گۈزەللىككە ئۆلچەم بېكىتكىلى بولمايدۇ.ئۇنى قانداقتۇر «فورمۇلا» ئەمەس، بەلكى پۇرسەت مەيدانغا كەلتۈرىدۇ. گۈزەللىك گويا تومۇز پەسلىدىكى مېۋىگە ئوخشايدۇ، ئاسان سېسىيدۇ، ساقلىماق تەس. دۇنيادا نۇرغۇن «ساھىپجامال» لار بار. ئۇلارنىڭ تۇلىمۇ رومانتىك ياشلىق چاغلىرى بولغان، لېكىن ئاخىرقى ئۆمرى تۇلىمۇ ئېچىنىشلىق ئۆتكەن. گۈزەل چىراي بىلەن گۈزەل ئەخلاق بىرلەشكەندىلا، گۈزەللىك ئاندىن ھەقىقى نۇر چاچالايدۇ. بىز ھەممىمىز ئىز تورىنى ياخشى كۆرىمىز!
مەكتەپتە ناھايىتى سەت بىر قىز بار ئىكەن، ساۋاقداشلىرى دائىم ئۇنى زاڭلىق قىلىدىكەن، ھەتتا ئۇنىڭغا «بەتبەشرە» دەپ لەقەم قويۇراپتۇ. باشقىلار ھەر قېتىم مۇشۇنداق چاقىرغاندا، ئۇ ئاچچىقتىن يېرىلغۇدەك بولۇپ يىغلاپ كېتىدىكەن.
بىر كۈنى، ئۇ يەنە باشقىلارنىڭ زاڭلىق قىلىشىدىن خورلىنىپ يىغلاپ تۇرغاندا، بىر مىھرىبان بوۋاي ئۇچراپ قاپتۇ. ئۇ قىزنىڭ دەردىنى ئۇققاندىن كېيىن، ئۇنىڭغا چىرايلىق بۇلۇشنىڭ سىرىنى ئېيتىپ بىرىپتۇ:
بىرىنچى، چىرايىڭىزدىن تەبەسسۇم يېغىپ تۇرسۇن، ساۋاقداشلىرىڭىز بىلەن ئۇچراشقاندا چىرايلىق ئەھۋال سوراڭ.
ئىككىنچى، ئۆزىڭىزگە خاپىلىق تېپىۋالماڭ، چىرايىڭىزنىڭ قانداقلىقىنى كاللىڭىزدىن چىقىرىۋېتىڭ.
ئۈچىنچى، باشقىلارغا قولىڭىزدىن كىلىشىچە ئاقكۆڭۈللۈك بىلەن ياردەم قىلىڭ.
بوۋاي قىزغا، يۇقىرىقى ئىشلارغا ئەمەل قىلسىڭىزلا، ئۈچ ئايدىن كىيىن پۈتۈن مەكتەپ بويىچە ئەڭ چىرايلىق قىزغا ئايلىنىسىز، دەپتۇ. ئىز تورى بەك ياخشى
قىز بوۋاينىڭ دېگەنلىرىنى پۈتۈن ۋۇجۇدى بىلەن ئورۇنلاپتۇ.ئۇزۇن ئۆتمەيلا، پۈتۈن مەكتەپتىكى ساۋاقداشلىرى ئەڭ ياخشى كۈرىدىغان، ئارلىشىشنى خالايدىغان قىزغا ئايلىنىپتۇ.
بىر ئادەمنىڭ گۈزەللىكى بەش ئەزاسىنىڭ قاملىشىپ بېرىشى بىلەنلا چەكلەنمەيدۇ، تېخىمۇ مۇھىمى ئۇنىڭ قەلبى. قەلىب گۈزەللىكىنىڭ سېھرىي كۈچىگە ھەرقانداق ھۆسىن تۈزەش ۋە گىرىم قىلىش بىلەن يەتكىلى بولمايدۇ.
بىر ئادەمنىڭ سېھرى كۈچى ئادەتتە چىرايىدا ئەمەس، بەلكى گۈزەل ئەخلاق ۋە ئەقىل-پاراسىتىدە بولىدۇ، چۈنكى، چىراي گۈزەللىكى ئوچۇق-ئاشكارە كۆرۈنۈپ تۇرىدۇ، ھېچقانداق نەرسىنى يوشۇرۇپ قالالمايدۇ، گۈزەل ئەخلاق بىلەن ئەقىل-پاراسەت بولسا ئاز-ئازدىن ئاشكارلىنىدۇ، بۇنىڭ بىلەن تېخىمۇ زور سېھرىي كۈچنى نامايەن قىلىدۇ. مەسىلەن، گەپ-سۆز، يۈرۈش-تۇرۇش ھەر ۋاقىت ئۆزگىرىپ تۇرىدۇ ھەمدە ھەرقانداق ۋاقىتتا ئادەمنى ھەيران قالدۇرىدىغان ئىشلارنى ۋۇجۇدقا كەلتۈرىدۇ. ئىز تورى www.iz.la
بىر ئېغىز ەەپ، بىر ئايال بىر خىل ئۇسۇل بىلەن ئۆزىنىڭ گۈزەللىكىنى نامايەن قىلالىشى مۇمكىن لېكىن ئۇ سانسىزلىغان ئۇسۇل بىلەن ئۆزىنى چەكسىز سۆيۈملۈك قىلالايدۇ. ئىز تورىدا ئىزلىرىمىز قالسۇن!
