版权声明：转载时请以超链接形式标明文章原始出处和作者信息及本声明
http://www.blogbus.com/kukyal-logs/83366598.html

تېببىي رىسالىلەردىن : سۇلار ھەققىدە بايان

 

ساپ ھاۋا سۈيى :

تەبىئىتى : ھۆل سۇغۇق.

خاسىيىتىلا تائامنى ئۆز جايىغا يەتكۈزىدۇ.

زەرىرى: كۈندە ئىچىش ئىچكىرىدىكى ھەزىم قىلىشقا زىيان يەتكۈزىدۇ.

زەرىرىنىڭ ئالدىنى ئېلىش ئۈچۈن ئىسكەنجىبىن ۋە شۇنىڭغا ئوخشىغان باشقا شەربەتلەر بىلەن ئىستىمال قىلىنسا بولىدۇ.

 

ياش ۋە قار سۈيى:

تەبىئىتى: قۇرۇق سۇغۇق.

خاسىيىتى: ئىسسىق مىزاجلىقلار ، جىگەر زەئىپ بىمارلار ئۈچۈن قۇۋۋەت بولىدۇ.

زەرىرى: بەل ئاغرىقى كەلتۈرۈپ چىقىرىدۇ ۋە ئىچىنى سۈرىدۇ.

زەرىرىنىڭ ئالدىنى ئېلىش ئۈچۈن ئىسسىقلىق دورىلار بىلەن ئىستىمال قىلسا بولىدۇ.

 

بۇلاق سۈيى:

تەبىئىتى : سۇغۇق.

خاسىيىتى: ئىسسىق،جىگەرگە پايدىلىق، يېمەكلىكلەرنى ھەزىم قىلدۇرىدۇ.

زەرىرى: ئەسەبلەرنى ئاجىزلاشتۇرىدۇ.

زەرىرىنىڭ ئالدىنى ئېلىش ئۈچۈن گۈلقەنت شەربىتى، گۇلاپ ۋە بىدىمىشكى شىرىسى بىلەن ئىستىمال قىلىنىدۇ.

 

يامغۇر سۈيى :

تەبىئىتى:ئازراق ئىسسىق .

خاسىيىتى: كۆكرەك ئاغرىقى ۋە يۆتەلگە پايدا قىلىدۇ.

زەرىرى ئىسسىق مىزاجلىقلارغا زىيانلىقتۇر ۋە ئىسسىتمىلىق ئادەمگە زەرەر يەتكۈزىدۇ.

زەرىرىنىڭ ئالدىنى ئېلىش ئۈچۈن ھەسەل بىلەن بىرگە ئىستىمال قىلىنسا بولىدۇ.

 

كارىز سۈيى:

تەبىئىتى : ھۆل سوغۇق.

خاسىيىتى: قۇلىنجى كېسىلىگە پايدا قىلىدۇ.

زەرىرى: تەستە ھەزىم بولىدۇ.

زەرىرىنىڭ ئالدىنى ئېلىش ئۈچۈن قاينىتىپ ،سۇۋۇتۇپ ئاندىن ئىچىلىدۇ.

 

قايناقسۇ:

تەبىئىتى: ھۆل ئىسسىق.

خاسىيىت: ئىچىنى يۇمشىتىدۇ ۋە مەيدىنى بەلغەمدىن بوشىتىدۇ.

زەرىرى : مەيدىنى بوشاشتۇرىدۇ، ھەزىم قۇۋۋىتىنى يوقىتىدۇ.

زەرىرىنىڭ ئالدىنى ئېلىش ئۈچۈن بىمار قۇستۇرۇلىدۇ.

 

شور سۇ

تەبىئىتى: قۇرۇق ئىسسىق.

خاسىيىتى: ئىچىنى ھەيدەيدۇ،قورساقتىن كەلگەن قاننى توختىتىدۇ.

زەرىرى: زەرىرى بەھەق ۋە قىچمە پەيدا قىلىدۇ.

زەرىرىنىڭ ئالدىنى ئېلىش ئۈچۈن ياغ قوشۇلغان شېرىن تائاملار بىلەن بىرگە ئىستىمال قىلىنىدۇ.

 

نېفىت كانىدا بولىدىغان سۇ

تەبىئىتى: ئىسسىق

خاسىيىتى:  بەل ئاغرىقى ۋە بۇغۇم ئاغرىقىغا پايدا قىلىدۇ.

زەرىرى : كۆز نۇرىنى يوقىتىدۇ، باش ئاغرىقى پەيدا قىلىدۇ.

زەرىرىنىڭ ئالدىنى ئېلىش ئۈچۈن  ئالما شەربىتى بىلەن ئىچىلىدۇ.

 

تىللا ۋە كۈمۈش كانىدا بولىدىغان سۇ :

تەبىئىتى : مۆئدىتىل

خاسىيىتى: سەۋداغا پايدا قىلىدۇ.

زەرىرى : قاننى ئازايتىدۇ.

زەرىرىنىڭ ئالدىنى ئېلىش ئۈچۈن قارا توخۇنىڭ تۇخۇمىغا گۈرۈچ ۋە  سۈت قوشۇپ بىرگە ئىستىمال قىلىنىدۇ.

 

كۆمۈر كانىدا بولىدىغان شۇ

تەبىئىتى: قۇرۇق سۇغۇق.

خاسىيىتى : مەيدىنى كۈچلۈك قىلىدۇ.قارا جىگەر(تال) ئىللىتىنى يوقىتىدۇ.

زەرىرى: قۇلۇنجى پەيدا قىلىدۇ ۋە سۈيدۈك كېلىشنى كۈچەيتىۋېتىدۇ.

زەرىرىنىڭ ئالدىنى ئېلىش ئۈچۈن ياغلىق ۋە شېرىن تائاملار بىلەن بىرگە ئىستىمال قىلىنىدۇ.

 

لايقا سۇ

تەبىئىتى:قۇرۇق سۇغۇق.

خاسىيىتى: پايدىسى يوق.

زەرىرى : قاننى ئازايتىۋېتىدۇ.

زەرىرىنىڭ ئالدىنى ئېلىش ئۈچۈن گۇلاپ ۋە مەستىكى بىلەن بىرگە ئىچىلىدۇ.

 

ئاچچىق سۇ

تەبىئىتى: قۇرۇق ئىسسىق.

خاسىيىتى: ئىچىنى يورغىلىتىدۇ ۋە بۇرۇن يولىنى ئاچىدۇ.

زەرىرى: بەدەننى ئەزگىن(مىسكىن) قىلىدۇ، قاننى بۇزىدۇ.

زەرىرىنىڭ ئالدىنى ئېلىش ئۈچۈن چىلان ۋە جىگدە بىلەن ئىستىمال قىلىنىدۇ.

 

سېسىغان سۇ

تەبىئىتى: سۇغۇق ۋە ئېغىر.

خاسىيىتى: پايدىسىزدۇر.

زەرىرى : قاننى بۇزىدۇ.

زەرىرىنىڭ ئالدىنى ئېلىش ئۈچۈن گۇلاپ ۋە مەستىكى بىلەن بىرگە ئىچىلىدۇ.

 

تۇرۇپ قالغان سۇ

تەبىئىتى: ئېغىر

خاسىيىتى: پايدىسى يوق.

زەرىرى: باشنى قايدۇرىدۇ.

زەرىرىنىڭ ئالدىنى ئېلىش ئۈچۈن قاينىتىپ سۇۋۇتۇپ ئىچىلىدۇ.

مۇھەممەد ئەت تېۋىپ ھارابىينىڭ مىزاج ھەققىدىكى رىسالىسىدىن.

ئۇيغۇر تېبابىتى داۋالاش دەستۇرىدىن ئېلىندى.

كۆكيال ئۇيغۇر تېبابەت بلوگى.