ئالەمگە سەپەر
ئارزۇ تۇلپارىمنى مىنىپ، سەرگەرداندەك، پايانسىز كائىناتقا ،سىرلىق ماكانغا، يەتتە قات ئاسمانغا، ئالەم ئارىلاپ، يۇلتۇز ساناپ، ئاتلاندىم سەپەرگە...... 1 بۇلۇتلار، بولدى تۈنجى ساھىبخان،
قارشى ئالدى قۇچاق ئىچىپ.
ئەمما نەپسىم بوغۇلدى.... ئەزرائىل بوغقاندەك غېققىدە. شۇندىمۇ كۆڭلۈمدە، ئەشۇ بۇلۇتلاردەك، ئەركىن يۈرگۈم، تاغلار باغرىنى قۇچاقلىغىم، چوققىلارنى سۈيۈپ ئۆتكۈم كېلىپ ، كىردىم ئۇلارنىڭ كەينىگە. بۇلۇتلار ئەگىيدۇ، قارا قۇرۇمغا مىلىنىپ، تۇرخۇندىن چىققان ئىستەك، تولغونۇپ، تۈرۈلۈپ، گاھ قوشۇلۇپ، گاھ بۆلۈنۈپ. كىسەلمەن بوۋايدەك، ئېغىر تىنىپ، ئۈزمەكتەھارغىن، ئالدىرايتى نەلەرگە؟ بۇلۇتلار، ئالدى مىنى ئارىغا ، ئۈمىد بىلەن بېقىشىپ ، "ھەمىمىز كېسەلچان"-،دىدى ھەسىرەپ . "تۆت پەسلنى ئۇنتىدۇق، ئايلانباشتەك ئايلىنىپ، قالدۇق پەسىل كەينىدە." "ساپ پاختىدەك ئەسلىمىز، زەھەرلەندى نەسلىمىز، ئۆزىمىزدە زەمزەمدەك، ئابى ھايات سۈيىمىز، تامچە سۇ مۇ سىپەلمەي ، باغ-ۋاراۋان،چۆل-باياۋان، دەشتلىگە. ئاچكۆزئىنسانلار، تىلغاپ زېمىننى ھەم تەكتىنى، بولغاپ ھەتتا سۇلارنى، زىيان سالغاچ تەبىئەت،ھەممىگە..... ئەشۇ شۇملۇق دەستىدىن، ئۆزگەردى خۇي-پەيلىمىز، داۋا بارمۇ بۇ ساقايماس كېسەلگە؟" .......................... دائىماخىيال قىلاتتىم:"
گەر بولسام بۇلۇت، دېڭىزلاردىن قېنىپ سۇ ئىچىپ، ئۇسسىغان گىياھلارنىڭ، ئانا تۇپۇراقنىڭ ، ئۇسسۇلۇقىنى قاندۇرسام ، يامغۇرلىرىمنى فۇنتاندەك چېچىپ. ھاياتلىق بېغىشلىسام ، تەبىئەتكە، ھەممىگە"..... لېكىن يالتايدىم، بۇلۇتلار نالىسىدىن، بىلىپ ھەممىنى. مىنىڭ يامغۇرلىرىم ئوخشاشلا، ئايلىناركەن زەھەرگە. نەپرەتلەندىم
ئۆزەمدىن، بارچە ئىنساندىن، ئۆزىمىزنى گۆرگە ئۆزىمىز، ئىتتەرگىنىمىزدىن. مۇناسىپكەنمىز دوزاققا، باغلىنىشقا يەتتەقات زەنجىرگە. 2 تاڭ سەھەر، كۆك ياقۇتتەك ئاسمان، شۇنداق تېنىق،سۈزۈك، ئوخشار بەئەينى ، تىپ-تىنىچ،چەكسىز دېڭىزگە. بىردىن كۆتۈرۈلۈپ ، يەر شارىدىن، ئىنسانلار ماكانىدىن، قاپ-قارا ئىس-تۈتەك،بۇس كۆككە. ئەجدارھادەك سېسىق تىنىپ،يۆگۈشۈپ، ئوت پۈركىدى ئاسمان ھۆسنىگە. ئېتىلغان زەمبىرەكلەردىن، كۆيگەن نېفىتلەردىن، تاغدەك دۆۋلەنگەن، جەسەتلەردىن ، چېرىندىلەردىن...... بۇلغانغان ھاۋا، ئەسلى ئۆزگۈرۈپ، ياۋ قوشۇنىدەك يۇپۇرۇلۇپ، يىيىلدى كۆپكۆك ئاسمانغا،پەلەككە. ئۇخۇددى جاللات باغرىنى تېلىپ، نىمجان قىلغان مەخلۇقتەك، ئېچىنىشلىق ئېڭىرايتى، قوياش نۇرىنى توسالماي جان-جەھلىدە. شۇ مەھەل كۆپكۆك ئاسمان، زارلاندى ،قېقىلىپ -يۆتۈلۈپ، يەتتە قېتىنىڭ ھەممىسى تېشىلگەچكە. بىز ئاتا قىلغان بارچە ئالامەت، قوندى سۈزۈك چىھرىگە . ئايلاندى كائىنات دوزاق كەبى، قاپ-قاراڭغۇ زۇلمەتكە. پەقەت قۇيرۇقلۇق يۇلتۇر سەرگەرداندەك، نىشانسىز، قارارسىز، ساقىپ چۈشۇپ ئۆچمەكتە. 3 ئەنە قوياش، تۇراتتى غەزەپتىن يېرىلىپ، ئوت-چوغلىرىنى تۆكۈپ،كۆيدۈرۈپ، يىراق مەنزىلدە يىگانە. ھە مانا ئادىتى بويىچە بۈگۈنمۇ، ئالدىراپ قىيسايدى يانغا، بۈگۈننى بېزەندۈرمەككە شەپەقتە. ئەمما، يەر شارىنىڭ ئېغىر تىنىشىدىن، ساكىراتتىكى نالىشىدىن، ئۆزىنى قاچۇرغاندەك ئاستا-ئاستا ، مۇكتى ئارام گاھى -تاغنىڭ كەينىگە.
كەلگەن ئىدى ھەر زامان،ھەر كۈنى ، ھارارىتى، نۇرى بىلەن، سېخىيلارچەھاياتلىق بېغىشلاپ، ھەربىر گىياھ، چىمدىم تۇپراق،جان-جانىۋار، ھەر بىر ئىنسان...ھەممە،ھەممىگە. ھەممىمىز قاغىغان سەۋىرچان قوياش، ئەمدى ھىچ تۇتالماي ئۆزىنى،
ئويغاندى ئۇيقۇدىن بىردىن، تاقىتى يوق سەۋرىگە. كائىناتىنىڭ زۇلىمەتلىك چوڭقۇرلۇقىدا، غەزەپتىن ياغدۇردى، ئاتەش ئوقلىرىنى ئايىماي بارچىگە. ئەنە ،بۇزغۇنچى ئىنساننىڭ، چېچەك چىققاندەك، يامرىدى غەيرى داغ،كېسەل، يۈزى، قولى...ھەممە جىسمىگە . . دېھقاننىڭ تۈجۈپىلەپ تىككەن زېرائەتلىرى ، كۆللەر ،ئورمان-توغراقلار..... ئۇنىڭ ھارارىتىدىن، ساكىراتتا، باش ئەگدى تەقدىرگە. ئەجدارھا پۇركىگەن ئوتتەك تەپتىدىن، كۆيۈپ بىردەمدە چاراسلاپ، بولدى ھالسىراپ لەسسىدە. زەھەرلەنگەن ،بۇلغانغان تۇپراق، ئۇسسۇزلۇقتىن چاكىلداپ، يېرىلدى چاك-چاك ھەممە يە.... ھالاكەت مەپىسى كەلمەكتە يېقىنلاپ، ئۆلۈم نىقاۋىنى تارتىپ يۈزىگە. 4 يەر شارى، تەڭپۇڭلىقىنى يوقاتقان قولۋاقتەك، ئاستا-ئاستا قېيسىيىپ، چۆكمەكتە ھالاكەت دېڭىزى تەكتىگە. قوياش گۇڭگالىقتا، ئاسمان-زېمىن ئېغىر تىنىپ، دوزاق گۈللەنمەكتە،زۇلىمەت چوڭقۇرلۇقىدا. ئۇنتىغاچ ئەسلىمىزنى ، يارالغىنىمىزنى، ئىلىپ قالغىنىنى نوھ كىيمىسىدە . قالار بولدۇق، ئاچكۆز، بۇزغۇنچىلىق قىلمىشمىزدىن، يەنە توپان بالاسىگە. چۈنكى ساپ تۇپراق، ھاۋا، سۇنىڭ، نەپسىمىزنى دەپ، پىسەن قىلمىدۇق ئاھۇ-زارىگە. پەقەت بىرلا يەر شارىدا، ئەۋلاتنىڭمۇ نېسىۋىسى بارلىقىگە. كېچىكسەكمۇ ئەمدى يانمىساق، سۈكۈتلەرگە خاتىمە بېرىپ، ئەشۇ مۇجىزاتلارغا، قىلغان –ئەتكەنلىرىمىزگە، بەدەل تۆلىمىسەك، ئاخىرەت بولار بىركۆن ھەممە، ھەممىگە.... يۈرمەكتىمەن دەلدەڭشىپ ئالەمدە مەستەك، پۇشماندىن،ھەسرەتتىن، يىتەلمەي بۇ قىسمەتنىڭ سىر ساھىلىدا.
مەنبە: يازمام بۇ يازمىنى ئاخىرىدا yanbulak تەھرىرلىگەن. ۋاقتى 2011-1-30 18:02
| 
يوللانغان ۋاقتى 2011-1-30 15:25
يوللانغان ۋاقتى 2011-1-30 18:19
