بولارمىش
نىيازئەلى ئادىل(تۈن لىرىكىسى)
ئاشسىزغا ئاش بەرسە ساۋاپ بولارمىش،
يوقسۇلغا زاغرى نان كاۋاپ بولارمىش.
توققۇزى تەل تۇرۇپ يوقسۇلغا بەرمەي،
بەزىلەر ھەجىنى تاۋاپ قىلارمىش.
بولمىغۇر ئىللەتلەر مودا بولارمىش،
ۋىجداننىڭ ئۈستىدە سودا بولارمىش.
ئەقلىدىن ئاداشقان نا ئىنساپ ئۈچۈن،
ئەل سۆزى شىپالىق دورا بولارمىش.
يالغۇزلۇق ھەممىدىن يامان بولارمىش،
يىتىمنىڭ چىرايى سامان بولارمىش.
كىمىكى سېلىسا ئۇنىڭ بېشىنى،
ئۇ دۇنيا، بۇ دۇنيا ئامان بولارمىش.
بەگ ئۆلسە مالايغا ئارام بولارمىش،
دوغىنىڭ ئۆلىمى بايرام بولارمىش.
يوقسۇلنىڭ ئۆيىدە قوي ئۆلسە ئەگەر،
قايغۇرۇپ كۆز يېشى سايرام بولارمىش.
شەرىئەت ھۆكىمى ئادىل بولارمىش،
خۇدايىم ھەممىگە قادىر بولارمىش.
بىر ئۆمۈر ئەل-يۇرتنىڭ غېمىدا ئۆتسە،
ئۆلگەندە جەننەتكە نائىل بولارمىش.
2008-يىلى 20-فېۋىرال چارشەنبە
ئالتاي قابا ناھىيسى
ئەسكەرتىش: ئەسەرلىرىمنى خالىغانچە كۆچۈرۈپ ئىشلىتىشكە بولمايدۇ!
[ tvnlirikisiتەرىپىدىن2010-06-16 17:09قايتا تەھرىرلە ]
