سۇمرۇغ تورى : ئامرىكا دۆلەت مۇداپىئە مىنىستىرلىقى 4-ئاپرىل بايانات ئېلان قىلىپ،چاۋشىيەننىڭ يادرو قورالى بىلەن ئىستىراتىگىيلىك باشقۇرۇلىدىغان بومبىسىنى تەرەققى قىلدۇرۇشى ئامرىكىغا بولغان تەھدىتنىڭ بارغانسىرى كۈچىيىشىنى شەكىللەندۈردى،دېدى.
ئامرىكا دۆلەت مۇداپىئە مىنىستىرلىقى 2014-يىللىق <تۆت يىللىق مۇداپىئە ئىشلىرىنى باھالاشتىن دوكلات>تا بىلدۈرۈشىچە،چاۋشىيەننىڭ يىراق مۇساپىلىك باشقۇلىدىغان بومبا ۋە كەڭ كۆلەملىك قىرغۇچى قوراللار پىلانى،بولۇپمۇ ئۇنىڭ يادرو قورالىغا ئىنتىلىشىنىڭ بارغانسىرى ئېشىشى ئامرىكىغا بىۋاستە تەھدىت سېلىۋېتىپتۇ.<تۆت يىللىق مۇداپىئە ئىشلىرىنى باھالاشتىن دوكلات> بولسا ئامرىكا دۆلەت مەجلىسى ئامرىكا دۆلەت مۇداپىئە ئىستىراتىگىيسى،قورۇلمىسى ۋە تەرتىپىنى باھالاپ بېكىتىدۇ.
ئامرىكا دۆلەت مۇداپىئە مىنىستىرلىقىنىڭ يوقىرى دەرىجىلىك بىر ئەمەلدارىنىڭ دېيىشىچە، گەرچە چاۋشىيەن باشقۇرۇلىدىغان بومبىنىڭ ئۇچۇشىنى سىناق قىلمىغان بولسىمۇ، ئۇلار نۆۋەتتە چاۋشىيەننىڭ قىتئەلەرگە قىتئەلەر ئارا ئۇچۇدىغان باشقۇرۇلىدىغان بومبىنىڭ بىر خىل يېڭى تىپتىكى قورۇلمىسىنى كۆزىتىۋېتىپتۇ. بەش بۈرجەكلىك بىنامۇ چاۋشىيەننىڭ يادرو قورالىغا كېرەكلىك ماتىرياللىرىنى ئىشلەپ چىقىرىدىغان ئەسلىھەلەرنىڭ كېڭىيىپ كېتىشىدىن ئەنسىرەيدىكەن.
شۇنىڭ بىلەن بىر ۋاقىتتا 5-مارت چاۋشىيەن تەرەپنىڭ بىلدۈرۈشىچە،ئۇنىڭ يېقىنقى بۇيانقى قىسقا مۇساپىلىك باشقۇرۇلىدىغان بومبىسى ۋە راكىتا سىنىقى بولسا <ئاساسى ھەربى ئەسلىھەلەرنىڭ پىراكتىكا مەشىقى>ئىكەن.ئۇنىڭدىن بۇرۇن ھەرقايسى ئەللەر چاۋشىيەننىڭ بىر يۈرۈش جەڭ-تېخنىكىلىق تىراكتۇرىيلىك باشقۇرۇلىدىغان بومبىسىنى ئامرىكا-كورىيە ئېلىپ بېرىۋاتقان مانىۋىرغا قارشى تۈرۈش ئۈچۈن دەپ قارىغان ئىدى.
-دەستۇر تەرجىمىسى