ياخشى ئىش قىلدىم
__ بالام، چوپچوڭ بوپ قاپمۇ ئورنۇڭغا سىيىپ قويۇشتىن ئىزا تارتمىدىڭمۇ؟ __ ئاپا، سەن دائىم باشقىلارغا ياخشىلىق قىل دەيتتىڭغۇ. __ ھە، ئورنۇڭغا سىيىپ قويغىنىڭ ماڭا ياخشىلىق قىلغىنىڭما؟ __ ئاخشام چۈشۈمدە قوشناملارنىڭ ئۆيىگە ئوت كېتىپتىكەن، سىيىپلا ئۆچۈرۋەتتىم.
مەن ئوقۇتقۇچىغا ئۆگەتتىم
__ بالام، بۈگۈن ئوقۇتقۇچۇڭلار سىلەرگە نېمە ئۆگەتتى؟ __ ھېچنېمە ئۆگەتمىدى، مەن ئۇنىڭغا ئۆگەتتىم. __ نېمە؟ __ ئۇ بىرگە ئىككىنى قوشسا قانچە بولىدىغىنىنى بىلمەيدىكەن، مەن ئۈچ بولىدۇ دەپ ئۆگىتىپ قويدۇم.
خاتىرجەم بولۇڭ دادا
__ دادا، ئەگەر مەن ئىمتىھاندا سىنىپ بويىچە بىرىنچى بولسام، قانداق قىلىسىز؟ __ خۇشاللىقىمدا ئۆلۈپ قالارمەنمىكىن. __ ئەنسىرمەڭ دادا، سىز ئۆلۈپ قالىدىغان ئىشنى ھەرگىز قىلمايمەن.
نۆلدىن باشلاش
__ بالام سەن بۇ، ئوقۇش باشلىنا-باشلانمايلا، نۆل ئاپسەنغۇ؟ __ ھەر قانداق ئىشنى نۆلدىن باشلا دەپ ئۆگەتكەن ئىدىڭغۇ.
ئولتۇرۇپ يېسە تاغمۇ توشۇمايدۇ
ئاپىسى ئۆرە تۇرۇپ تاماق يەۋاتقان بالىسىدىن سوراپتۇ: __ ساڭا نېمە بولدى؟ نېمىشقا ئۆرە تۇرۇپ تاماق يەيسەن؟ __ ئەدەبىيات ئۆقۇتقۇچىمىز ئولتۇرۇپ يېسە تاغمۇ تۇشۇمايدۇ، دېگەن.
بىز ئالتە بولىدىكەنمىزدە
بىر ئايالنىڭ ئۈچ بالىسى ئۇنىڭدىن سوراپتۇ: __ ئاپا، ئەتە تۇغۇلغان كۈنىڭىزكەن، سىزگە نېمە كېرەك؟ __ ماڭا كىيىملىرىنى مەينەت قىلمايدىغان، پاكىزە ئۈچ بالا كېرەك. __ ئۇنداقتا بىز ئالتە بولىدىكەنمىزدە.
قالاق ئۇسۇلنى ئۆزگەرتەيلى
__ دادا، كىچىكىڭدە سېنى داداڭ ئۇرغانمۇ؟ __ ئۇرغان. __ داداڭنىڭ دادىسى ئۇنى كىچىك ۋاقتىدا ئۇرۇپتىكەنمۇ؟ __ دائىم ئۇرىدىكەنتۇق. __ ئۆتمۈشتىن قالغان بۇنداق قالاق بالا تەربىيىلەش ئۇسۇلىنى ئۆزگەرتسەك بولغىدەك. __ توغرا دەيسەن بالام، چوقۇم ئۆزگەرتىش كېرەك. __ ئەمىسە ماۋۇ ئىمتىھان نەتىجەمنى كۆرۈپ باقە.
پوچتا ماركىسى يىغىشنىڭ پايدىسى
بىر ئايال ئۆيىگە كەلگەن مېھمانغا بالىسىنى ماختاپ بېرىپتۇ. __ ماركا توپلاشنىڭ پايدىسى بەك كۆپكەن، بالام خېلى كۆپ نەرسىلەرنى ئۆگىنىۋالدى، مەن ئۇنىڭدىن نېمە سورىسام شۇنى جاۋاب بېرەلەيدۇ. ئىشەنمىسىڭىز قاراڭ ھە، بالام، ئىسپانىيە قەيەردە؟ __ ئىتالىيەدىن ئىككى بەت ئالدىدا.
ساناش
__ ھەي، بارماقلىرىڭغا نېمە بولدى؟ __ ئىتنىڭ چىشىنى ساناپ باقاي دەپ، ئاغزىغا قولۇمنى سالغانتىم. __ ئىت چىشلىۋالدى شۇنداقمۇ؟ __ ھەئە، ئۇمۇ بارماقلىرىمنى ساناپ باقماقچى بولغان ئوخشايدۇ.
بۇ يازمىنى ئاخىرىدا ferdon718 تەھرىرلىگەن. ۋاقتى 2011-2-22 20:30
| 
يوللانغان ۋاقتى 
يوللانغان ۋاقتى