نىمە دەيمىز بىز سىنى ئەمدى -دەريالارنى توسۇش مۈمكىن كۈچ بىلەن، توسالمايسەن چىقىمچىنىڭ تىلىنى.
بىز دېسەك زاتىڭنى ئىنسان نەسلىدىن ، قىلىقىڭ ئىنسانغا ياتكەن ئەسلىدىن . رەنجىدى دىل شۇملۇقۇڭ (قىش پەسلىدىن) بولدى مەھرۇم شاد- خوراملىق ۋەسلىدىن . سەن ئەجەپ ئىنسانغا يات ئىنسانمىدىڭ؟
گەپ تولا،قىلمىشلىرىڭ ئاندىن تولا ، بوپتىكەنسەن نەس كېسەلگە مۇپتىلا . ھە دېسە ياخشىغا سەن كولاپ ئورا ، شۇ تەرىقە دىلنى قىلدىڭ خوپ يارا . ياكى سەن ئىنسان ئەمەس زىندانمىدىڭ؟
ساقنى دەيسەن بەدنىيەت كۆڭلى قارا ، ئاقنىغۇ دەيسەن كۆمۈردەك قاپ-قارا . سالىسەن ئىنسانغا كۇرمىڭ دەرىت- بالا ، سەن ئۈچۈن لوقمان ھېكىممۇ بىداۋا . كۆڭلى پەس،ۋىجدانغا زار نىمجانمىدىڭ ؟
ئادىمىلىك ئەخلاق پەزىلەتتىن نىرىسەن ، چىن سۆزۈڭ يوق يالغانچىلار بىرىسەن . مەككارلىقتا شەيتانغا دەرىس بىرىسەن ، بىرنى ئون دەپ،ئوننى ئونمىڭ قىلىسەن . شەكلى ئىنسان لەنىتى شەيتانمىدىڭ ؟
ھەر دەقىقە ماختىنىسەن شادلىنىپ، كاتتىلارنى كۆرسەڭ يادەك قاتلىنىپ . ياخشىلارنىڭ ئۈستىدىن كۆپ داتلىنىپ ،
ئۇچسام دەيسەن قونداق تامان ئاتلىنىپ .
يا تۇخۇم تۇغماس كۇرۇك مىكىيانمىدىڭ ؟
«زەر تاج كىيىش شەرىت ئەمەس ئىنسانغا» قانداق ياشاش بەلكى باغلىق ۋىجدانغا . قىلمىشلىرىڭ مۇخالىپتۇر دەۋرانغا ، ئەگرى يولدا يېتەلمەيسەن ئارمانغا . بەس! بولدى قىل،ياكى سەن ھايۋانمىدىڭ ؟
مەنبەسىنى ئەسكەرتىڭ!!!
بۇ يازمىنى ئاخىرىدا xatay تەھرىرلىگەن. ۋاقتى 2011-5-5 19:58
| 
يوللانغان ۋاقتى 2011-5-5 19:49
