- ئاخىرقى قېتىم
- 2011-3-17
- تىزىملاش
- 2010-3-26
- ھوقۇق
- 150
- توردا
- 352سائەت
- جۇغلانما
- 2445
- نادىر تېما
- 5
- يازما
- 428
- تېما
- 225
- توردا
- 352سائەت
- نادىر تېما
- 5
- دوست
- 22
- يازما
- 428
- تېما
- 225
|
قېرىلىق گۇناھ ئەمەس
ئاپتورى: ئابلىمىت ئابلىز
ئۈچ يىل ئىلگىرىكى مۇنداق بىر ئىش ئېسىمدىن چىقمايدۇ: مەلۇم بىر كۈنى كەچتە، دوختۇرخانىنىڭ جىددىيقۇتقۇزۇش بۆلىمىنىڭ كۆزىتىش ئۆيىدە ساقسىز بولۇپ قالغان ئانامنىڭ ھالىدىن خەۋەر ئېلىۋاتاتتىم. شۇ چاغدا 27 - 28 ياشلار چامىسىدىكى دېھقان سۈپەت بىر يىگىت ئايالى ۋە دوختۇرلارنىڭ ياردىمىدە ياشىنىپ قالغان بىر موماينى يۈدۈپ ئېلىپ كىردى. موماينىڭ ھالى بەكمۇ بوش ئىدى. ئۇ يىگىتنىڭ دېيىشىچە، ئانىسى ئېرىق بويىدا كىر يۇيۇۋېتىپ، بېشى قايغاندەك بولۇپ يىقىلىپ چۈشكەن بولۇپ، ئەر - ئايال ئىككىيلەن ئۇنى ئۈچ چاقلىق موتسىكلىتقا سېلىپ، 8 - 9 كىلومېتىر يول بېسىپ دوختۇرخانىغا ئېلىپ كەپتۇ. دوختۇرلار موماينىڭ مېڭىسىگە ئېغىر دەرىجىدە قان چۈشكەن، دەپ دئاگنوز قويۇپتۇ ۋە ئاغرىقنىڭ ئاخىرەتلىك ئىشلىرىغا تەييارلىق قىلىپ قويۇشىنى ئۇقتۇرۇپتۇ.
بۇ موماينىڭ ئالتە ئوغلى بار بولۇپ، بۇ يىگىت ھەممىدىن كىچىكى ئىكەن. ئانچە ئۇزۇن ئۆتمەي، بۇ يىگىتنىڭ ئۈچ ئاكىسى ئاياللىرى بىلەن يېتىپ كەلدى. باشقىلىرى خەۋەر تاپمىغانمۇ ياكى ئاڭلىغان بولسىمۇ كەلمىدىمۇ، ئۇنىسى بىزگە نامەلۇم. ئۇلارنىڭ چىرايىدا ئانىسىدىن ئايرىلغانلىقىغا قايغۇرۇش، دوختۇرخانىغا ۋاقتىدا ئېلىپ كېلىپ قۇتقۇزالمىغانلىقىدىن ئەپسۇسلىنىش ئالامەتلىرى كۆرۈنمەيتتى. كېلىنلەرمۇ خۇددى ھېچ ئىش بولمىغاندەك كۇسۇرلىشىپ بىر چەتتە تۇراتتى. «توۋا، مۇنداقمۇ باغرى تاش پەرزەنتلەر بار ئىكەن - ھە!؟» دېدىم ئىچىمدە.
- ئەمدى ئۆيىدە جىم ياتقانلارنىمۇ چاقىرىپ كېلىپ، ئاپامنى داۋالىتىش ۋە ئۇزىتىش چىقىمىنى قانداق قىلىش توغرىسىدا مەسلىھەتلىشەيلى. ئاپامنىڭ پەرزەنتى پەقەت سىلەرلا ئەمەسقۇ؟ - دېدى كېلىنلەر ئىچىدىكى چىرايىدىن يامان تەبىئەتلىكلىكى چىقىپ تۇرىدىغان بىرى. كونىلار مۇنداق دېگەن ئىكەن: «پەرزەنت ئانىسىنى يۈدۈپ ھەجگە ئاپارسىمۇ، ئانىنىڭ بالىنى تۇغۇپ قويغان شۇ بىر ئەجرىنىمۇ قايتۇرالمايدۇ». ئاق سۈتىنى بەرگەن، باققان ئەجرى بۇنىڭ سىرتىدا ئىكەن. ھازىر پەرزەنت ئۈچۈن ئانىسىنى ھەجگە ئايروپىلان بىلەن ئاپارسىمۇ بولىدىغان شارائىت بار. نېمە بىلەن ئاپىرىش مۇھىم ئەمەس، گەپ ئانىلارنىڭ پەرزەنت ئۈستىدىكى ھەققىنىڭ بەك زور ئىكەنلىكىدە. بىزدە «ئانىسى تەپكەن موزاينىڭ جېنى ئاغرىماس» دېگەن ماقال بار. ئۇ ئانا گەرچە ئوغۇل، كېلىنلىرىنى ياخشى كۆرمىدى دېگەن تەقدىردىمۇ، ئۇ يەنىلا ئوغۇللىرىنى جاپا تارتىپ چوڭ قىلغان - دە. ئانا بىر ئۆمۈر پەرزەنت ئوتىدا كۆيۈپ، سۈيىدە ئاقىدۇ. شۇ ئانا ھايات چېغىدا تاغدەك ئالتە ئوغلىدىن پەخىرلىنىپ، تۇرمۇش، ئاخىرەتلىك ئىشلىرىدىن خاتىرجەم بولۇشنى ئارزۇ قىلغاندۇ. ئىنسان بېشىدا ئۆلۈم، قېرىلىق، يامان پەرزەنتتىن ئىبارەت ئۈچ كۈلپەت بار ئىكەن. ئالدىنقى ئىككىسىدىن ھېچكىم قېچىپقۇتۇلالمايدۇ، شۇنداقلا ھەرقانداق ئاتا – ئانا پەرزەنتىنىڭ يامان بولۇپ قېلىشىنىمۇ ئارزۇ قىلمايدۇ.
ئوغۇللارنىڭ ھېچقايسىسىئىقتىساد توغرىسىدا بالدۇر ئېغىز ئېچىشنى خالىمايۋاتاتتى. ئەسلىدە ئۇلار تېلېۋىزوردەك «تىزگىنەك» لىككەن ئەمەسمۇ؟! ئاۋۇ ئۈچ كېلىن ئەرلىرىگە زىيادە گەپ قىلماسلىق توغرىسىدا ئىما - ئىشارەت بىلەن بۇيرۇق قىلىپ بولغان ئىدى. مېيىت ئېلىپ كېتىلدى. لېكىن بۇ ئىشتىن كېيىن بىر مەزگىل چىۋىن يەۋالغاندەك يۈردۈم.
ياشانغانلار ئائىلىنىڭ، پەرزەنت تەربىيەسىنىڭ ئاساسچىلىرى. بىزنىڭ تۇرمۇش، ئەخلاق مىزانلىرىمىز دەل شۇلار ئارقىلىق بىزگىچە ئۇلاشقان. ئاتا - ئانىلارنى قەدىرلەش، ھۆرمەتلەش ھالىدىن خەۋەر ئېلىش پەرزەنتلەرنىڭ باش تارتىپ بولمايدىغان مەسئۇلىيىتى. ئۇلار بىزدىن قىلغان ئەجرىنى قايتۇرۇشنى تەلەپ قىلمايدۇ. پەرزەنتىنىڭ ئەھۋال سوراپ قويغان بىر ئېغىز گېپىدىن ئالەمچە خۇشاللىق تاپىدۇ. پەرزەنت ئۈچۈن مىننەتسىز تەر تۆككۈچىلەر تاشلىنىپ قالمىسۇن، ئۇ دۇنياغا كۆزلىرى ياشلىنىپ كەتمىسۇن.
مەنبە: شىنجاڭ ياشلىرى ژورنىلى
|
|
يوللانغان ۋاقتى 2011-1-16 11:40
يوللانغان ۋاقتى 2011-1-16 12:04
