزالدىن ئىگىلىشىچە، نۆۋەتتە مەزكۇر بېكەتتىكى بېلەت سېتىش كۆزنەكلىرى ۋە ئاپتوماتىك بېلەت سېتىش ئاپپاراتلىرىنىڭ دەرىجىسى ئومۇميۈزلۈك ئۆستۈرۈلگەن بولۇپ، يېڭى نۇسخىدىكى پويىز بېلىتى سېتىلىشقا باشلىغان.
27-ئىيۇل مۇخبىر ئۈرۈمچى جەنۇبىي ۋوگزالدا، يېڭى نۇسخىدىكى پويىز بېلىتىنىڭ يۈزىدە «بېلەت سېتىۋالماقچى بولسىڭىز 12306 غا تېلېفون قىلىڭ، مال ئەۋەتمەكچى بولسىڭىز 95306 غا تېلېفون قىلىڭ» دېگەن ئەسكەرتمىنىڭ كۆپەيگەنلىكىنى كۆردى. يېڭى نۇسخىدىكى پويىز بېلىتى يۈزىدىكى ئۆزگىرىش كۆپ تۈردىكى پويىز بېلىتىگە چېتىشلىق بولۇپ، ئىلگىرى يولۇچىلار بېلەت سېتىۋالغاندىكى قىزىل بېلەت (يۇمشاق قەغەزلىك پويىز بېلىتى)، كۆك بېلەت (ماگىنتلىق پويىز بېلىتى) ھەم نۆۋەتچى پويىزدىكى كۆچمە قوشۇمچە بېلەت يۈزىدىكى ئۇچۇرلار بىردەك تەڭشىلىپ، تېز ۋە ئاستا سۈرئەتلىك نۆۋەتچى پويىز ۋە ئېلېكتىروۋۇزلارنىڭ پويىز تىپى چۈشۈرۈلگەن.