ئاپتورى : ئابدۇغېنىجان ئابدۇرىھىم .
مۇھەببەتتە بىرگە بولۇپ ۋىسال تاپقان، بەخىت - ئامەت قۇچىقىنى كەڭ ئاچقان. مېھرى - ۋاپا دەرياسىدا بىرگە ئاققان، بىرجۈپ ئىجىل - ئىناقلارغا بەخىت تىلەيمەن. 
كۆرۈشكىچە ياشقا تولغان كۆزلىرى، كۆرۈشكەندە شىرىن بولغان سۆزلىرى. خىجىللىقتىن قىزىرىپ كەتكەن يۈزلىرى، شۇ نومۇسچان بىر جۈپلەرگە بەخىت تىلەيمەن.
بىر سىز ئۈچۈن جېنىم پىدا دەپ ، سېغىندىم ئەجەپ كۆرسەم دىدار دەپ. ئاشىقى ئۈچۈن يۈرگەن قايغۇ يەپ، ئاشۇ مېھرىبان قىزلارغا بەخىت تىلەيمەن.
بەخىت تىلەپ يازدىم شېئىر شۇ بىر جۈپلەرگە، ياش تولمىسۇن ھەرگىزمۇ چولپان كۆزلەرگە. ئىشەنمەڭلار ھەرگىزمۇ ئۆسەك سۆزلەرگە، چىن قەلبىمدىن سىلەرگە بەخىت تىلەيمەن.
سۆيگۈ ۋاپا كوچىسىدا ۋىسال تىپىڭلار، پورەكلەپ ئېچىلسۇن بەخىت گۈلۈڭلار. يىتىپ كېلەر بىر كۈنى قۇتلۇق كۈنىڭلار، ساداقەتمەن بىر جۈپلەرگە بەخىت تىلەيمەن.
تەسىرلەنسۇن چىن سۆيگۈدىن سىلەرنى كۆرگەنلەر، ئۈلگە ئالسۇن شاختىن-شاخقا قونۇپ يۈرگەنلەر. ياشاپ كەتسۇن چىن سۆيگۈنىڭ قەدرىگە يەتكەنلەر، مېھرى ئاتەش بىر جۈپلەرگە بەخىت تىلەيمەن.
كۆز تەگمىسۇن چىن سۆيگۈگە خۇشال ئۆتۈڭلار، خۇشاللىقتىن جاراڭلاپ چىقسۇن ئۈنۈڭلار. جەم بولغاندا بىر جۈپلەر راسا كۈلۈڭلار، ۋىسال تاپقان بىر جۈپلەرگە بەخىت تىلەيمەن.
ئاق يول بولسۇن ھەر ۋاقىت باسقان يولۇڭلار، جۈپ بولۇشقان ھەر قاچان بولسۇن ئويۇڭلار. ۋاقتى كېلىپ بىر كۈنى قىززىپ كېتەر تويۇڭلار. خۇدا قوشقان بىر جۈپلەرگە بەخىت تىلەيمەن.
بۇ شېئىرنى مېنىڭ ھەم ئاپتورنىڭ رۇخسىتىسىز باشقا تور بىكەتكە كۆچۈرشكە بولمايدۇ. بۇ يازمىنى ئاخىرىدا raziya827 تەھرىرلىگەن. ۋاقتى 2011-6-10 17:08
| 
يوللانغان ۋاقتى 2011-6-10 17:07
