سومرۇغ تورى خەۋىرى | لەگلەك تورى تەرجىمىسى، ئامېرىكا پەن - تېخنىكا مكرو بلوگى The Verge دىكى ئۇزۇن قۇلاق ئەربابلارنىڭ ئاشكارىلىشىچە، نوكىيا 2016 - يىلىدىن بۇرۇن يانفون بازىرىغا قايتىپ كىلىشى مۇمكىن ئىكەن. ئۆز نۆۋىتىدە مەۋھۇم ئىشلىتىشچان تېخنىكلىق مەھسۇلاتلارنىمۇ ئېچىۋاتقان ئىكەن.
تەخمىنەن بىر يىل بۇرۇن مىكروسوفت تەرەپ نوكىيا شىركىتىنىڭ يانفون كەسپىنى سېتىۋالغان. بۈگۈنكى كۈنگە كەلگەندە فىنلاندىيە شىركىتى ( نوكىيانىڭ فىنلاندىيەدىكى باش شىركىتىنى كۆرسىتىدۇ ) يىپيېڭىدىن يانفون ئىشلەپچىقىرىشقا باشلىدى دېگەن خەۋەرلەرمۇ ئېقىپ يۈرگەن. پەن - تېخنىكا مىكروبىلوگى Recode دىكى ئىككى ئۇزۇن قۇلاق ئەربابلارنىڭ خەۋەرلىرىگە قارىغاندا نوكىيا ئەڭ بۇرۇن دېگەندىمۇ 2016 - يىلىدىن بۇرۇن يانفون ساھەسىگە يۈرۈش قىلىدىكەن .
نۆۋەتتە نوكىيا شىركىتىنىڭ قايسى شەكىلدە يانفون كەسىپىگە يۈرۈش قىلىش ئىنىق ئەمەس، بىراق مىكروسوفت بىلەن ئىمزالىغان كىلىشىمگە ئاساسلانغاندا، نوكىيا تەرەپ 2016 - يىلىدىن بۇرۇن مەزكۈر <<نوكىيا>> دېگەن ماركىنى ئىشلىتىش ھوقۇقى يوق ئىكەن. يۇقىرىدىكى چەكلىمە تاختا كومپيۇتېر ئىشلەپچىقىرىشنى ئۆز ئىچىگە ئالمايدىكەن. شۇنىڭغا ماس نوكىيا تەرەپ N1 Android تاختا كومپيۇتېر ئىشلەپچىقىرىش باشلىغان. دېمەك نوكىيا تەرەپنىڭ يانفون ئىشلەپچىقىرىشى پەقەت ۋاقت مەسىلىسى بولۇپ قالغان.
ھازىر مىكروسوفت لومىيا تىپتىكى مەھسۇلاتلىرىغا <<نوكىيا>> ماركىسىنى ئىشلەتمەي بىۋاسىتە <> ئۆز نامىنى بېسىپ ئېلان قىلىۋاتىدۇ ھەم بۇنىڭدىن كېيىنمۇ مۇشۇ يۇسۇندا ماڭىدۇ.
ئەگەر نوكىيا راستىنلام يانفون بازىرىغا قايتىپ كەلسە ئەڭ دەسلەپتە N1 Android نى ئېلان قىلىشى ئىنىق. نوكىيا ئۈچۈن ئەڭ ياخشى باشلىنىش شۇكى، ئەسلىدىكى ئەسلىھە ئىشلەپچىقىرىش تەرەپ بىلەن ھەمكارلاشقىنى، ئەمدى نوكىيا مۇشۇ ئەسلىھە ئىشلەپچىقىرىش كارخانىسى بىلەن يانفون ئىشلەپچىقىرىش ۋە نام قويۇش ئىشلىرىنى بىرلىكتە ئېلىپ بارىدۇ. نوكىيا يېقىندا ئاشكارىلىغان خەۋەرلىرىدىن قارىغاندا، ئۈچىنچى تەرەپ كارخانا بىۋاسىتە نوكىيا شىركىتىدىن ھوقۇقى ئىلتىماس قىلىپ <<نوكىيا>> ماركىسىنى ئىشلىتىپ مەھسۇلات ۋە ئەسلىھە ياساپ چىقسا بولىدىكەن.
مەلۇماتلارغا ئاساسلانغاندا، يانفون بازىرىغا قايتىپ كىلىش نوكىيا بايرىقى ئاستىدىكى تەتقىقات ۋە ياساپ چىقىرىش ئەترىتى كونكرېتنى ھالدا ئەمەلگە ئاشۇردىكەن. بۇ ئەترەت شۇنىڭ بىلەن بىرگە N1 Androidتاختا كومپيۇتېرىنى ئىشلەپچىقىرىشتا يېقىندىن ياردەمدە بولىدىكەن. Recodeنىڭ يەنە بىر مەلۇماتىدا كۆرسىتىشىچە، نوكىيا يەنە بىر مەۋھۇم ئىشلىتىشچان تېخنىكىسىگە مۇناسىۋەتلىك تۈرىمۇ بار ئىكەن. سامسۇڭ ۋە Facebook شىركەتلىرى بىلەن رىقابەتگىمۇ تەييارلىق قىلىپ بولغان، نۆۋەتتە بۇ تەرەپلەردە ئېنىق مەلۇماتلار يوق .
بىر نەچچە كۈن بۇرۇن نوكىيا 156مىليارد ياۋرولۇق باھا بىلەن تېلېگراف ئەسلىھەلىرىنى ئىشلەپچىقىرىش كارخانىسى Alcatel نى بىر قېتىملىق پۈتۈشۈش بىلەن سېتىۋالغان. بۇ كارخانىنى سېتىۋالغىنى دېمەك نوكىيا شىركىتى رەسمىي ئىرىكسون شىركىتى بىلەن كۈچ ئىلىشقۇدەك ئەمەلىي كۈچكە ئىگە بولغانلىقىدىن دېرەك بېرىدۇ.