دۇنيا خەۋەرلىرى تورى 24-ئاپرېل تېلىگراممىسى: ئامېرىكا رەھبەرلىكىدىكى خەلقئارا ئىتتىپاق قىىسملىرىغا ئائىت جەڭ ئايرۇپىلانلىرى، ئىراقنىڭ ISIS كونتروللىقىدىكى مۇسۇل ئۆلكىىسنىڭ شىمالىدىكى گۆكچەلى، باشىكا تېغى، ئەت-تەھرىر ۋە ئەل-بەرىد مەھەللىرىدىكى ئىراق ۋە شام ئىسلام دۆلىتى تەشكىلاتىنىڭ نىشانلىرىنى بومباردىمان قىلدى. بومباردىماندا ئاز دىگەندە 25 قۇراللىق ئۆلدى، تەشكىلاتقا ئائىت نۇرغۇن ھەربىي ماشىنا ۋەيران بولدى.
يەنە بىر تەرەپتىن، ئىراق ئارمىيسى پايتەخىت باغدادنىڭ 40 كىلومىتىر غەربىدىكى ئەل-كۇرمە ناھىيىسىنىڭ جەنۇبىدىكى بىر قىسىم رايۇنلارنى كونترول قىلغانلىقى ۋە قۇراللىقلار بىلەن بولغان توقۇنۇشتا 23 قۇراللىقنىڭ ئۆلگەنلىكىنى بىلدۈردى.
ئەنبار ئۆلكىسىدىكى ھەرىكەت ئ‍ەترىتىنىڭ قۇماندانى گېنىرال مۇھەممەد خەلەف مۇخبرىغا سۆز قىلىپ، خەلقئارا ئىتتىپاق قىسىملىرى ھاۋادىن ياردەم بېرىۋاتقان باغداد ھەرىكىتى ئەترىتىنىڭ كۇرمە ناھىيەسىدە 4 گۇرۇپپا بولۇپ ھەرىكەت ئېلىپ بارغانلىقىنى ئېيتتى. خەلەف يەنە، كۇرمە ناھىيسىدە 23 قۇراللىق ئۆلتۈرۈلگەن توقۇنۇشتىن كېيىن ، جەنۇبىتىكى ئەش-شاھابى 1 ۋە ئەش-شاھابى 2 ۋە ئەل-مەئامى رايۇنلىرىنىڭ ISIS تىن قۇتقۇزۇلغانلىقىنى بىلدۈردى. كۇرمە ناھىيەسى ئۆتكەن ئاي بېشىدا ISIS نىڭ كونتروللىقىغا ئۆتۈپ كەتكەن ئىدى.