ئەنگلىيە ‹‹كۈندىلىك پوچتا گېزىتى››نىڭ 26-ئاپرېلدىكى خەۋىرىگە قارىغاندا، دۇنيادىكى ئەڭ بۇرۇنقى موتوسىكلىت يېقىندا كىمئارتۇق قىلىنىدىكەن. بۇ موتوسىكلىت ھازىر 100 ‹‹ياش››تىن ئاشقان بولۇپ، تارىخى ۋىكتورىيە ئايال پادىشاھلىقى دەۋرىگىچە يېتىپ بارىدىكەن. بۇ موتوسىكلىتنىڭ سۈرئىتى ئاستا، مىنسىمۇ ئۇنچە راھەت بولمىسىمۇ، نېمىلا دېگەنبىلەن، مەلۇم باسقۇچتىكى تارىخقا ۋەكىللىك قىلىدىكەن. ئىز تورىدا ئىزلىرىمىز قالسۇن!
بۇ موتوسىكلىت ئادەتتىكى ۋېلىسپىتقا ئوخشايدىغان بولۇپ، ئۇنىڭ ماتورى ئارقا چاقىغا، ماي باكى ۋېلىسپىتنىڭ توغرا توقمىقىغا مۇقىم ئورۇنلاشتۇرۇلغان. بۇ موتوسىكلىتنى Edwin Perks ئىسىملىك بىر كىشى كەشىپ قىلغان بولۇپ، 1899-يىلى پاتنېتقا ئېرىشكەن. ھازىر بۇ موتوسىكلىت ئىنتايىن ئاز ئۇچرايدىغان بولغاچقا، كىمئارتۇق سودىگىرى ئۇنىڭ كەڭ موتوسىكلىت ھەۋەسكارلىرىنىڭ دىققىتىنى قوزغىشىنى ئۈمىد قىلىدىغانلىقىنى ئېيتقان. ئىز تورىدا ئىزلىرىمىز قالسۇن!
بۇ موتوسىكلىت ئەينى يىلى 63 فوندستېرلىڭ(تەخمىنەن 641 يۈەن)غا سېتىلغان بولۇپ، ھازىرقى باھاسى 21 مىڭ فوندستېرلىڭ(تەخمىنەن 210 مىڭ يۈەن)گە چىققان. تور دۇنياسىدىكى چاقنىغان يۇلتۇز - ئىز تورى!
