ئاتا ھەممىگە چىداملىق ئىنسان! ھەمىمىىز ئانا ھەققىدە نۇرغۇن ئەسھەرلەرنى يېزىپ ئاشۇ مىھرىبان، جاپاكەش ئانىلارنى كۈيلىدۇق، كۈيلەۋاتىمىز، ئۇلارنى تىللاردا داستان قىلساقمۇ،بىزگە سىڭدۈرگەن ئەجىرىنى مەدىھلەپ بولالمايمىز.جۈملىدىن ئاتىلارمۇ ھەممىگە چىداشلىق ئۇلۇغ ئىنساندۇر.ئۇ ئائىلىنىڭ مۇستەھكەم تۈۋرۈگى. ئۇ ئۈن -تىنسىز جەميەتتىكى مەسئولىيىتىنى ئادا قىلغاندىن باشقا، ئائىلىدىكى يۈكنى يەلكىسىگە ئېلىپ، پەرزەنتىلىرى ئۈچۈن مىننەتسىز قان-تەرىنى ئاقتۇرۇدۇ.ئەشۇ پەرزەنتىلىرى ئۈچۈن ئۆلۈشكە توغۇرى كەلسىمۇ ھەرگىزمۇ ئىككىلەنمەيدۇ. ئۇ پەرزەنتىلىرىنىڭ ساغلام ئۆسۈۋاتقىننى كۆرۈپ ، ئۇلارنىڭ بېشىنى مىھرى بىلەن ھەر بىر سىلىغىنىدا، تاتقان جاپايى كۆتۈرۈلۈپ كېتىدۇ. ئاتا... سەن نىمە دىگەن ئۇلۇغ ئىنسان !،سېنىڭ يىللارنىڭ ئۆتىشى بىلەن مۇكچۈيۈشكە باشلىغان گەۋدەڭنى كۆرگىنىمدە،يۈرۈگۈم ئېچىشىپ كېتىدۇ، چۈنكى،سەن بارلىقىڭنى بىزگە ئاتىدىڭ، مەن،بىزنىڭ شوخ كۈلكىمىزدىن قانائەت تاپقان قەلبىڭنى،قوروق چۈشكەن چىھرىڭدىكى مەمنۇنلۇق جىلۋسىنى ،باغرىڭغا باسقاندىكى ئوتلۇق مىھرىڭنى ئەمدى ھىس قىلىۋاتىمەن. شۇڭا سېنى بېشىمدا كۆتەرگىم كېلىدۇ،ئەشۇ كەڭ گەۋدەڭگە ئېسىلىپ،مەڭزىڭگە يۈزۈمنى ياققۇم كېلىدۇ.يەنە قۇچۇقۇڭدا ئولتۇرۇپ،يانچۇقلىرىڭدىكى بىزگە ئېلىپ كەلگەن تاتلىقلارنى ئېلىپ يىگەچ ھىكايەڭنى ئاڭلىغىم كېىلىدۇ....مانا مەنمۇ ئەر بولۇپ، ئاتا بولدۇم، شۇندىلا سېنىڭ قەدىرىڭنى كېچىكىپ بولسىمۇ بىلىۋاتىمەن،سەن بەرداشلىق بەرگەن جاپالارغا ئەمدى مەن بەرداشلىق بېرەلەمەنمۇ؟، يىقىلغان يېرىمىدىن سەندەك دەس تۇرالامەنمۇ؟ سەن بوۋامنى رازى قىلىپ ، دۇئاسىنى ئالغاندەك مەنمۇ سىنىڭ خىزمىتىڭنى قىلىپ سېنىڭ دۇئايىڭنى ئالالارمەنمۇ؟، ئانامغا كۆيۈنگەندەك مەنمۇ بىر ئۆمۈر ئايالىمغا كۆيۈنۈپ ئۆتەلەرمەنمۇ؟، باللىرىمنى سەن بىزنى تەربىيىلىگەندەك تەربىيىلەپ قاتارغا قوشالارمەنمۇ؟.ئاتا...مەندىن كۈتكەن ئۈمۈدىڭنى ئاقلاشقا خۇددى سەندەك بارلىقىمنى ئاتايمەن! سەن مەڭگۈ مىنىڭ دىلىمدا،سىمايىڭ كۆز ئالدىمدا ،ماڭا سېڭدۈرگەن ئەجىرىڭ ئىسىمدە تۇرۇدۇ!.... سېنى تەرىپلەشكە تىلىم ئاجىزلىق قىلدى.... ئەمما مەن سېنىڭ ئوغلۇڭ،مەن سېنى ھەرگىزمۇ خەلقى-ئالەم ئالدىدا يۈزۈڭنى چۈشۈرمەيمەن.
تۆۋەندىكى ئاتا ھەققىدىكى ئاۋازلىق ئەسەردىكى سۆزلەر مىنىڭ سۆزۈم دەپ بىل!
سىزمۇ ئاڭلاپ بېقىڭ:
مەنبە:قەلەم بۇ يازمىنى ئاخىرىدا yanbulak تەھرىرلىگەن. ۋاقتى 2011-7-6 23:46
| 
يوللانغان ۋاقتى 2011-7-6 23:44
يوللانغان ۋاقتى 2011-7-7 00:23
