ھايات يۈرىكى:نىشان

abdukorax

قوشومچە:
(مەلۇم تىمىسىغا يازغان ئۆز ئىنكاسىم)
مىنىڭچە سىز بۇ دۇنيادا نىمە ئۈچۈن ياشايسىز دىگەن سۇئالنى سىزنىڭ ھاياتلىق نىشانىڭىز زادى نىمە؟ دىسەك بەلكىم تىخىمۇ كونكىرتراق، ھەم ئەمەلىي بولامدىكى دەپ ئويلايمەن،مىنىڭچە بۇ ئىككى سۇئالنىڭ جاۋابىي ئاساسەن ئانچە پەرىقلىنىپ كەتمەيدۇ دەپ قارايمەن...
بۇ دۇنيادا ئادەملەر نىمە ئۈچۈن ياشايدۇ؟ئۇنداقتا مەن زادى نىمە ئۈچۈن ياشايمەن؟بۇ ھاياتلىقىمدا زادى نىمىگە ئىنتىلىۋاتىمەن؟نىمىلەرگە ئىرىشىش ئۈچۈن تىرىشىۋاتىمەن؟بۇ تىرىشىشلىرىم ۋە ئىنتىلىشلىرىم مىنىڭ ھاياتىمنىڭ ھەقىقىي مەنىسى ۋە قىممىتى بولالامدۇ ؟...مانا مۇشۇندا بىر تالاي سۇئاللار كاللامدا پەيدا بولوشقا باشلىدى،2001-يىلى1-ئاينىڭ 12-كۈنى چۈشتىن كىيىن سائەت 4:30 لاردا يۈز بەرگەن بىر ئىش قەلبىمگە تۇنجى مۇھەببەت ئۇرۇقى بولوپ تىرىلغاندىن كىيىن بۇنداق سۇئاللار تىخىمۇ كۈچىيىشكە،ئىڭىمدا ئەۋج ئىلىشقا باشلىدى...
ئەمما ئۆزۈمنىڭ ئەينى چاغدىكى ئاچچىق ئەمەلىيتىم مىنىڭ قاتتىق تىركىشىدىغان بىردىنبىر مەۋجۇتلۇق يولۇم ئىدى ...
دادام ئاپام توي قىلىپ مەن تۇغۇپ بىر ئاي بولماستىلا ئايرىلىپ كەتكەن،مەن ئۈگەي دادام ۋە ئائىلە ئايالىي ئاپامنىڭ قولىدا چوڭ بولدۇم،ئورونسىز تاياق يىگەن،ۋە ئاپامنىڭمۇ مەن سەۋەپلىك دادمنىڭ ئالدىدا تىلى قىسقا بولىدىغانلىقى سەۋەپلىك بەزى ۋاقىتلاردا ئاپامنىڭ ئاچچىقىنى مەندىن چىقىرىدىغانلىقى ھىلى ھەممۇ ئىسىمدە..
ئىنشائاللا مەندەك قانداشلىقى يوق بىر ئادەم ئۈچۈن،مەيلى قانداقلا بولمىسۇن نۇرغۇن قۇربانلىقلارنى بەرگەن شۇ ئەزىز دادامغا،ۋە مەن ئۈچۈن،مىنىڭ بۇ دۇنياغا تۆرۈلۈپ قالغانلىقىم سەۋەپلىك نۇرغۇنلىغان قىيىنچىلىقلارغا بەرداشلىق بەرگەن،تۇرمۇشنىڭ خوۋلىقى بۇلۇتلوق ئاسماندىكى يۇلتۇزچىلىك بولمىغان شۇ جاپاكەش جان جىگىرىم قەدىردان ئاپامغا ئىگەم ئاللاھتىن رەھمەت ۋە ئاسايىشلىق تىلەيمەن،ئىگەم ئاللاھ ئۇلارنى ئۆز پاناھىدا ساقلىغاي،مىنىڭ بىر پەرزەنىتلىك بۇرچۇمنى ئادا قىلىشىمنى نىسىپ ئەتكەي...
مىنىڭ بۇ دۇنياغا تۆرۈلۈشىمنىڭ سەۋەپچىسى بولغان شۇ ئادەمگىمۇ چەكسىز ئازاپلار تىلىمەيمەن،پەقەت ئىگەم ئاللاھنىڭ ئۇنىڭغا ئىنساب دىيانەت بىرىشىنى،مىنىڭمۇ تىرىك يىتىملىقتا تارتقان شۇ جاپا مۇشاقەت،ئازاپلىرىمنىڭ ئەجرىنى بىرىشىنى تىلەيمەن.ئىنشائاللا ،مىنىڭ شۇ ئاچچىق كەچمىشىمگە ئوخشاش كۈنگە ئۇچراۋاتقان،ئاپامدەك جاپا تارتىۋاتقان،دادامغا ئوخشاش شۇنداق خالىس كىشىلەرنىڭ بارلىق قىيىنچىلىق ۋە ئازاپلىرىنى ئاللا ھارام قىلغاي ...
تولوق ئوتتورىغا مىڭ تەسلىكتە،بەسى مۈشكۈلچىلىك ئىچىدە ئوقوشقا چىقتىم...
كاللامدا يەنە شۇنداق سۇئاللار ھۆكۈم سۈمەكتە،نەچچە رەت ئۆلىۋىلىشنى ئويلىغان ۋاقىتلىرىممۇ بولدى،قىشنىڭ قەھرىتان سوغوقلىرى قار ياققان كۈنلەردە چىداپ بولالماي ئۆيىدىن چىقىپ كىتىپ ناۋاينىڭ تونورىدا يىتىپ،باشقىلارنىڭ سامانلىقىدا سامانغا كۆمۈلۈپ ياتقان كۆنلىرىممۇ ھەم بوپتۇ،بۈگۈن ئوقوۋاتىمەن،ئەمما ئەتە ئوقوشۇمنىڭ داۋاملىشالىشىغا،تولوق ئوتتورىنى ساق- سالامەت،تولوق تاماملىيالىشىمغا قەتئى ئىشىنەلمەيمەن،چۈنكى دادام ئاپام ھەتتا ئۇرۇق تۇققان ھەممەيلەن مىنىڭ ئوقوشىمنى قەتئى خالىمايدۇ...شۇڭلاشقا مەن ئەڭ ئالدى بىلەن ئۆز نىشانىمنى تىپىشىم كىرەك،بولمىسا مەن مەڭگۈلۈك مەغلۇب بولىمەن،ئەگەر مەن تولوق ئوقوسام بۇ ئارقىلىق نىمىگە ئىرىشمەكچى مەن ؟ئەگەر ئوقويالمىسام تەقدىرىم زادى قانداق بولىدۇ ؟مەن قانداق بولىشىنى ئارزۇ قىلىمەن؟مەكتەپتە ئۆتىلىۋاتقان دەرىسلەر زادى مىنى نىمىلەرگە ئىرىشتۈرەلەيدۇ؟ بۇ دەرىسلەر زادى نىمىگە ئەسقاتىدۇ؟...مانا بۇ سۇئاللا كىچە كۈندۈز ھەر تىنىقىمداماڭا ھەمرا،چۈنكى مەن كۈن كۈنلەپ مەكتەپ ياتاق بىناسى مەيدانىدىكى تۇربا سۈيىگە ئۈچ ۋاقلىق ناننى نەمدەپ يەيمەن،،ھەپتە ھەپتىلەپ بىر سۇيۇقئاشقا چاغلىق قازان تامىقىنىڭ دىدارىنى،ھەتتا ھىدىنى پۇرىيالمايمەن(ئىنشائاللا ئىگىمىز ھەر قانداق بىر بەندىسىنىڭ رىزقىنى زىيادە قىلسۇن)،دوستلىرىمنىڭ،ساۋاقداشلىرىمنىڭ ئاشخانىلارغا كىرىپ كەتكىنىنى كۆرىمەن،بۇنداق چاغدا تۈكۈرىكىمنى يۈتىۋىتىپ،بىشىمنى ئازراق تۆۋەن قىلىپ كىتىپ قالىمەن...
دوستلىرىمنىڭ ئاتا ئانىسى ئۇلارغا چىرايلىق كىيىم- كىچەكلەرنى ئىلىپ بىرىدۇ،ئەمما مەن كونا كىيىم كىچەكلەر بازىرىدىن ئەڭ ئەرزان باھالىق كىيىملەرنى ئىلىپ ياراشتۇرۇپ كىيىمەن،ئۇلاردىن ئانچە چانمايمەن (ئىنشائاللاھ ئىگەم ئاللاھ قەلبىمگە سەۋىرچانلىق،ئىنساپ- دىيانەت،چىدامچانلىقنى زىيادە قىلسۇن)...
مەن ھەر قايسى جەھەتلەردىن،نۇرغۇن -نۇرغۇن جەھەتلەردىن ئەتراپىمدىكىلەردىن خىلى زور دەرىجىدە پەرىقلىنىدىغانلىقىمنى بىلىمەن،شۇڭا بۇ خىلدىكى سۇئاللار ھەم بۇنىڭ جاۋابىغا بولغان تەخىرسىز ئىنتلىش ماڭا دايىم ھەمرا...مەن كىتاپ ئوقوش بىلەن يۇمران قەلبىمنىڭ جاراھەتلىرىگە مەلھەم، شۇ جەريانىدا تەپەككۇر قىلىش بىلەن سۇئاللىرىمغا جاۋاپ،قەلبىمنىڭ چوڭقۇر قاتلىمىدىن چىققان ئاۋازغا ئەگىشىپ يول ئىزدىدىم...بۇمۇ ئىنتايىن قىيىنغا توختىدى،بۇ جەريانىدا نۇرغۇن جاپالارنى تارتتىم...چۈشلۈك،كەچلىك،شەنبە،يەكشەنبە دەرىستىن سىرتقى بارلىق دەم ئىلىش ۋاختىم ئاساسەن كىتابخانىدا ئۆتتى،كىچە كوچا چىراق،شام يورىقىدا كىتاب ئوقودۇم ،ماتىماتىكا ۋە باشقا بىر ئىككى پەن دەرىسىدىن باشقا ۋاقىتلارمۇ شۇ كىتاب ئوقوش بىلەن ئۆتتى،مومكىن بولسا ئوقوشىمنى داۋاملاشتۇرالىغانغا قەدەر كىتابخانىدا بار بولغان،مەن ئىسمىنى ئاڭلىغان تىپىش ئىمكانىيىتى بولغان بارلىق كىتابنى ئوقوب تۈگىتىۋىتىش مىنىڭ شۇ ۋاقىتتىكى نىشانىم ئىدى ...
ئىككى يىرىم يىل ۋاقىت ئاساسەن مۇشۇنداق ئۆتتى،ئىزدەندىم، تەپەككۇر قىلدىم...2004 يىلى 12-ئاي ۋاقىتلارغا كەلگەندە مەن بۇ ئۆمرۈمدە زادى نىمىگە ئىرىشمەكچى ؟ ئەگەر مەن ئىرىشەلىسەم، داڭلىق پۇتبۇلچى بولوپ جوردانغا ئوخشاش نام قازىنىش ياكى داڭلىق چولپان بولوپ مايكىل جىكسۇندەك شۆھرەتكە ئىرىشىشتىن مەن قايسىنى تاللايمەن...مەن كۆز ئالدىمدىكى بۇ نىشانلىرىمغا يەتسەم،ئۇنىڭدىن كىيىنكى نىشانىمغىمۇ يەتسەم ئۇنىڭدىن كىيىنكى تاللىشىم زادى قانداق بولىدۇ ؟مەن بۇلار ئارقىلىق زادى يەنە نىمىگە ئىرىشمەكچى ؟ مىنىڭ ئەڭ ئاخىرى ئىرىشمەكچى بولغىنىم زادى نىمە؟
مەن شۇنداق داڭدار شەخىسكە ئايلىنالىسام ئاخىرىدا ئۆزۈمدىن مەمنۇن بولالامدىم ياكى ھازىر دۇنيادا ئەڭ ئىلغار بولغان كومپىيوتىردىنمۇ ئىلغار غايىۋى بىر كەشپىياتنى بارلىققا كەلتۈرەلىسەم ئۆزۈمدىن مەمنۇن بولامدىم ؟ ۋە ياكى پۈتۈن دۇنيا،پۈتۈن ئىنسانلار ھالاكەت گىردابىغا يۈزلەنسە مەن قۇتقۇزۋالالىسام ئاندىن ئۆزۈمدىن مەمنۇن بولامدىم...ئادەم ئۆزى ئاددى،ئاجىز شۈنچىلىك كىچىكلا بىر مەخلۇق، ئەمما ئۇنىڭ قەلبى غايەت زور،گوياكى بىر كائىنات،ئۇنىڭغا ئويلىيالىغانلىكى ھەر قانداق بىر نەرسە سىغىدۇ،ئۇ يەنە ئۆز نۆۋىتىدە خيال قىلالىغانلىكى ھەر قانداق بىر نەرسە ۋە ئىشنى ھەر قانداق بىر شارائىتتا خىيال قىلىشقا قادىر...
2004-يىلى 12- ئاينىڭ 25-كۈنى دۈشەنبە كەچ مەن ئۆزۈمنىڭ پۈتكۈل ھاياتلىق نىشانىم ۋە بارلىق ئىنتىلىشلىرىمنى كۈندىلىك خاتىرەمگە يازدىم.
مەن ئۆزۈمنىڭ قانچىلىك ياشىيالايدىغىنىمنى ،قانچىلىك ئىشنى ۋۇجۇتقا كەلتۈرەلىشىمنى، ئۆزۈمنىڭ نىمە ئىشلارنى قىلالىشىمنى بىلمەيمەن ،ئەمما مەن ئۆمرۈمنىڭ ئەڭ ئاخرى،ئەڭ ئاخىرىدىكى ئىللىق بىر تەبەسسۇمنى ئۆزۈمنىڭ ئەڭ چوڭ ھاياتلىق نىشانىم،ئىنتىلىشىم،تىرىشىشىم،كۆرەش نىشانىم قىلىپ تاللىدىم،ئۆزۈم شۇنداق جاپالارنى تارتىۋىتىپتىمەن،مەندىنمۇ ئىغىر كۈندىكى قىرىنداشلىرىم ھەم تەقدىرداشلىرىم ھەم بار.مەن بىر مۇسۇلماننىڭ پۇشتى دىگەن نام بىلەن بۇ دۇنياغا كۆز ئىچىپتىمەنۇ ئەمما بۇ خىلدىكى كىشىلەرنىڭ باشقا دۆلەت،ۋە رايون ئايرىم جايلاردا بىھۇدە،ئىچىنىشلىق جان بىرىۋاتقانلىقىنى،يەكلىنىۋاتقانلىقىنى،مۇسۇلمان ئاتالغىنى ئۈچۈن تەڭسىز مۇئامىلىلەرگە ئۇچراۋاتقىنىنى ئاڭلىدىم... چوقومكى بۇ مىنىڭ غەزىپىمىنى قوزغايدۇ،ئەمما مەن تۇرۇۋاتقان بۇ رايون ۋە دۆلەتتە بۇنداق ئەمەس،ئىنتايىن ياخشى،قانۇن يول قويغان دائىرىدە مەيلى قانداق قىلىشنى تاللاش،ئىشىنىش ۋە ئىشەنمەسلىكتىن ئىبارەن بۇ ئەڭ زور ئەركىنلىك بولغاندىن باشقا بۇ ئەڭ موقەددەس قانۇنىمىز تەرپىدىن قوغدىلىپتۇ،ئىنتايىن سۆيۈندۈم...ئۆزىمىز ياشاۋاتقان مۇشۇ ھەر بىر ئۇچۇم توپراقىنى قوغداش ۋە گۈللەندۈرۈش ھەر بىر قىرىنداش ۋە پۇقرانىڭ مۇقەددەس بۇرچى ۋە ئۇلۇغ ۋەتىنىمىزنىڭ ئۈمىدى دەپ ئويلىدىم...
يىغىپ ئىيتقاندا مەيلى چوڭ ياكى كىچىك،مەيلى ئوبىيتىپ ياكى سوبىكتىب،ۋە ياكى ھەر بىر شەخىس نوختىسىدىنمۇ بۇ دۇنيا ھەر بىر ئادەم ئۈچۈن تىرىشىش،ئىنتىلىش كۆرەش قىلىش مەيدانى،ھەر بىر ئادەم چوقومكى ئۇ سەكراتتا ياتقان ھالەتتىمۇ ئۇنىڭ ھەر بىر تىنىقى ئۇنىڭ تىرىشىش،كۆرەش قىلىش نىشانى بولىدۇ دەپ قاراپ ھەممىسىنى يىغىپ كۆرەش،يەنى ھاياتلىقنى گوياكى كۆرەش دەپ چۈشەندىم...
مىنىڭ ھاياتلىق نىشانىم:1)دىنىي ئىتقاد:يەنى مەن تىرىكلا بولسام ھامان ئادەم بۇ دۇنياغا نىمە ئۈچۈن توغىلىدۇ ؟ نىمە ئۈچۈن ئۆلىدۇ ؟ ئۆلگەندىن كىيىن قانداق بولىدۇ ؟بىز نىمە ئۈچۈن تۇغۇلىمىز، نىمە ئۈچۈن يەنە ئۆلىمىز ،بۇ دۇنيا زادى قانداق ئاپرىدە بولغان،كەڭرى كەتكەن ئالەم ،توختاۋسىز تەرتىپلىك ئايلىنىۋاتقان پىلانىتلار، ئەڭ مۇرەككەپ ۋە ئەڭ مۇكەممەل تۈزۈلۈشكە ئىگە ئادەم بەدىنى بۇلار زادى نىمىنى كۆرسىتىدۇ؟تەڭرى زادى راستلا مەۋجۇتمۇ ؟ مەۋجۇت بولسا زادى قايسى دىن زادى ھەقىقىي راست دىن؟ ئىسلاممۇ ،خرىستىيانمۇ ياكى بۇددامۇ ؟ۋە ياكى باشقىمۇ...ئىشقىلىپ تىپىشماقتەك سۇئاللا ھامان مىنى بۇ ساھەگە باشلايدۇ،ئەڭ ئاددىيسى دۇنيادىكى ھىچ قانداق بىر قانۇن ۋە تۈزۈم، ئۆلۈم ئالدىدا قاغجىراپ بىر تامچە سۇغا ئىھتىياجلىق بىرسىنى ئۇچراتقاندا،ئىشىپ تىشىپ تۇرغان سۈيىدىن بىر يۇتۇم بىرىشكە مەجبۇرلىيالمايدۇ،بەرمىسە جازالىيالمايدۇ ئەمما بۇنداق چاغلاردا دىنىي قانۇنلار روھىي جەھەتتىن شۇ شەخىسنىڭ ئەڭ مۇكەممەل قانۇنىي بولالايدۇ دەپ چۈشەندىم...شۇڭا ئىلىمىزنىڭ مۇقەددەس قانۇنى بۇنىڭغا ئىشىنىش ياكى ئىشەنمەسلىكنى قوغدايدۇ ھەم دۆلەتنى ئەخلاق ئارقىلىق ئىدارە قىلىشنىمۇ ئەڭ موھىم دەپ ئىتىبار بىلەن قارايدۇ.
2)ئىلىم-پەن: مەن مومكىن بولسا پەلسەپە،پىسخولوگىيە ۋە ئەدەبىيات پەنلىرىدە ساۋادىم بولىشىنى،بۇ تەرەپلەردە چۈشەنچەم بولىشىنى،مومكىن بولسا ۋايىغا يىتىشىمنى ئىزدەيمەن،خەنزۇتىلى،ئىنگىلىزتىلى،ئەرەپ تىلى ۋە تۈرك تىلىنى چوقوم ئۈگىنىشىم،ناتىقلىق ۋە ئىپادىلەش قابىلىيتىم بولىشى،ئويلىغانلىرىمنى ئىغىزچە ۋە قەغەز يۈزىدە ئەڭ ياخشى رەۋىشتە ئىپادىلىيەلىگۈدەك قابىلىيتىمنىڭ بولىشىنى ئىزدەيمەن...
3)ئىقتىساد:مىنىڭ قورسىقىم، كىيىمىم ۋە مەۋجۇتلۇقىم بارلىق ئىھتىياجىم ئۈچۈن ئەڭ زۆرۈر بولغان ئىقتىسادى كاپالەت ۋە بۇ توغرىسىدىكى ئوقوملار توغرىسىدا ئىنىق ۋە تەپسىلىيرەك چۈشەنچەمنىڭ بولىشىنى ئىزدەيمەن...
4)گۈزەل سەنئەت: مەن ھىچ بولمىغاندا بۇ دۇنيانىڭ گۈزەللىكىنى ھىس قىلالايدىغان بۇ ھاياتنىڭ ھامان گۈزەللىكىنى تونويالايدىغان يۈرەكنىڭ مەندە بولىشىنى، موڭلۇق ۋە جۇشقۇن مۇزىكىلاردىن بەھىر ئالالايدىغان،ئازاپلانغا ۋە دەردىم كۆپەيگەن چاغلاردا ھىچ بولمىغاندا ئەڭ ئاددى ۋە ئەڭ موڭلۇق سازىمىز دۇتتارنىڭ بىرەر پەدىسىگە بولسىمۇ چىلىپ،ئوڭ تەتۈر بولسىمۇ توۋلاپ دەردىمنى ،ئىچ پۇشىغىمنى چىقىرالايدىغان قابىلىيتىمنىڭ بولىشىنى ئىزدەيمەن...
5: تەنتەربىيە:مەن ئۆزۈمنىڭ تەن ساقلىقىم ئۈچۈن بەدەن چىنىقتۇرۇشىم ھەم مەن بىر ئوغول بالا، بىر ئەركەك بولغىنىم ئۈچۈن شۇنىڭغا لايىق ھەم ماس كۈچ قوۋۋىتىمنىڭ بولىشىنى،مۇبادا ئەزىز ئاتام ياكى ھۆرمەتلىك ئاپام سەكراتتا يىتىپ قالسا ئۇلارنى كۆتىرىپ يۆتكىيەلىشىم،ئىنشائاللا موبادا ئۇلار جەننەتكە مەندىن بۇرۇن ئالدىراپ قالسا ئۇلارنىڭ جىنازىسىنى پۇتلىرىم ئىگىلمەي كۆتىرەلىشىم،مۇبادا كۆز ئالدىمدا شۇنداق بىر نۇمۇسسىزلىق يەنى ئۆز ئاچام باشقىلارنىڭ بوزەك قىلىشىغا ئۇچىرسا مىنىڭ كۆكرەك كىرىپ ئوتتورغا چىقىشقا لايىق كۈچ قۇۋۋىتىمنىڭ بولىشىنى،يەنە مۇبادا مەن ياشاۋاتقان مۇشۇ تۇپراق،ئاتا بوۋام تەرپىدىن ئەزىزلەنگەن ۋە ئاتا بوۋامنى ئەزىزلىگەن مۇشۇ جۇڭگۇ تۇپرىقى مەندەك بىر ئەرزىمەس تەنگە ئىھتىياجلىق بولسا،كۆزۈمنى مىت قىلىپ قويماستىن كۆكرەك كىرىپ ئوتتورغا چۈشەلەيدىغان جاسارەت ۋە كۈچ قۇۋۋەتنىڭ مەندە بولىشىنى،ھىچ بولمىغاندا مەن ئۇچراتقان بىرەر بوۋاي ياكى شۇ ئاجىز موماينىڭ ۋە ياكى ئۆزۈمنىڭ بىرەر خالتا ئۇن ياكى گۈرۈچنى،كۆمۆرىنى پۇتلىرىم ئىگىلىپ كەتمەستىن كۆتىرىلەيدىغان كۈچ قوۋۋىتىمنىڭ بولىشىنى ئىزدەيمەن...
مەن ئويلايمەن مەنلا ئەمەس،ھەر قانداق بىر نورمال ئەقلىي ۋە تەپەككۇر ئىگىسى مەلۇم بىر غايە،نىشان ۋەن ئىنتىلىش ياكى ئىھتىياجنى قوغلىشىپ ياشايدۇ دەپ قارايمەن،ئەمما بۇ يەنە ئۆز نۆۋىتىدە شۇ ھەر بىر ئادەمنىڭ دۇنيا قارشى،ئىتقادى،قىممەت قارشى بىلەن ئىنتايىن زىچ مۇناسىۋەتلىك،بۇلار شۇ ئادەمنىڭ پۈتكۈل ھاياتىنىڭ قانداق بولوش يۆلىنىشىنى كۆرسىتىدۇ ۋە يىتەكلەيدۇ دەپ قارايمەن...ئۆزىنىڭ دۇنيا قارشى،ئىتقادى بىلەن بىردەكلىككە ئىگە بولالمىغان غايە ،نىشان ياكى ئىنتىلىشنى پىچەك،ئەخلەت ئىنتىلىش دەپ قارايمەن...
مەيلى قانداقلا نىشان ۋە ياكى ئىنتىلىشنى ئىشقا ئاشۇرۇشنىڭ تۇنجى قەدىمىنى ئەتىگەن سەھەر تۇرۇش،ئۆزىنىڭ ۋاقتى ۋە ئىقتىسادىنىڭ ھىسابىنى قىلىشتىن باشلىنىدۇ دەپ تونويمەن.بۇ ئىشلارنىڭ مەيلى قانداق بولىشىدىن قەتئى نەزەر بۇ زىمىندا،مەلۇم ئادەملەر توپى ئارىسىدا ياشايدىغان ھەر قانداق ئادەم ئەڭ ئالدى بىلەن باشقىلارنى ھۆرمەتلىشى،كۆڭلىدە قانداق ئويلىشى،باشقىلارنى ياخشى ياكى يامان دەپ تونىشىدىن قەتئىنەزەر ئەمەلىيتىدە ھەر بىر ئادەمگە ھۆرمەت قىلىش،سۆيىشى،باشقىلارغا ئىززەت ئىھكرام ۋە ئەدەپ بىلەن مۇئامىلىدە بولىشى كىرەك دەپ تونويمەن،ئەمما بۇنىڭ ئۈچۈن خىلىلا تىرىشىش كىرەك ئەلۋەتتە ....
مەن سىزنىڭ سەۋەنلىكلىرىڭىز دىگەن كىتابتىن ئۆزىنىڭ ھەر بىر مىنوت ۋاختىنى خۇشال ۋە مەنىلىك ئۆتكۈزەلىگەن ئادەم ئەڭ ئەقىللىق ئادەم دەپ تەبىر بىرىلگىنىنى ئوقوغىنىم ئىسىمدە،بۇنىڭ ئۈچۈن بولوپمۇ مەنىڭ دىگەن سۆزنى مەنىگە ئىگە قىلىش ئۈچۈن چوقوم نىشان بولىشى كىرەك،نىشان گوياكى ھەر بىر ئادەمنىڭ كىملىكى ۋە مەۋجۇتلىقىدۇر.نىشانسىز ئادەم گۇياكى كىملىكىنى يوقاتقان ئادەمدۇر . يەنى كىملىكى مەجۇت ئەمەستۇر.ئۇنىڭ جىسمى،تىنى مەجۇت بولىسىمۇ ئۇ بۇ زىمىنغا ئوشوقچە يۈكتۇر.نىشانسىز ئادەم گوياكى قاتۇرۇپ قويغان بۇتتۇر.نىشان شۇ ئادەمنىڭ قىممىتىنىڭ ئاساسىدۇر.مەيلى قىرى-ياش،ئەر -ئايال ئىشقىلىپ نورمال ئەقىل ۋە تەپەككۇرغا ئىگە ئادەمىنىڭ مەيلى قانداقلا بولمىسۇن ئىنىق بىر نىشانى بولىشى كىرەكتۇر،ئەرزىمەس تەندە بۈيۈك ئارزۇ ئارمانلارنىڭ سايىسىمۇ مەۋجۇت بولماستۇر دەپ قارايمەن...

abdukorax

نىشاننى ئەمەلگە ئاشۇرۇش ئۈچۈن چوقوم ھەر بىر مىنوت ۋاقىتنى چىڭ تۇرۇش كىرەك.
ۋاقىت گوياكى ئىقىن سۇغا ئوخشايدۇ، مىلىيونلاپ پۇل خەجلەپمۇ،بارچە ئاماللارنىڭ ھەممىنى قىلىپمۇ، قولىمىزدىن كەتكەن ھەر بىر مىنوت ۋاقىتنى قايتۇرۋالالمايمىز،ۋاقىت گوياكى ئۆمۈر دىمەكتۇر.ئۆتكەن ھەپتە يىڭى بىر يىلنىڭ ئالمىشىشى بىلەن ھەر بىرىمىزنىڭ ئۆمۈر دەپتىرىدىن بىر ۋاراق ئۆرۈلدى،بىزنىڭ ھەر بىر كۈنىمىز گوياكى شۇ بىر بەتتىكى ھەر بىر قۇردۇر.بىز شۇ قۇرغا نىمىلەرنى يازىمىز؟شۇ بىر بەتنى قانداق بىزەيمىز؟شۇ بىر خاتىرىمىزنى قانداق توشقۇزىمىز ؟
يىڭى يىل باشلانغاندىن بۇيان بىزدە نىمە ئۆزگىرىشلەر بولدى؟ياكى ئىلگىركىگە ئوخشاشلا يۈگەنسىز ئاتقا ئوخشاش كىتىپ بارامدۇق؟
...
ئەڭ ئالدى بىلەن شۇ بىر قۇرنىڭ مۇقەددەس شاھىدى بولغان شۇ بىر كۈننى مەنىلىك ئۆتكۈزىمەن.
پۈتۈن ئۆمرۈم،ھەر بىر يىل،ھەر بىر ئاي،ھەر بىر كۈنۈمدىكى نىشانىمنى غۇۋالاشتۇرۇپ قويمايمەن.ھەر بىر كۈنۈمدە ئۆزۈمنىڭ مۇقەددەس ھاياتلىق نىشانىم ئۈچۈن ئىلگىرلەيمەن.
مىنىڭ ھەر بىر كۈن،ھەر بىر سائەت،ھەر بىر مىنوت ھەتتا ھەر بىر سىكونىت ۋاختىمنى نىشانسىز،پىلانسىز،قۇرۇق ئۆتكۈزىۋىتىشكە ھەققىم يوق.بۇ مىنىڭ ئەڭ ئۇلۇغ نىسىۋەم، بۇ ماڭا بىرىلگەن ئامانەت.مەن بۇ ئامانەتكە خيانەت قىلالمايمەن،ئامانەتكە خىيانەت قىلىش جىنايەتتۇر.
تۈنۈگۈنكى جاراھەتلىرىمگە توغرا قارايمەن.سەۋەنلىكلىرىم،كۆز ياشلىرىم،نادانلىق ۋە مەغلۇبىيەتلىرىم بىلەن تولغان تۈنۈگۈننى ئۇنتۇپ كىتىمەن،مىنىڭ جاپا مۇشاقەت ئازاپ،ئوقىبەتلىرىم بىلەن تولغان تۈنۈگۈننى ئۇنتۇپ كىتىمەن.
تەھتىد،خرىس،توسالغۇلار بىلەن تولغان ئەتىنى بۈگۈن ئويلىمايمەن.مەن ئۆلىمەن لىكىن ئۆلىمىم ئۈچۈن بۈگۈن قايغۇرىشىم ھاجەتسىز،ئاتا-ئانام،خيالىمدىكى پەرىشتەم ۋە بارلىق يىقىنلىرىم ئۆلۈپ كىتىدۇ،لىكىن كىيىنكى قايغۇ ئۈچۈن بۈگۈن ئازاپلانمايمەن،شىرىن قۇرۇق خيال،ئارزۇ ھەۋەسلەرگە بەنىت بولوپ بۈگۈنكى بۇ قىممەتلىك ۋاختىمغا خيانەت قىلمايمەن.مەن پەقەت ۋە پەقەت بۈگۈنۈم ئۈچۈن ياشايمەن.
بۈگۈننى چىڭ تۇتىمەن .بۈگۈننىڭ ھەر بىر مىنوت سىكونىتىنى پۈتۈن ۋۇجۇدۇم، پۈتۈن مىھرىم بىلەن سىيلايمەن،ھەر بىر كۈنۈمنىڭ شاھىدى بولغان بۇ ھەر بىر كۈننى ،ھەر بىر قۇرنى ئەڭ مەزمۇنلۇق،ئەڭ قىممەتلىك جاۋاھىراتلار بىلەن تولدۇرىمەن.‹‹ پەقەت قەلبى مۇكەممەل بولمىغان ئادەملەرلا كالىنداردىن ئەتىنى ئىزدەيدۇ››‹‹پەقەت ئاجىز يار يۈلەكسىز ئادەملەرلا خىيالى دۇنيادىكى ئەتە ئىچىگە غەرق بولوپ يۈرىيدۇ››. مەن ھىچقايسىسى ئەمەس،مەن دىگەن مەن،مەن دىگەن كۆرەش،مەن دىگەن ئابدۇكۆرەش،مەن بۇ ئىسمىمنىڭ ئىڭىمدىكى ئوبرازىنى خۈنۈكلەشتۇرۇپ قويمايمەن.ئۆزۈمنى يوقوتۇپ قويمايمەن.مەن ئۆزۈم ئۈچۈن ئەڭ موھىم بولغان بۇ بىر كۈننى.قولومدا ھەقىقىي بار ئەڭ قىممەتلىك بايلىقىمنى ئىسراپ قىلىۋەتمەيمەن .قولومدا تىخى مەۋجۇت بولمىغان مەۋھۇم نەرسىلەرنىڭ كەينىدىن پايپىتەك بولوپ ئەڭ قىممەتلىك بۈگۈنىمنى ئىسراپ قىلىۋەتمەيمەن.قەلبىمنى كۈندىلىك ئۇششاق چۈشەك ئىشلىرىمنىڭ قۇربانىغا ئايلاندۇرۇپ قويمايمەن.
بۈگۈننى مەھكەم تۇتىمەن،بۈگۈننىڭ ھەر مىنوت ھەر سىكونىتىدىن تولوق پايدىلنىمەن.پۈتۈن زىھنىمنى،تالانتىمنى،بارلىق ئەقىل پاراسىتىىمنى،ۋە ئەڭ زور تىرىشچانلىقىمنى مەكەزلەشتۈرۈپ بۈگۈن ئۈچۈن كۆرەش قىلىمەن.بۈگۈن ئۈچۈن غەيرەت قىلىمەن،بۈگۈن ئۈچۈن چەكسىز تەنتەنە قىلىمەن...
خوشامەتچى،قۇرۇق گەپ ساتىدىغان،نىشانسىز،پىلانسىز،بىچارە بايقۇشلاردىن يىراق تۇرىمەن.ئارزۇ ئارمانلىرىنى قەغەز يۈزىگە يىزىۋىلىپ،ساختا،يالغان ۋەدىلەرنى ئىغىزىدىن شالۇك ئىقىتىپ،تۈكرۈكلىرىنى چاچرىتىپ سۆزلەيدىغان لىكىن ئەمەلىيەتتە ھىچ بىر ئەمەلىي قەدەم ئالمايدىغان بىچارىلەردىن يىراق تۇرىمەن.ھەر مىنوت سەگەك،تىنىچ،ۋە بىمالال كەيپىياتىمنى،كەڭ قورساق،ئوچوق يوروق ھالىتىمنى،سەزگۈر،ئۆتكۈر،يىڭى تەپەككۇرۇمنى ساقلايمەن.
ھەر قىتىم ئاجايىپ قىزغىنلىق،كۆتۈرەڭگۈ روھ،تولوپ تاشقان قىزغىنلىقىم بىلەن يولغا چىقىمەن،ئوڭىشسىزلىق،قىيچىلىق ئالدىدا توخو يۈرەكلىك قىلمايمەن،رىقابەت ئالدىدا چىشىمنى چىشلەپ بولومسىزلار ئالدىدا ھەرگىز تىز پۈكمەيمەن.ھاياتلىق نىشانىمنى ھەر ۋاقىت ئىسىمدە ساقلايمەن.بىلىمەن بىلىمسىز،نادان ،ئەقىلسىز ئادەملەرلا نىشانسىز ماڭىدۇ.نىشانسىز ھەركەت قىلىدۇ.ئۆزىنىڭ نىمە ئۈچۈن ھەركەت قىلىۋاتقىنىنى بىلمەيلا ھەركەت قىلىدۇ،ئۆزىنىڭ نەگە بىرىشىنى ئۇقمايلا يول ماڭىدۇ.خۇددى بىر توپ چۈمىلىلەرنى بىر بوتولكا ئەتراپىغا دۈگىلەك ھالەتتە تىزىپ قويسا توختىماي يول يۈرگەنگە ئوخشاش.يول يۈرىدۇ،ھەركەت قىلىدۇ ئەمما ئۈنۈمسىز ھەركەت قىلىدۇ،ئۇنىڭ ھەركىتى ئۇنى ھىچ نەرسىگە ئىرىشتۈرەلمەيدۇ.شۇنىڭ ئۈچۈن مەن نىشانىمنى ئىنىق كۆرۈپ تۇرۇپ ھەركەت قىلىمەن.ھاياتلىق خەرىتەمنى ھەر ۋاقىت ئىڭىمدىن ،كۆز ئالدىمدىن نىرى قىلمايمەن .
شۇنداق بىر نەرسە ئىسىمدە تۇرۇش كىرەككى،كۆپىنچە ھاللاردا ئادەم ئۆزى ئەڭ ئىھتىياجلىق نەرسىگە ئەڭ تەستە ئىرىشىدۇ،شۇنىڭ ئۈچۈن چوقوم يىتەرلىك،تولوق ئەجىر سىڭدۈرىشىم كىرەك.ئاز ئەجىر سىڭدۈرۈلگەن ياكى ۋايىغا يەتكۈدەك ئەجىر سىڭدۈرۈلمىگەن ھەركەتلەر ھىچ بىر ئۈنۈم بەرمەيدۇ،بۇنىڭ نىشانسىز،پىلانسىز ھەركەت قىلغاندىن ھىچ بىر پەرقى يوق.شۇڭا چىدامچانلىق بىلەن ئاخىرغىچە بەرداشلىق بىرىمەن،ئازغىنە نەتىجە ئۈچۈن قانائەت قىلىپ بولدى قىلمايمەن،چوقوم تولوق ئەجىر سىڭدۈرىمەن.ئىشنى يىرىم يولدا توختىتىپ قويمايمەن.بۇ خۇددى ئىغىر بىر دۈگىلەك جىسىمنى بىر داۋاندىن يۇقىرغا كۆتۈرۈپ چىققانغا ئوخشاش.مەن چوقوم بۇنى كۆتۈرگەن پىتى شۇ داۋاننىڭ ئەڭ ئۈستىگە ئىلىپ چىقىپ بولغاندىلا قويىشىم كىرەك،ئەگەر بوشاڭلىق قىلىپ بەرداشلىق،بىرەلمەي ئۇنى قويوپ ئازراق تۇرىۋالماقچى بولىدىكەنمەن،بۇ دومىلاپ پەسكە چۈشۈپ كىتىدۇ،مەن ئۇنى يەنە نۆلىدىن باشلايمەن،ئۇنىڭ ئەڭ ئاخىرقى پەللىگە بىر قەدەم قالغاندا قويساممۇ ئوخشاش يەنە ئۇنى نۆلدىن باشلاشقا توغرا كىلىدۇ،مىنىڭ بارلىق تارتقان جاپالىرىمنى يوققا چىقىرىدۇ،شۇنىڭ ئۈچۈن چوقوم تولوق ئەجىر سىڭدۈرىمەن.
ھەر قانچە مۇكەممەل خەرىتىمۇ ئادەمنى بىر قەدەم ئالدىغا يۆتكىيەلمەيدۇ.مۇۋەپپەقيەتنىڭ بىردىنبىر ھىكمەتلىك سۆزى ھەركەتنى ھازىرلا باشلاش.ئاجىزلارنىڭ ئۆمۈرلۈك كىسەللىكى ئاخىرغا سۆرۈش ئادىتىنى قەتئى يۇقتۇرىۋالماسلىق كىرەك.ئۆزىگە ھەر قانداق باھانە سەۋەپ قالدۇرماستىن،بۈگۈنكى ئىشنى ئەتىگە قويماستىن ھەركەتنى ھازىرنىڭ ئۆزىدە باشلاش كىرەك،مەن چوقوم شۇنداق قىلىمەن.قەلبىمدىن،تۇرمۇشۇمدىن كەينىگە سۆرەشتن ئىبارەت بۇ ھالاكەتنى چوقوم سىقىپ چىقىرىمەن.ھەركەت بولمىسا كاللام قۇپقۇرۇق قاپاققا ئايلىنىپ قالىدۇ.ھەركەت بولمىسا مول بىلىمىم،ئەقىل پاراسىتىم ھىچ نەرسىگە ئەرزىمەيدۇ.ھەركەت بولمىسا ھەر قانچە زور ھەيۋىتىممۇ ئۆلۈك سۇغا ئايلىنىپ قالىدۇ.مەن چوقوم ياپۇنلۇقلارنىڭ ‹‹ مەن ئادەم شۇڭا ھەركەت قىلىشىم كىرەك›› دەيدىغان قان- قېنغا سىڭىپ كەتكەن ئىددىيسىنى ئىسىمدە چىڭ ساقلايمەن.خىزمىتىمدە،تۇرمۇشۇمدا قەتئى سۆرەلمىلىك قىلمايمەن.
توختاش چىكىنىشنىڭ،سۈكۈت ئۆلۈمنىڭ بىشارىتىدۇر.مەن چوقوم كەينىگە سۆرۈش،توختاش،سۈكۈت دىگەنلەرنىڭ بويونتۇرقىدىن قۇتۇلۇپ ھەركەتنى ھازىرنىڭ ئۆزىدە ۋايىغا كەتكۈزۈپ تولوقى بىلەن ئوروندايمەن،ھەر بىر ھەركىتىمنىڭ تولوق ئۈنىمىنى كۆرمىگىچە،نىشانىمغا يەتمىگۈچە قەتئى بولدى قىلمايمەن.
ئەڭ ئالدى بىلەن نىشان،ئاندىن پىلان،ئاندىن شۇ ۋاقىتنىڭ ئۆزىدىلا ھەركەتنى باشلاش كىرەك.
ئىشنى نىشانلىق،پىلانلىق،تەرتىپلىك قىلىشقا ئادەتلىنىشىم كىرەك.
ئۆز كەيپىياتىمنى يۈگەنسىز ئاتقا ئوخشاش قويىۋەتمەستىن،ئۆزىمنى تۇتىۋىلىپ ھەر بىر ھەركىتىم ۋە ھەر بىر ئىغىز سۆزۈمدە سالماق بولىشىم،ئۈنۈمنى،نىشانىمنى ئۆلچەم ۋە قىبلىنامە قىلىشىم كىرەك.روھى چۈشكۈن،جانسىز ئۆلۈكتەك كەيپىياتقا چۈشۈپ قالماسلىقىم كىرەك.قەددىمنى تىك كۆتۈرۈپ نىشانىمنى كۆز ئالدىمغا كەلتۈرىمەن،ئۆز نىشانىمغا قاراپ كىتىۋاتقاندەك،چىرايىمدا ئىللىق تەبەسسۇم،ئىغىزىمدا ئەسسالامۇ ئەلەيكۇم، قولومنى يىنىك سىلىپ،كىچىك تىز،رىتىملىق قەدەملىرىم بىلەن ئالدىمغا قاراپ ماڭىمەن.شۇ بىر نەرسە ئايانكى بىر ئادەمنىڭ يول يۈرگەندىكى قىياپىتى،ئۇنىڭ روھى ھالىتى،قەدىمىنىڭ رىتىمى شۇ ئادەمنىڭ قەلىب ئەينىگىنىڭ ئىپادىسىدۇر.ئادەم خۇشال ۋاقىتلىرىدا روھلوق،قەدىمى تىز،جانلىق بولىدۇ.قايغۇغا چۈمگەندە بولسا روھسىز،جانسىز،قاپىقى تۈرۈك بولىدۇ.قايناق بازاردا كۆۋرۈكنىڭ ئۈستىگە چىقىۋىلىپ ئادەملەرگە سىنچىلاپ سەپە سالساق گوياكى ئۇلارنىڭ قەلىپ ئەينىگىنى كۆرەلەيمىز. ئەمما مەن مەيلى خۇشال بولاي ياكى قايغۇغا چۈمەي كەيپىياتىمنى چوقوم تۇراقلىق ساقلايمەن.يەنى چىرايىمدا ئىللىق تەبەسسۇم،ئىغىزىمدا ئەسسالامۇ ئەلەيكۇم، قولومنى يىنىك سىلىپ،كىچىك تىز،رىتىملىق قەدەملىرىم بىلەن ئالدىمغا قاراپ ماڭىمەن.
ھەر بىر قەدىمىم ۋە ھەر بىر ئىغىز سۆزۈمدە چوقوم جانلىق ۋە كەسكىن مىجەز خاراكتىرىمنى نامايەن قىلىمەن.مەزمۇنلۇق،مىغىزلىق سۆزلىرىم،چەبدەس قەدەملىرىم بىلەن ئۆزۈمنى ئىپادىلەيمەن،مىنىڭ كۆزۈم ھەر ۋاقىت ئۆزۈمنىڭ نىشانىمنى كۆرۈپ تۇرىدۇ.مىنىڭ ھەر بىر تەپەككۇرۇم ئۆز نىشانىم ئۈستىدە بولىدۇ،ھەر بىر ئالغان قەدىمىم ئۆز نىشانىم تەرەپكە يىقىنلاپ بارىدۇ .
نىشانسىز ئادەمنىڭ ئۆلۈكتىن،لايدىن قاتۇرۇپ قويغان بۇتتىن بىرلا پەرقى ئۇ قىمىرلىيالايدۇ،ئۇندىن باشقا ھىچ قانداق پەقى يوق...
نىشان مەيلى ئۇ يوللوق ياكى يولسىز بولىشىدىن قەتئى نەزەر بىزنى شۇنىڭغا ھەركەت قىلدۇرىدۇ ھەم بىزمۇ شۇنىڭغا ئىرىشىمىز.خۇددى كونىلار تىلىسەڭ تاپارسەن دىگەندەك.ئىسلام دىنىدا بولسا ھەر بىر ئادەم ئۆزى تىلىگەنگە ئىرىشىدۇ دىگەندەك.يەنە شۇنداق بىر ئۇلۇغ سۆز بار ‹‹ تەڭرى مۇرادىغا يەتمىگەن بەندىلىرىنى بۇ دۇنيادىن ئالدىراپ ئىلىپ كەتمەيدۇ›› .
ئەگەر بىر ئۇلۇغ نىيتى بار بىر ئادەم بولسا ئۇمۇ مەخسىتىگە يىتىدۇ.يىتەلمىگەندىمۇ ئاللا شۇ ئۇلۇغ نىيتىگە يەتكەننىڭ ساۋابىنى بىرىدۇ.ئەڭ رەزىل نىيەتلىك بىر ئادەممۇ ئۆزىنىڭ مەخسىتىگە ھەم يىتىدۇ. ھەم ئۇمۇ ئۆزىنىڭ تىگىشلىك جاجىسىنى يەيدۇ.بۇنى ھۆرمەتلىك ئۇستازىم زۇلپىقارنىڭ ‹‹ھەر قانداق بىر بىيتى قارا ئادەمنىڭ ئۆزىگە يارىشا قارا تەقدىرى بولىدۇ ››‹‹ ئەگەر سەن ئۆتمۈشكە تاپانچىدا ئوق ئاتساڭ كەلگۈسى سىنى زەمبىرەك بىلەن ئاتىدۇ››دىگەن سۆزى بىلەن ئىپادىلەش مومكىن.ئادەم مەيلى ساق نورمال ھالەتتە ياكى بىھۇش ئىغىر مەسىت ھالەتتە بولسۇن ئۆزىنىڭ شۇ نىيتىنى ئۇنتىيالمايدۇ.بۇ ھەم مىنىڭ بىشىمدىن ئەمەلىي ئۆتكەن.
‹‹ 2010-يىلى 3-ئاينىڭ 6- كۈنى شەنبە كەچ،خوتەن ۋىلايەتلىك رادىيو تىلىۋىزىيە مەكتىپىنىڭ كەينى تەرەپتىن ئىجارە ئالغان ياتاقتا،بىر نەچچە تەڭتۈش ھەم يىقىن يوروقلار بىلەن ئولتۇرۇش باشلاندى.ھەر خىل ئىچىملىك،چوڭ،كىچىك چىكىملىك...ھەممسى بار ئىدى. ئالىي مەكتەپنى پۈتتۈرۈپ بولغىچە،شۇ يىشىمغىچە قولومغا يىقىن يوللىمىغان نەرسىلەر خىزمەتكە چىققاندىن كىيىن ھەر خىل ئىھتىياج ھەر خىل سەۋەپلەر،ھەر خىل موھىت،ئەڭ موھىمى ئىرادىسىزلىكىم بوشاقلىقىم بىلەن ئارلاپ قولومغا چىقىشقا باشلىدى.مانا بۈگۈنمۇ ھەر خل ئىچىملىك،ھەر خىل چوڭ كىچىك چىكىملىك،ئىچىملىك ھەممىسى قولومغا چىقتى...بەزىلىرى تۇنجى بولغاچقا ماڭا خىلى كۈچىنى كۆرسەتتى...
باشقىچە بىر دۇنياغا كەلدىم،ھەممە جاي ئاپپئاق،خۇددى قار پۈتۈن جاھاننى ئۆز قوينىغا ئالغاندەك،لىكىن قاردىن ئەسەرمۇ يوق.ئەتراپ تاقىر ئاپقاق دالا.بۇ قايسى دۇنيا،بۇ قەيەر دەۋاتىمەن،قانداقتۇر بىر ئاۋاز سۇئالىمنى قايتۇرۇپ،سەن كىم،سەن قەيەردە دەۋاتىدۇ.مەن ئابدۇكۆرەش،مەن...راستىمنى دىسەم زۇۋانىم تۇتۇلدى،ئابدۇكۆرەش دىگەن ئىسىمنى ئىغىزىمغا ئالغىنىمدىن نۇمۇس قىلدىم.ئاخىرىدا مەن بىر توپ كور بەڭگى ۋە ئاچچىق ئىس تۈتەكلەر ئىچىدە دىيەلمىدىم،بۇنى دىيەلمەسلىك بىلەن تەڭ ئۆزىىمدىن نۇمۇس ھىس قىلدىم.ۋۇجۇدۇمنى يىغا قاپلىدى،مەن كىم؟مىنىڭ نىشانىم زادى نىمە؟... ھەممىسى كۆز ئالدىمدا نامايەن بولوشقا باشلىدى.ھەر بىر نىشانىمنى تىخىمۇ ئىنىق كۆردۈم،ئۆزۈمنىڭ ھالىغا قاراپ سىنىڭ كۈتكىنىڭ ھەم سىنىڭ ھالىڭ مۇشۇمۇ دىگەنىنى ئويلاپ بولغۇچە يىغا كۆزۈمدىن ھەم كانىيىمدىن ئالدى.سىرتقا يۈگۈردۈم،كۈزۈمدىن چىقمايۋاتقان ياشلىرىم ۋە گىلىمدىن چىقمايۋاتقان قۇسۇقلار جىنىمنى ئالدى شۇ دەقىقىدە ئۆزۈمنى ئۆلۈپ كىتىدىغان بولدۇم دەپ ئويلىدىم،ئىنتايىن بەك قىينالدىم.ھەم ھەر بىر نىشانلىرىم كۆز ئالدىمدا بىر بىرلەپ زاھىر بولوشقا باشلىدى...
توغرا مەن ئىچىدىكىلەر قىلغاننى قىلدىم،ئەمما ئۇلار پەرۋاسىز،مەن بولسام مۇشۇ ھالەتتە ھالىمغا قاراپ ئىچىنىۋاتىمەن ھەم ئۆز نىشانىلىرىمنى تىخىمۇ ئىنىق كۆرىۋاتىمەن.قەددىمنى رۇسلىدىم،ئۆزۈمنى تىخىمۇ كۈچلەنگەندەك ھىس قىلدىم.قۇلاق تۈۋىمدە بىر ئاۋاز،مانا بۇ ھاياتلىق.ھاياتلىقتا توغرا قىلىشمۇ خاتا قىلىشمۇ بار،سەن قايسىسىنى قىلىمەن دىسەڭ شۇنى قىلالايسەن،ھەر قايسىنى تاللاشقا تامامەن ھوقوقلوقسەن،ئۇنداقتا نىمە دەپ خاتاسىنى قىلغۇدەكسەن،سەن بۈگۈن خاتا قىلدىڭ،ھىچقىسى يوق داۋاملاشتۇر،ئۆز قەدىمىڭنى داۋاملاشتۇر دەۋاتقۇدەك...رەھمەت دەۋەتتىم،ئەمما كىمگە دىگىنىمنى ئۇخمايمەن.ئابدۇكۈرەش،ئابدۇكۈرەش مەن دىگەن ئابدۇكۆرەش ....
ئىبادەت قىلىۋىتىپتىمەن،شۈنچىلىك خاتىرجەم،پۈتۈن ئىخلاسىم، خاتىرجەملىك بىلەن ئىبادەت قىلىۋىتىپتىمەن،ھىچ قاچان بۈگۈنكىدەك ئىبادەت قىلالىغىنىمنى ئەسلىيەلمىدىم.بىر چاغدا ئۆزۈمگە قايتىپ كەلدىم،كۆزۈمدىن بىر تامچە يىشىمنى،گىلىمغا تۈرۈپ قالغان قانداقتۇر بىر نەرسىنى يا يۇتالماي يا چىقىرىۋىتەلمەي تۇرغىدەكمەن.چىرايىمدا بىر خىل تەمكىلىك ھەم ئۆزۈمنى ئەڭ ئاخىرقى تىنىقىمدا كۆرۈشنى ئارزۇ قىلىدىغان تەبەسسۇم بار ئىدى.ئىغىزىمدىن فۇنتاندىن ژۈندە ئىتىلىپ چىقىۋاتقاندەك قۇسۇق كۈچلۈك ئىتىلىپ چىقىشقا باشلىدى...
روھىم كۆتىرەڭگۈ،كۆڭلۈم خاتىرجەم.ئۆزۈمنى چاقىردىدىم،ئابدۇكۆرەش ياخشىمۇ سەم؟ ئىللىق بىر تەبەسسۇم بىلەن‹‹ مەن دىگەن ئابدۇكۆرەش›› دەپ جاۋاپ بەردىم.سوغوقتىن خىلى توڭغانلىقىمنى ھىس قىلدىم دە ياتاق ئىسىمگە كەلدى.قەددىمنى رۇسلىدىم،نىشانلىرىمنى ئويلىدىم،چىرايىمدا تەبەسسۇم ،چەبدەس قەدەملىرىم بىلەن ياتاققا ماڭدىم،ئەمما قەدەملىرىم ئازراق بىنورمال ئىدى...
ئاچچىق كۆكىش تۈتۈنلەر ھەم سىسىق پۇراققا تولوپ كەتكەن ياتاققا ئەسسالامۇ ئەلەيكۇم دەپ قايتىپ كىردىم...ھەممەيلەن مىنىڭ ھالىمغا قاراپ تۇرۇپ قىلىشتى،قارىغاندا ئارىدىن بىر نەچچەيلەن بۈگۈنكى سوروندا كەيىپ قىلماي تاماشا كۆرىۋاتقاندەك قىلاتتى.ھەي سىلى ھىچنىمە بولمىدىڭلىما؟بىخارامان نورمال تۇرىۋاتىسىلىغۇ؟شۇ چاغدا سوروندىكى بىر نەچچەيلەننىڭ مىنىڭ ئويونىمنى كۆرۈش ئۈچۈن ماڭا ئىچىملىك ھەم چىكىملىكتىن قەستەن ئاشۇرىۋەتكەنلىكىنى پەمىلىدىم.ئۈزۈمنى گوياكى يىپيىڭى ساپساق قىياپەتتە ھىس قىلدىم،ياق مەن ھىچنىمە بولمىدىم،مەن ياخشىغۇ دەپ جاۋاپ بەردىم،ھەممەيلەن ھەيران بولىۋاتقاندەك ئىدى،كىچە سائەت 3:45 بوپتۇ...
سورون شۇ يەردە ئاخىرلاشتى.مەن ھاياتلىقتا توغرا قىلىشمۇ بار خاتا قىلىشمۇ بار،ئەمما نىمىشقا خاتا قىلىشنى تاللىغۇدەكمەن دەپ تەكرارلاپ ئۇخلاپ قاپتىمەن...
ئەتىگىنى سائەت 7:30 دە مەن دەرىسكە قاراپ ماڭدىم،ئەمما باشقىلار قاپاقلىرىنى كۆتۈرگىدەكمۇ ھالى يوق،قالايمىقان سوزولوپ يىتىپ قالدى››.
شۇ كۈندىن كىيىن ئۆزۈمنى يەنە يىڭىدىن تىپىۋالغاندەك بولدۇم...
ئازغىنە مال دۇنيارىغا ئىشىنىپ ئۆز خۇدىنى يوقوتۇپ قويىۋاتقانلار.كىچىككىنە ھوقوقىنىڭ تەمەنناسى بىلەن ئۆزىنىڭ بىر ئادىمىيلىكىنى ئۇنتۇپ قىلىۋاتقانلار.تاماق قاچىسى ئۈچۈن كۆرەش قىلىۋاتقان، ئۇنىڭ ئۈچۈن ھەممىنى قۇربان قىلىۋىتىشتىن يانمايدىغان بىر توپ ...
تىنىم تاپماي تىرىشىۋاتقان ،كۆرەش قىلىۋاتقان،زور شان شەرەپ قۇچىۋاتقانلار،ئىشقىلىپ ھەممىسى مەلۇم بىر خىل ئىستەك ۋە نىشاننىڭ تۈرتكىسى بىلەن بولىدىكەن،ئادەم قانداق بولسا نىشانى،ئىنتىلىشى شۇنداق بولىدىكەن...ئىشقىلىپ ھەممىسى يوللوق يولسىز بولىشىدىن قەتئى نەزەر ئۆز مەخسەتلىرىگە يىتىدىكەن.ھەممە ئۈزىگە يارىشا جاۋاپقا ئىرىشىدىكەن،ھەممىسى ئۆتۈپ كىتىدىكەن،ئۆتۈپ كەتكەننىڭ ئۆزىگە يارىشا ئىزناسى قالىدىكەن،مانا بۇ مۇشۇنداق جاھان ئىكەن.
يىغىپ ئىيتقاندا ئادەمنىڭ نىشانى ئۇنىڭ،ئۆمرىنىڭ،ۋاختىنىڭ قىممىتىڭ تۈۋرىگى نىشان ئىكەن .نىشان گوياكى ھاياتلىقنىڭ يۈرىكى،پىلان يۈرەكنىڭ تومورى،ھەركەت ئۇنىڭ قىنىدۇر دەپ چۈشەندىم...
بۇنىڭدىن تۆت يىل ئىلگىرى يەنى 2007-يىلى 1-ئاينىڭ 10-كۈنى چارشەنبە، خاتىرەمگە يازغان مۇنۇ سۆزۈم بىلەن ئۇشبۇ يازمامنى ئاخىرلاشتۇرىمەن‹‹ھاياتىمنىڭ ماڭا تەتۈر قارايدىغانلىقىنى ياكى ماڭا ئوڭ قارىمايدىغانلىقىنى بىلگەن ھالەتتىمۇ مەن ھاياتىمغان ئوڭ قارايمەن،چۈنكى بۇ مىنىڭ ئىنسانىي موقەددەس مەجبۇرىيتىم››
تۈگىدى...
بۇ پەقەت ئۆزۈمنىڭ ئويلىغانلىرىم.ئىددىيە ۋە ئىپادىلەش جەھەتتە خاتالىقلار بولسا كۆپچىلىكنىڭ ئەپۇ قىلىشنى سورايمەن.
ئامان بولغايسىلەر.

EPSON

ياخشى يىزىلغان قۇرلار ھەقىقەتەن كۆپكەن ،ئەجرىڭىزگە رەخمەت ،

dilram

توغرا ئادەمدە 1سىكىنۇتمۇ نىشان بولىشى كىرەك

salkin11

نادىر تېمىللىرىڭىز ھەقىقەتەن كىشىگە ھۇزۇر بېرىدۇ ...

yultuz0997

بەكمۇ ياخشى تېما ئىگەن ساقلىۋالسام بولىغىدەك ........رەھمەت سىز گە .......داۋاملىق مۇشۇنداق مەنىۋى ئۇزۇق بولىدىغان ئەسەرلەرنى يولاپ تۇرۇڭ .......

13779498434

نادىر تېمىللىرىڭىز ھەقىقەتەن كىشىگە ھۇزۇر بېرىدۇ ...

0999520

بۇرۇننىڭ ئۇچىنلا كۆرسەك بۇلمايدۇ‹‹‹