ئاپتۇر:كامىلجان ناسىر(دىلداش)
پىشانەمگە سۈيۈپ قوي ئانا،
مېنى بۈگۈن تۇغقان كۈنۈڭغۇ؟
مېھىر بىلەن تاۋلاپ بۈگۈنگە،
ھەقدا قىلغان غەمخان ئۆزەڭغۇ؟
ئەقىل تاپتىم جاسارىتىڭدىن،
مەمنۇن بۇلۇپ شاپائىتىڭىدىن،
ئادىمىيلىك مىزانىڭ ئۆلگە،
بولدى ماڭا ئىتاھىتىڭدىن.
غۇرۇر-ۋىجدان ئەقىدە نىمە؟
تۇنۇپ يەتتىم سەندىن قەدەمدە.
كۆكلىگەچ مەن مېھىر سۈيۈڭدىن،
باراقلىدىم ئۆمۈر گۈلشەندە.
پەخىرلىكمەن سەندىن دادامدىن،
سىزلەر بىلەن كۈلگەچ غۇرۇرۇم.
تەششەككۇرۇم تاشار بۇلاقتەك،
ئىپتىخارغا تولغاچ ۋۇجۇدۇم.
ئۆمۈر بېغىم كۆكلەپ چېچەكلەپ،
تۇلۇپ باردى گۈلگۈن چېچەككە.
ئاۋام ئۈچۈن مىۋە بىرىشتەك ،
بۈيۈك ئىستەك تولغاچ يۈرەككە.
پىشانەمگە سۈيۈپ قوي ئانا،
نۇسرىتىمگە دۇئا قىل ئاتا.
ئۈمۈدۈڭلار زىكرى دىلىمدا،
ئىشقىم بىلەن قىلىمەن ئادا.
ئاپتۇرنىڭ ئەسكەرتمىسى - مىنىڭ تىمىلىرىمنى رۇخستىمسىز باشقا مۇنبەرگە كۈچۈرۈشكە،خالىغانچە ئۆز نامىدا كۈچۈرۋىلىشقا بولمايدۇ | 
يوللانغان ۋاقتى 2011-6-5 16:21
