چۈشلەرىمدىن ئىزدىسەم سىنى(فاتىمە)

fatima

چۈشلەرىمدىن ئىزدىسەم سىنى

چۈشلەرىمدىن ئىزدىسەم سىنى،

گۈل بەرگىلا پۇرايدۇ چۈشۈم.

ھايات يولنىڭ رەڭدارلىقىدا،

سىرلىرىمنى بىر ساڭا تۆكتۈم.

مۇھەببەتنى رەت قىلدى دەيدۇ،

ئىزدىگىنىم سەندۇرسەن بەلكىم.

ئۆزگىلەرگە پەرۋامۇ قىلماي،

سىنى مەندەك سۆيمەيدۇ ھېچكىم.

بۇلبۇل باغقا ئاشىق بولغاندەك،

سەن بارتاغ يا باغلاردا مەن بار.

گەر يېنىڭغا بارالمىساممۇ،

بۇ قەلبىم ساڭا قۇچاق ئاچار.

گۈل باغلارنى ئارلىسام دائىم،

چىمەنلىكتىن ئىزلەيمەن سېنى.

مىنى مۇنچە كۆيدۈرگىنى دەل،

سەن سالغان مۇھەببەتنىڭ ئۇتى.

مەنبە قەلىمىم

EPSON

چۈشلەرىمدىن ئىزدىسەم سىنى،
كىرپىكىڭ ئۇق بولۇپ چەنلەر يۈرەكنى.
نۇرلىنار ۋۇجۇدۇم بوشلىقى يارقىن،
ئاق تاڭغا تېۋىنىپ چايقار رۇھىمنى.

كېچىنىڭ تىنىقى گۈپۈلدەيدۇ ھەم،
تۇتىشىپ ۋىسالنىڭ دەملىرى ئارا.
سۆيگۈممۇ كېلىدۇ ۋەسلىنى تىپىپ،
ئاي چىقماس تۈندە ،يۇلتۇزغا قاراپ.

سائەتنىڭ رىتىملىق چىكىلداشىلىرىدا،
مەن مۇڭغا چۆكىمەن سىغىنىش ئارا.
بالكۇندا كېچىگە قارىدىم تىمتاس،
قەلبىمدىن ئويلىدىم پەقەت سىنىلا.

fatima

ئىنكاس قايتۇرۇش EPSON نىڭ يازمىسى

قەلبىمدىن ئويلىدىم پەقەتلا سىنى،
كىچە-كۈندۈز خىيالىمدا بىىرلاسەن.
تاڭ سەھەر چۈشۈمگە كىرسەڭ ئەگەر،
يايرايدۇ خۇشلۇقتا قەلبىم شاتلىقتىن.

شۇڭا ئىزلەيمەن چۈشلەرىمدىن سىنى،
تۈندە ئاي-يۇلتۇزلارنى ھەمراھ قىپ.
پىنھان سىرلىرىم مۇڭلىنىپ تۈكلەر،
كۆزياشلىرىمدىن سەن ئاينى سۈزۈپ.

كۈزۈم ياش قارايمەن يىراق-يىراققا،
تەلمۈرۈپ دەزىزەم رۇجەكلىرىدىن.
مۇڭغا چۆكىمەن يەنە ئۇشتۇمتۇت،
قەلبىمدىكى بۇ تۈگمەس خىياللاردىن.

EPSON

ئىنكاس قايتۇرۇش fatima نىڭ يازمىسى

قەلبىمدىكى بۇ تۈگمەس خىياللاردىن،
تەمتىلەپ يۈرىمەن يوللاردا غەمكىن.
بىر يۈكسەك مۇھەببەت يۈرەكتە يانغاچ،
كۈيلىرىم قەلبىمدە بولدىغۇ بۇلاق.

چۈكەيلى بىر تىنىق يانغان سۈيگۈگە،
قەلبىڭگە مۇھەببەت نۇرىنى چاچاي.
لەرزان شامالدا ئەركىن پەي قىقىپ،
رۇھىمنىڭ ئىشكىنى داغدام بىر ئاچاي

fatima

ئىنكاس قايتۇرۇش EPSON نىڭ يازمىسى

روھىمنىڭ ئىشىكىنى داغدام بىر ئاچاي،
قەلبىمنىڭ تورىدىن ئۇرۇن بىرىپ.
چوغدەك مىھرىڭ سىڭسۇن باغرىمغا مىنىڭ،
قەلىب خانەڭنى كەڭ داغدام ئېچىپ.

تاتلىق كۈلۈپ كەلسەم سىنىڭ يېنىڭغا،
پۈتۈن ھىس تۇيغۇلۇرۇڭدىن سۆيگىن.
بۇلبۇلدەك سايراپ پەرۋانە بۇلۇپ،
روھىمنىڭ قات-قېتىغا سىڭىپ كەتكىن.

EPSON

ئىنكاس قايتۇرۇش fatima نىڭ يازمىسى

روھىمنىڭ قات-قېتىغا سىڭىپ كەتكىن،
كۈڭلى ئاپئاق،چاچلىرى سۇمبۇل.
شىرىن كۈي تۆكىسەن، بوپ گۇيا بۇلبۇل،
ۋەسلىڭگە باغلىنىپ بولدۇم مەن دۇلدۇل.
مەن سىنى تەلمۈرۈپ كۈتتۈم ئىنتىزار،
كۈتتىممۇ،ئاخىرى كۈرسەتكىن دىدار

fatima

ئىنكاس قايتۇرۇش EPSON نىڭ يازمىسى

كۈتتىمغۇ ئاخىرى كۆرسەتكىن دىدار،
قويمىغىن مىنى ئازاپ دەت ئەلەمدە.
ۋەسلىڭگە يىتەي پۇرسەت بەر ماڭا،
قانسۇن چاڭقىغان تەشنا يۈرەكلەر.

يىتەيلى بىر-بىرىمىزنىڭ ۋىسالغا ،
قالمىسۇن مۇڭسىراپ ئازۇ-ئارمانلار.
ئاخىرقى دەمگىچە ئۆتەيلى ئىناق،
بېسىلسۇن ھاياتلىقتىكى ئۇزۇن يوللار.



.

yanbulak

ئىلھامىڭلارغا باركاللاھ.شېئىرىڭلار بەك ماسلىشىپتۇ. قەلەم تۇلپارىڭلار ھارمىغاي!

fatima

ئىنكاس قايتۇرۇش yanbulak نىڭ يازمىسى

قوللىغىنىڭىزغا كۆپ رەھمەت يان بۇلاق ئاكا!

salkin11

پاھ ! ... فاتىمە خانىمنىڭ كۈڭۈل ئىلھامى بىلەن مۇنبەر ھەقىقەتەن جانلىنىپ كىتىپتىغۇ ! ... رەھمەت ! ...