سەككىز خىل غىزالىنىش ئادىتى ئارقىلىق ئۇيقۇسىزلىقنى ياخشىلىغىلى بولىدۇ...
1. تەركىبىدە تىرىپتوپان بولغان يېمەكلىكلەرنى ئىستېمال قىلىش . بىر ئىستاكان سۈت ئۇيقۇمىزنى ياخشىلاپ ، بىزگە شېرىن چۈش ئاتا قىلالايدۇ ، چۈنكى سۈت تەركىبىدە ئۇيقۇ كەلتۈردىغان تىرىپتوپان ماددا بار . سۈت ئىچىشنى ياقتۇرمايدىغانلار گۆش، بانان ، ھەسەل قاتارلىقلارنى ئىستېمال قىلسىمۇ بولىدۇ ، چۈنكى بۇ يېمەكلىكلەرنىڭ تەركىبىدىمۇ مول بولغان تىرىپتوپان ماددىسى بار .
2. تەركىبىدە كاربوھىدرات بولغان يېمەكلىكلەر . تەركىبىدە كاربوھىدرات مول بولغان يېمەكلىكلەر قاندىكى ئۇيقۇنى ياخشىلايدىغان تىرپتوپاننىڭ مىقدارىنى ئاشۇرىدۇ . مەسىلەن ، بولكا ، پېچىنە قاتارلىق يېمەكلىكلەر .
3. ئۇخلاشتىن ئىلگىرى ئۇششاق - چۈششەك يېمەكلىك يېيىشمۇ ئۇيقۇنى ياخشىلاشنىڭ ئوبدان چارىسى ، چۈنكى ئاشقازاندا ھەزىم بولىدىغان نەرسە بولسا ، ئۇيقۇسىزلىق تەبىئىيلا يوقىلىشى مۇمكىن . ئەمما كۆپ يەۋالماسلىق كېرەك . ئۇنداق بولمايدىكەن ، ئاشقازاننىڭ بېسىمى ئېغىرلاپ ، قورساق كۆپۈپ ياخشى ئۇخلىغىلى بولمايدۇ .
4. ھامبۇرگ بولكىسى ۋە بەرەڭگى ياپراقچىسى يېمەسلىك . بۇ يېمەكلىكلەرنىڭ تەركىبىدە ماي مىقدارى يۇقىرى بولۇپ ، بەدەن ئېغىرلىقىنى ئاشۇرۇۋېتىپلا قالماي ، يەنە ئۇيقۇغىمۇ بىۋاستە تەسىر يەتكۈزىدۇ .
5. قەھۋەگە خۇمار بولۇپ قېلىشتىن ساقلىنىش . قەھۋەنىڭ ئۇيقۇ قاچۇرىدىغانلىقى ھەممىمىزگە ئايان ، ياخشى ئۇخلاش ئۈچۈن كۈندە چۈشتىن كېيىن تەركىبىدە كوفېئىن بولغان يېمەكلىكنى ئىستېمال قىلىشتىن ساقلىنىڭ .
6. ئۇخلاشتىن ئىلگىرى ھاراق ئىچمەسلىك كېرەك . ئىسپىرت ئادەمنى ئۇيقۇغا غەرق قىلىشى مۇمكىن ، بىراق ھاراق ئىچكەندىن كېيىنكى باش ئاغرىقى ، كۆپ چۈش كۆرۈش ، قەي قىلىش ئالامەتلىرى شېرىن ئۇيقۇغا ئېغىر تەسىر يەتكۈزىدۇ .
7. ئاچچىق يېمەكلىكلەرنى يېمەسلىك . مۇچ قاتارلىق ئاچچىق يېمەكلىكلەر ئاشقازاننىڭ ھەزىم قىلىش ئىقتىدارىغا تەسىر كۆرسىتىپ ، ئۇيقۇسىزلىقنى كەلتۈرىدۇ ، شۇڭا ئۇخلاشتىن ئىلگىرى بىر خىل يېمەكلىكلەرنى يېمىگەن ياخشى .
8. تاماكا چەكمەسلىك . نىكوتىننىڭ تەسىرى قەھۋەنىڭكىگە ئوخشايدۇ . ئەگەر سىز يېرىم كېچىدە تۇيۇقسىز ئويغىنىپ كەتسىڭىز ، ھەرگىز تاماكا چەكمەڭ ، چۈنكى يېرىم كېچىدە چەككەن تاماكا ئۇيقۇسىزلىقنى ئېغىرلاشتۇرۇۋېتىدۇ .
مەنبە: «شىنجاڭ قانۇنچىلىق گېزىتى» دىن ئېلىندى .
| 
يوللانغان ۋاقتى 2011-1-17 22:04
يوللانغان ۋاقتى 2011-1-18 00:47
