تەنھالىق نىداسى
تولغۇنىمەن ئازاپتىن،
ھەسرەتتىن،
كۆز ياشلىرىم سىرغىپ، خۇددى،
نىمجان يىلاندەك. ياتىمەن ،
تەنھا ھوجۇرامدا،
پەقەت ئۆزەملا،
قەلبىمدىكى ئازاپنى يۈدگۈنچە،
گۆردىكى ئۆلۈكتەك.
تىلىدىم ،
دەرمانسىز قولۇمنى سوزۇپ ،
بەرگىن قولۇڭنى دەپ، ئەمما،
سەن ئەمدى يوق ئىدىڭ يىنمدا،
يامغۇر سۈيىدەك،
باغرىمغا سىڭىپ كەتكەندەك.
ئاخىرقى ئارزۇيۇم،
بىللە ئۆتكەن چاغلاردەك،
قۇچۇغۇڭدا ،
قالسامچۇ ئاستا ئۇخلاپ،
يىنىڭدا،
قولۇڭنى سىقىملاپ،
ۋىسالىڭغا يەتكەندەك.
تولايمەن ئىڭىراپ بىر ناخشا،
ياق،
قىلىمەن ھەسرەتلىك نىدا.
ئەمما، مەن ئۆزۈم ئەمەس،
خۇددى بىر ئەرۋاھ،
سېنى ئەگىپ يۈرگەندەك.
قارايمەن،
ئىزدەپ سېنى ئەتراپقا،
ئازاپ ئىچىدە تېڭىرقىغاندەك.
ئەتىراپ جىمجىت،
سۆيگۈگە، ھەممە، ھەممىگە،
خاتىمە بېرىلگەندەك.
پەقەت، ئايرىلىش ئازابى،
يۈرەكنى قاماللاپ، توختىماي قىينىغاچ مىنى،
ئىڭرايمەن،
"قىنى سەن نىگار؟"دەپ، خۇددى سەن ، سۇمۇرۇغتەك ئۇچۇپ كېلىدىغاندەك. نۇرسىز كۆزلىرىمنى تىكىپ كۆككە،
ياتىمەن دەرمانسىز، ياق،
شۇنداقلائۆلۈپ قالارمەنمۇ؟ باغرى ئۆرتۈلۈپ ئۆلگەن ئۆلۈكتەك.
چۈنكى،
كۆيدۇرگەچ ھىجىران ئوتى،
يالماپ ۋوجۇدۇمنى،
يالماۋۇزدەك، يالماۋۇزدەك....... مەنبە:ئۆز قەلەم
| 
يوللانغان ۋاقتى 
يوللانغان ۋاقتى 
