شەھەر ئىستېمالچىلار سەھەر گېزىتى خەۋىرى: شىنجاڭ ئىچى-سىرتىدىكى ساياھەتچىلەر 1-ئاۋغۇستتىن باشلاپ ئايروپىلانغا ئولتۇرۇپ كۆكتوقاي مەنزىرە ساياھەت رايونىغا بارالايدىكەن.
مۇخبىرنىڭ 27-ئىيۇل جەنۇب ئاۋىياتسىيە شىنجاڭ شۆبە شىركىتىدىن ئىگىلىشىچە، كۆكتوقايدىكى يېڭى ئايرودۇرۇم سودا تىجارىتى شەرتىنى ھازىرلىغان بولغاچقا، جەنۇب ئاۋىياتسىيە شىركىتى 1-ئاۋغۇستتىن باشلاپ كۆكتوقاي ناھىيەسى كۆكتوقاي ئايرودۇرۇمىدا تۇنجى نۆۋەتلىك ئاۋىياتىسيە قاتنىشى ـــ ئۈرۈمچى-كۆكتوقاي ئاۋىياتسىيە لىنىيەسىنى ئاچىدىكەن، بۇ لىنىيەدە ھەر كۈنى بىر نۆۋەتچى ئايروپىلان قاتنايدىكەن.
ئىگىلىنىشىچە، بۇ لىنىيەدە CZ6693/4 نۆۋەتچى ئايروپىلان قاتنايدىكەن، CZ6693 قېتىملىق ئايروپىلان ھەر كۈنى بېيجىڭ ۋاقتى سائەت 09:00 دە ئۈرۈمچى ئايرودۇرۇمىدىن ئۇچۇپ، 09:50 دە كۆكتوقاي ئايرودۇرۇمىغا قونىدىكەن؛ قايتىش مۇساپىسىدە CZ6694 قېتىملىق ئايروپىلان سائەت 10:35 دە كۆكتوقاي ئايرودۇرۇمىدىن ئۇچۇپ، سائەت 11:25 دە ئۈرۈمچىگە قايتىپ كېلىدىكەن.