ئەرلەر نىمىشقا خوتۇنىنى ئۇرىدۇ ؟ ئەرلەر نىمىشقا خوتۇنىنى ئۇرۇدۇ ؟ خوتۇنىنى ئۇرىدىغان زادى قانداق ئەر ؟ ... بۇ سۇئال ئوتتۇرغا تاشلانسا ، شۆھبىسىزكى ، نۇرغۇن مۇنازىرە ۋە دەتالاشلارنىڭ كلىپ چىقىشى ئېنىق . بۇ مەسىلە توغرىسىدا بەزىللىرىمىز ، ئەرلەرنىڭ مەيدانىدا تۇرۇپ سۆزلىسەك ، يەنە بەزىللىرىمىز ئىككىلا تەرەپكە تەڭ ئېتىبار بەرگەن ئاساسدا ، ئۆز پىكىرىمىزنى ياقلىشىمىز مۇمكىن . مەيلى كىم قانداق كۆزقاراشتا ، قانداق پىكىردە بولسۇن ، ئومۇمەن ، جەمئىيىتىمىزدىكى كىشىلەرنىڭ بۇ ھەقتىكى قاراشلىرى تۆۋەندىكىدەك ئۈچ تۈرگە بۈلۈنىدۇ . چۈشۈنۈش ئاسان بولسۇن ئۈچۈن ، بىز ئۈچ تەرەپكە « A
، B
، C
» دەپ ھەرىپ بەلگىلەپ ، كۆزقاراشلىرىنى ئايرىم – ئايرىم ھالدا بايان قىلىپ باقايلى ! ... A
. ئەرلەرنىڭ مەيدانىغا ۋەكىللىك قىلىدۇ . يەنى ، خوتۇنىنى ئورۇش توغرا ، ھەقلىق دەپ تەشەببۇس قىلىدۇ . 1 . خوتۇننى ئورۇش ئەرلىك ھەيۋىسىنىڭ بەلگىسى ، خوتۇنىدىن قورۇقماسلىقنىڭ ئەمەلى ئىپادىسى . 2 . خوتۇن كىشىنى ئۇرۇش ئارقىلىق ئۇنى تولۇق باشقۇرغۇلى ، ئەرنىڭ سىزغان سىزىقىدىن چىقماس ىلىغىلى بولىدۇ . 3 . ئاياللار بەزىدە پەقەت گەپ ئاڭلىمايدۇ ، ئارقا – ئارقىدىن خاتالىق سادىر قىلىۋېرىدۇ ، شۇڭا ئۇلارنى ئۇرۇپ تۇرۇش ئارقىلىق باشقۇرۇش ئۈنۈملۈك چارە . 4 . بەزىي ئاياللار ياخشى گەپ قىلسا ئاڭلىماي ، تاياق يىگەندىن كېيىن ئادەم بولىدۇ . 5 . ئايال كىشىنى چىڭ باشقۇرمىسا ، ئەرنىڭ بېشىغا چىقىدۇ ، بىز ئۇرمىساق ، بىزنى ئۇرۇشى مۇمكىن . 6 . ئەركىشى دىگەننىڭ قەھرىمۇ ، زەھرىمۇ بولۇشى ، خوتۇنىنى ھەم يىغلىتالايدىغان ھەم كۈلدۈرەلەيدىغان بولۇشى كېرەك . ئەركەك دېگەن شۇنداق بولىدۇ . 7 . بەزىي ئاياللار بەك ۋاتىلداق ، ئۇرۇشقاق ، ئەركىشى ئۇلارغا گەپتە تەڭ كېلەلمەي تاياققا زورلايدۇ . يۇقارقى كۆزقاراشلارنى يىغىنچاقلىغاندا ، ئەرلەر خوتۇنىنى ئۇرسا بولىۋېرىدۇ . خوتۇنىنى ئۇرىدىغان ئەر نوچى ، ۋىجدانلىق ، غۇرۇرلۇق ياخشى ئەردۇر . B
. ئاياللارنى مەيدانىغا ۋەكىللىك قىلىدۇ . يەنى ، ئەرلەرنىڭ خوتۇنىنى ئۇرۇشى خاتا ، ئاياللارنى ئۇرۇشقا قەتئىي بولمايدۇ دېگەن تەشەببۇسنى قىلىدۇ . 1 . ئەر – ئاياللار ھوقۇقتا باراۋەر . ئاياللارنى ئۇرۇش ، تىللاش ئەخلاقسىزلىق بولۇپلا قالماي ، بەلكى قانۇنسىز قىلمىش . 2 . ئەرلەر خوتۇنىنى ئۇرسا بولىدىكەن ، ئۇنداقتا ، ئاياللارمۇ ئەرلەرنى ئ.ۇرۇشى كىرەك ، بولمىسا ئەرلەرمۇ خوتۇنىنى ئۇرمىسۇن . 3 . ئاياللارنىڭ جاپاسى تۇلا ، ئەرلەر بىلەن تەڭ ئىشلىگەننى ئاز دەپ ، بالا بېقىش ، تاماق ئېتىش ، ۆز ئىشلىرىنى قىلىش ... دېگەنلەرنىڭ ھەممىسىنى ئاياللار قىلىدۇ ، شۇنداق تۇرۇپ ، ئەرلەر ئۇلارنى ئۇرسا بولامدۇ ؟ 4 . ھەرقانچە ئېغىر گۇناھ ئۆتكۈزگەن تەقدىردىمۇ ئايال كىشىنى ئۇرسا قەتئىي بولمايدۇ ، ئازمايدىغان ، خاتالىق ئۆتكۈزمەيدىغان كىم بار ؟ تەربىيە قىلىپ ، پۇرسەت بېرىپ ئۆزگەرتىشكە تامامەن بولىدىغۇ ؟ 5 . ئاياللار جىسمانىي جەھەتتە ئاجىز . ئەگەر ئەرلەر مەن كۈچلۈك دەپ زۇمىگەرلىك قىلسا ، چوقۇمكى ئۇنىڭ سۇرۇقىنى تارتىدۇ . 6 . تىل – دەشنام ، تاياق – توقماق بىلەن ھېچنىمىنى ھەل قىلىغىلى بولمايدۇ . ھەدىسىلا ئاياللارنى ئۇرۇش ئېنىقكى ، ئۇلاردا يوشۇرۇن ئۆچمەنلىك ۋە نەپرەت ، ھەتتاكى ، لاۋۇلداپ تۇرغان قىساس ئوتىنى پەيدا قىلىدۇ ، خالاس . 7 . بىر ئەرنىڭ ۋىجدانى ، پەزىلىتى ئۇنىڭ ئايالىنىڭ ماھىيتىگە بولغان چوڭقۇر چۈشۈنۈشتىن كلىدۇ ، ھەقىقىي ئەركەك خوتۇنىنى ئۇرمايدۇ ، ھاقارەت قىلمايدۇ ، بەلكى ئۆز ھىمايىسىگە ۋە مۇھەببىتى ئاستىغا ئالىدۇ . 8 . ئاجىز ، يارىماس ئەرلەرلا خوتۇنىنى ئۇرىدۇ . چاقناپ تۇرغان پاراسەت ، زېمىندىن كەڭ مېھىربانلىق ، تاغدىنمۇ بۈيۈك پەزىلەت ، دېڭىزدىنمۇ چوقۇر مېھىر – مۇھەببەت بىلەن ئايال قەلبىنى ئىسكەنجىگە ئالغۇچى __ ھەقىقىي ئەركەكتۇر . 9 . خوتۇنى ھەقىقەتەن بەك ئەسلىكى قىلسا ، ياكى ئېرىگە يۈز كېلەلمەيدىغان ئىشنى قىلىپ سالغان بولسا ، ئۇنى ئۇرۇپ ، دەسسەپ يۈرگۈچە چىرايلىق ئاجىرشىپ كەتسە بولىدىغۇ ؟ ... يۇقارقى كۆزقاراشلارنى يىغىنچاقلىغاندا ، ئاياللارنى ئورۇشقا ، كىشىلىك ئىززىتىگە تېگىشكە قەتئىي بولمايدۇ . خوتۇنىنى ئۇرىدىغان ئەر شەپقەدسىز ، رەزىل ، نادان ۋە چۈپرەندە ئەردۇر . C
. ھەم ئەرلەرنىڭ مەيدانىغا ۋەكىللىك قىلىپ ، ھەرئىككىلى تەرەپكە تەڭ ئېتىبار قىلىدۇ . بۇ تەرەپ ، ئاياللارنى ئۇرۇشقا بولمايدۇ ، لېكىن بەزىدە ئۇرمايمۇ بولمايدۇ دىگەننى تەشەببۇس قىلىدۇ . 1 . ئاياللارنى ئۇرۇپ تىللاپ ، ھاىارەت قىلماستىن ، چىن دىلىدىن ھۆرمەت قىلىشى كېرەك . بىراق ئاياللار گاھىيدا ھەددىن بەك ئېشىۋالىدۇ ، بۇنداق چاغدا ئانچە – مۇنچە ئۇچۇغداپ قويمىسىمۇ بولمايدۇ . 2 . ئاياللار ئېغىر گۇناھ ، خاتالىق سادىر قىلغاندىلا ئۇرۇش كېرەك ، ئۇلانى ھەدىسىلا ئۇرۇشقا بولمايدۇ ، بولمىسا تاياقتىن قورىقمايدىغان بولۇپ قالىدۇ . 3 . ئاياللار تالاغا قاراپ قالغان بولسا ، ئۇرۇپ پۇت – قولىنى سۇندۇرۋېتىش كېرەك . 4 . شۇنداق ھازازۇل ئاياللار باركى ، ئۇلار ئەرلىرىنى بۇزەك قىلىپ « سايىماخۇن » قىلىۋېتىدۇ . شۇڭا ئاياللارنى ھەرگىز ئۇرماسلىق ، ھېلىقىدەك ھازازۇل ئاياللارنى ئۇرۇپ ئادەم قىلىش كېرەك . قېنى ئويلاپ بېقىڭ ! ... قايسى تەرەپنىڭ كۆزقارىشى سىزنىڭ قارشىڭىز بىلەن بىردەك ئىكەن ؟ سىزچە قايسى تەرەپنىڭ كۆزقارىشى توغرا !؟ ھەممەيلەننىڭ بۇ توغرىدا ئۆزقاراشلىرىنى ئوتتۇرغا قويۇپ بېقىشىنى ئۈمۈد قىلىمەن
! ... مەنبە : « شىنجاڭ ياشلىرى » ژۇرنىلى ... بۇ يازمىنى ئاخىرىدا salkin11 تەھرىرلىگەن. ۋاقتى 2011-2-11 21:42
| 
يوللانغان ۋاقتى 2011-2-11 21:34
يوللانغان ۋاقتى 2011-2-11 22:38
