كۆيۈپ قالدىم بىرسىگە(ئەقىدە)
باغ سالدىم ،ئانار سالدىم، كۆرۈپ قويسىلا يايرىم. مەن ساڭا كۆيۈپ قالدىم، قاراپ قويسلا يايرىم.
بېغىڭدىكى ياڭاققا، نەشپۈتنى ئۇلاي يايرىم. قوشاق قېتىپ مەن سېنى ، قوشۇقۇمغا قاتاي يايرىم.
ياڭاق بەرگەن كىشىنى ، نەشپۈت بەرگەن دەرمەنمۇ ؟ كۆڭۈل بەرمىگەن يارنىڭ ، ئوتىدا كۆيەرمەنمۇ ؟
ئالما ئىزدەپ يۈرگۈچە ، نەشپۈتۈمنى يېسەڭچۇ. بىر كىم ساڭا گەپ قىلسا، سۆيگىنىم بار دېسەڭچۇ.
غېرىپسىنىپ ئولتۇردۇم، يول بويىدا تاشتا مەن. نىمىدەپ كۆڭۈل بەردىم، سەن يىگىتكە باشتا مەن.
بۇلبۇلۇڭ بولاي دەيمەن، شاخىڭغا قوناي دەيمەن. باشقا يايرىڭ بولمىسا، مەن يايرىڭ بولاي دەيمەن.
قارىسام كۆزۈم يەتمەس، قىچقارسام ئۈنۈم يەتمەس. ئۈمۈدنى ئۈزۈۋەتمەڭ، خىيالىم سىزدىن كەتمەس...
ئۆيىڭىز يىراق يايرىم، ئاتقا مىنگۈدەك بولدۇم. ئوتىڭىز يامان يايرىم، كۆيۈپ ئۆلگۈدەك بولدۇم.
يايرىم بەرگەن دۇتتارنىڭ ، دەستىسىدە ئۇلاق يوق. سىز تۇرسىڭىز ۋەدىڭىزدە، بىز دېگەندە چاتاق يوق.
قوشاق يازدىم نىمە ئۈچۈن، جاۋاپ بېرىڭ بىز ئۈچۈن. راست ئەھۋالنى ئۇقتۇرۇڭ، دەرتتە قالدىم سىز ئۈچۈن...
مەنبە :خاتىرەمدىن ساقلىۋالغانلىرىم...
بۇ يازمىنى ئاخىرىدا fatima تەھرىرلىگەن. ۋاقتى 2011-6-16 14:39
| 
يوللانغان ۋاقتى 2011-6-11 23:35
