ئاپتور: كامىلجان ناسىر(دىلداش)
تەلمۈرۈپ باقىمەن ئۇچۇرۇڭ تامان،
بەلكى سەن ئۇخلايسەن شىرىن ئۇيقىدا.
مۇزگۈلى بەرگىدە ياندۇرۇپ گۈلخان،
ئىزدەيمەن ھىدىڭنى چاتقاللار ئارا.
ئۆمرۈمنى خورۇتۇپ بارماقتا كۈتۈش،
تىلغىنار سۆيگۈگە تۇيۇنماس يۈرەك.
ۋىسالىڭ ئايلاندى پايانسىز ھاڭغا،
ئۆتىمەن تاڭلاردا ئۈنلەپ دەمدەردەك.
تۇنجۇقۇپ بارماقتا ئېغىر سۈكۈتلەر،
ئاشىقلىق قەلبىمدە كۆتۈرۈپ ئىسيان.
سەنسىزلىك ھار كەلدى ماڭا شۇ قەدەر،
بىر خەۋەر بەرمەمسەن كۈلگىدەك چاپسان.
ئاپتور:كامىلجان ناسىر(دىلداش)قەشقەر يېڭشەھەر ناھيسىدە شىپاگەر.
ئاپتورنىڭ ئەسكەرتمىسى - مېنىڭ تېمىلىرىمنى رۇخستىمسىز باشقا مۇنبەرگە كۆچۈرۈشكە،خالىغانچە ئۆز نامىدا كۆچۈرۋىلىشقا بولمايدۇ. بۇ يازمىنى ئاخىرىدا abdukorax تەھرىرلىگەن. ۋاقتى 2011-6-19 14:57
| 
يوللانغان ۋاقتى 2011-6-19 13:37
