ئۈرۈمچىنى كۆرۈپ قوي
( مۇخەممەس )
شاپتۇل، توغاچ، ئالۇچى، قوغۇن، تاۋۇز ئېلىپ قوي ،
ئەنجۈر، ئالما، ئاپلىسىن، يىڭى تەمىن تېتىپ قوي ،
نەشپۈت، ئۈزۈم، ئانارى، قىشى-يېزى ساقلاپ قوي ،
مېۋىلەرنىڭ سەرخىلى، ياڭاق، بادام چېقىپ قوي ،
مېۋە شاھى توپلاشقان، ئۈرۈمچىنى كۆرۈپ قوي .
ئاتۇش، قەشقەر، بارچۇقنىڭ داڭلىق تائام تامىقى ،
خوتەن، ئىلى، ئاۋاتنىڭ يەنە تىخى ھارىقى ،
كورلا، تۇرپان، غۇلجىنىڭ كۇلكە بىلەن چاخچىقى ،
پوسكام، قۇمۇل، قارماينىڭ تەييار ئىكەن يارىقى ،
نامى بىلەن ياراشقان،ئۈرۈمچىنى كۆرۈپ قوي.
زاۋۇت، شىركەت ماللىرى، كۆزلىرىنى چاقنىتار ،
داڭلىق ماركا كىيىملەر، ئەر-ئايالنى قارىتار ،
ئارمان، ئىخلاس يىمەكلىك، قۇۋەت بىلەن ئاينىتار ،
بۇ شەھەرگە كەلسىڭىز ، كۆڭۈللەرنى يورىتار ،
ئەلنىڭ كۆزى قاراشقان ، ئۈرۈمچىنى كۆرۈپ قوي.
ئادەملىرى سىپاھى ، شۇنچە ئىللىق مېھرىبان ،
ئۆز قوينىغا ئالىدۇ، خۇددى ئانا- بالاجان ،
ئىشچانلىقى شەھەرنى قىلدى گۈزەل ھەر زامان ،
نىمىتىنى شەھەرگە ،تۆكتى تەڭرى ئايىماي ،
ئىلىم ئەھلى توپلاشقان، ئۈرۈمچىنى كۆرۈپ قوي.
ئىگىز-ئىگىز بىنالار ، قەد كۆتەرگەن ئۈرۈمچى ،
ئەلنىڭ مېھرى تويۇنغان، قۇد تىلىگەن ئۈرۈمچى ،
ئاۋات بازار، دا بازار، ئەل كۆزلىگەن ئۈرۈمچى ،
ھۆسنىڭ شۇنچە چىرايلىق، كۆزتەگمىسۇن ئۈرۈمچى ،
شەھەرلىرى ياراشقان، ئۈرۈمچىنى كۆرۈپ قوي .
ئاپتۇرى: يۈسۈپجان سابىر ئوتياق
| 
يوللانغان ۋاقتى 2011-4-24 22:36
نادىرلىرڭىز ئۇزىلۇپ قالىمىسۇن داۋامىلىق يوللاپ تۇرۇڭ . ئەجىرڭىزىگە كۆپ رەخىمەت