تېز تۇرمۇش رىتىمىدىن پەيدا بولىدىغان كېسەللىكلەر
تۇرمۇش رىتىمىنىڭ تېزلىشىشى كىشىلەردە ئوخشىمىغان بېسىملارنى پەيدا قىلىدۇ، ۋاقىتنىڭ ئۇزىرىشىغا ئەگىشىپ، ئۇيقۇسىزلىق، كۆپ چۈش كۆرۈش، خىزمەتتە كۆپ سەۋەنلىك سادىر قىلىش قاتارلىق ئالامەتلەر كۆرۈلىدۇ.
تاماقنى تېز يېيىش ئاشقازان كېسىلىنى پەيدا قىلىدۇ. ھازىر بەزى كىشىلەر ناشتا قىلماي، چۈشتە كۆپ يەۋالىدۇ، تاماقلىنىش سۈرئىتىمۇ تېز بولىدۇ، بۇ ئاشقازان كېسىلىنى كەلتۈرۈپ چىقىرىدۇ.
تېز سۆزلەش ئۆپكىنى زەخمىلەندۈرىدۇ. تېز، كۈچەپ سۆزلەش ۋە كۆپ سۆزلەشمۇ ئۆپكىنى زەخىملەندۈرىدۇ.
زىيادە بېسىم قان ئايلىنىش سىستېمىسىنى بۇزغۇنچىلىققا ئۇچرىتىدۇ، ئۇزاق مەزگىل جىددىيلىشىش ۋە چارچاش يۈرەكنىڭ يۈكىنى ئېغىرلىتىپ، يۈرەك قان تومۇر كېسەللىكلىرىنى پەيدا قىلىدۇ. ئۇنىڭدىن باشقا، ئىچكى ئورگانىزملارنىڭ فونكسىيەسىنى قالايمىقانلاشتۇرىدۇ.
تۇرمۇش رېتىمىنىڭ تېز بولۇشى نېرۋا سىستېمىسىغا تەسىر كۆرسىتىدۇ، يەنى چوڭ مېڭىنىڭ دائىم جىددىي ھالەتتە تۇرۇشىنى كەلتۈرۈپ چىقىرىپ، بەزى كىشىلەردا دائىم غەمكىن يۈرۈش، بىخەتەرلىك تۇيغۇسى كەمچىل بولۇش ۋە پىسخىكىدا توسالغۇ كۆرۈلۈش قاتارلىق ئالامەتلەر كۆرۈلىدۇ.
مەنبە: «شىنجاڭ قانۇنچىلىق گېزىتى» دىن ئېلىندى.
| 
يوللانغان ۋاقتى 2011-6-14 00:19
يوللانغان ۋاقتى 2011-6-14 02:49