تەپەككۇر مىۋىلىرى (6)

oyghant

1- شۈكۈر قىلىش- ئاجىزلارنىڭ بىردىن-بىر تاللىۋالغان يولى.
2- دېھقانلار يول توسۇپ پۇل بۇلايدىغان بۇلاڭچىلارغا قارىغاندا، قايىل قىلماي قەرز سۈيلەيدىغان كادىرلاردىن بەكرەك قورقىدۇ.
3- ئەجدادلىرىمىزدىن قالغان ئۆرپ - ئادەت ، ئەخلاق-پەزلەتلەرنى كونىلىق، خۇراپىلىق دەۋېرىپ ، مانا ئەمدى ئۆزىمىزگە ئوخشىمايلا قالدۇق.
4- ئۇنى قىلسا يامان بولىدۇ، بۇنى قىلسا يامان بولىدۇ ، دىگەن گۇناھ تۇيغۇسى يوقالمىغان بولسا ، كىشىلەنىڭ ئەخلاق قارىشى بۈگۈنكىدەك تۆۋەنلەپ كەتمىگەن بولاتتى.
5- باللىرىمىزنىڭ كۆزىگە قاراپ ، ئەتىۋارلاپ چوڭ قىلمىغان بولساق، ھازىر ئۇلار كۆزلىرىمىزنى بۇنچىلىك ياشلىمىغان بۇلاتتى.
6- ئىلگىرى قايسى بىر دانىشمەن: « قىيامەت قايىم بولۇش ئالدىدا كىيىم كىيگەن يالىڭىچلار پەيدا بولىدۇ» دەپتىكەن. ھازىر كوچىلارغا قارىسىڭىز قىزلارنىڭ ھەممىسىدە كىيىم بار، بىراق كۆپلىرىنىڭ ھەمما ئەزاسى « مانا مەن» دەپلا تۇرغان . بۇ قىيامەتنىڭ شەپىسىمۇ ياكى مەدەنىيەتنىڭ بەلگىسىمۇ ؟!
7- بىز قاچانكى باشقىلارنىڭ سىڭلىسىنى ئۆز سىڭلىمىزدەك كۆرەلىسەك، ئالماقچى بولغان قىزىمىزنىڭ «ساق» چىقماسلىقىدىن غەم يېيىش ھاجەتسىز بولىدۇ.
8- قايەردە ئاياللار پاھىشە، نومۇسسىز، شۇ يەردىكى ئەرلەر ۋىژدانسىز، غورۇرسىز.
9- ئانىلارغا شۇنداق دېگۈم بار: « قىز تۇغماڭلار، شەرمى-ھايا تۇغۇڭلار. ئوغۇل تۇغماڭلار، غورۇر - جاسارەت توغۇڭلار »
10- ئايال كىشى ياش ۋاقتىدا ئازاپلىغۇچى، قېرىغاندا بولسا ئازاپلانغۇچىدۇر.
11- تەڭرىنىڭ جازاسىغا ئەڭ قاتتىق ئۇچۇرغۇچىلار - ئۆز ۋەتىنىدە تۇرۇپ ئەڭ غېرىپ ياشاۋاتقانلار.
12- ئەگەر بىزنى ئىسلام دىنىنىڭ ئەخلاق جەھەتتىكى ئەھكاملىرى توسۇپ تۇرمىسا، جەمئىيەتتە يۈز بېرىدىغان سەتچىلىكلەرنى تەسەۋۇر قىلىش ناھايىتى تەس.
13- مىللەتلەر ئىتىپاقلىقىنى بېلىق بىلەن سۇغا ئوخشىتىدۇ، ئويلاپ قالدىم.. بېلىققا سۇ بولمىسا ياشالمايدۇ، لېكىن سۇغا بېلىق بولمىسىمۇ بولىۋېرىدۇ.
14- ئاياللارنىڭ تاپتىن چىققانلىقىنى كۆرۈپ ، ئەرلەرنىڭ تۈگەشكەنلىكىنى ھېس قىلدىم.
15- گۇناھىڭنى يۇيىمەن دىسەڭ ئالدى بىلەن ئاناڭنى رازى قىل.

«شىنجاڭ مەدەنىيىتى» ژورنىلىدىن

uyguhur

ئەگەر بىزنى ئىسلام دىنىنىڭ ئەخلاق جەھەتتىكى ئەھكاملىرى توسۇپ تۇرمىسا، جەمئىيەتتە يۈز بېرىدىغان سەتچىلىكلەرنى تەسەۋۇر قىلىش ناھايىتى تەس

ناھايتى توغرا گەپ .

138

ئەھمىيەتلىك تىملىرڭىز ئۇزۇلمىسۇن . داۋاملىق يوللاپ تۇرۇڭ . كۆپ جاپا چىكىپىسز . سالامەت بولۇڭ .

abdusali

ئەھمىيەتلىك .تىمكەن ..مۇشۇنىڭدەك تىمىللىرىڭىز ئۇزۇلمىسۇن