ساغلام ئائىلىلەرنىڭ ئۆلچىمى
ساغلام ئائىلە كىشىنى شاد - خۇراملىققا ، جۇشقۇنلۇققا ، ئىجادچانلىققا ئىگە قىلىدۇ . ساغلام ئائىلىلەر تۆۋەندىكى شەرتلەرنى ھازىرلىشى كېرەك .
1. ئائىلە ئەزالىرى ناھايىتى ئىناق ئۆتۈشى ، ئۆزئارا ئىشىنىشى ، بىر - بىرىگە تايىنىشى لازىم .
2. ئائىلە ئەزالىرى ئائىلە ئەمگىكىنى ئاكتىپ ۋە تەشەببۇسكارلىق بىلەن ئۈستىگە ئېلىشى ، بىر - بىرىگە ئىتتىرمەسلىكى لازىم .
3. ئەر - خوتۇنلار ئۆزئارا ھۆرمەتلىشى ، بىر نىيەت ، بىر مەقسەتتە بولۇشى ، ئۆزئارا مۇئەييەنلەشتۈرۈشى ۋە قوللىشى لازىم .
4. ئائىلىدە خۇشاللىق ، يۇمۇرلۇق كەيپىيات بولۇشى ، كىشىگە ئازادە ۋە جۇشقۇنلۇق تۇيغۇسى بېرىدىغان مۇھىت يارىتىلىشى كېرەك .
5. ئائىلە ئەزالىرى سۆز - ھەرىكەتتە بىردەك بولۇشى ، گەپ - سۆز ۋە يۈرۈش - تۇرۇشتا مەدەنىيەتلىك بولۇشى لازىم .
6. ئائىلە ئەزالىرى باراۋەر بولۇشى لازىم .
7. بالا تەربىيەلەشتە ئۆزى ئۈلگە بولۇشى ، ئىلمىي تەربىيەلەش ئۇسۇلىنى قوللىنىش ، بالىنىڭ ئىدىيە - ئەخلاق تەربىيەسىگە ئەھمىيەت بېرىش لازىم .
8. قىيىنچىلىققا يولۇققاندا بىر نىيەت ، بىر مەقسەتتە ھەمكارلىشىپ قىيىن ئۆتكەلدىن ئورتاق ئۆتۈشى ، قول قوۋۇشتۇرۇپ قاراپ تۇرماسلىقى ، ئۆزئارا ئاغرىنماسلىقى لازىم .
9. ئائىلىدە ئارام ئالغاندا ئۆزئارا پىكىر ئالماشتۇرۇشى ، ھەر خىل مەدەنىي كۆڭۈل ئېچىش پائالىيەتلىرىگە قاتنىشىپ تۇرۇشى لازىم .
10. ئائىلە ئەزالىرى بىر - بىرىنىڭ مەخپىيەتلىكىگە ھۆرمەت قىلىشى لازىم .
مەنبە: ئۈرۈمچى كەچلىك گېزىتى |