ئىلھاملاردىن تۇغۇلغان ئىلھام...گۈلمىرە0999

aygul0999

ئىلھاملاردىن تۇغۇلغان ئىلھام

(شېئىر)


سېغىنغاندا يىغلاي ئەزىزىم،
ئۆكسۈپ-ئۆكسۈپ پۇخادىن چىقاي.
شاماللاردىن ھېدىڭنى ئىزلەپ،
قېنىپ--قېنىپ نەپەسلەر ئالاي.

سېغىنغاندا يىغلاي ئەزىزىم،
يامغۇر كەبى تۆكۈپ ياشلارنى.
سەلدەك ئېقىپ كۆزۈمدىن ياشلار،
ئېلىپ كەتسۇن پىغانلىرىمنى.

سېغىنغاندا يىغلاي ئەزىزىم،
نالىللىرىم پەلەككە يەتسۇن.
سېغىنىشنى بىلەمسەن جېنىم،
نىداھلىرىم يۈرەككە تەگسۇن.

سېغىنغاندا يىغلاي ئەزىزىم،
كەتسىمۇ دەرت يۈرۈككە تولۇپ.
ھېجرانىڭدا ئۆلۈپ كەتسەممۇ،
قالمايمەن يېشىمغا ئۆكۈنۇپ،

سېغىنغاندا يىغلاي ئەزىزىم،
كەلكۈن يېشىم قۇرۇپ كەتكۈچە.
سېغىنغاندا يىغلاي ئەزىزىم،
ئەزىز جېنىم،گۆرگە يەتكۈچە.



بۇ شېئىرنى،تۇن لىرىكىسىنىڭ(سېغىنغاندا يىغلا ئەزىزىم)دىگەن شېئىرنىڭ ئىلھامى بىلەن يېزىلغان.ياختۇرشىڭلارنى ئۈمىت قىلىمەن.