قاچان كىرىسەن 19 ياشقا
ئون توققۇز، دەپسەن ۋىسال پەيتىنى، قاچان كىرىسەن ئو توققۇز ياشقا. يەنە ھىجرانغا قويدۇڭغۇ مىنى، قاچان كىرىسەن ئون توققۇز ياشقا؟
كۆكسۈمگە تەككەن بىر غايىپ ئوقسەن، بارچە قىزلاردىن چىچەنسەن ، شوخ سەن. چۈشۈمدە بىللە ، ئوڭۇمدا يوقسەن، قاچان كىرىسەن ئون توققۇز ياشقا؟
دۈشمەنلىرىڭنىڭ جاۋابى باشقا، ئوخشاتتى سىنى سۆيگۈسىز تاشقا. ئىشتەي ساقلايمەن سەن ئەتكەن ئاشقا، قاچان كىرىسەن ئون توققۇز ياشقا؟
كۆچەتلەر كۆكلەپ دەرەخ بولماقتا، ئاتام بىشىغا قىرو قونماقتا. گۈللەر ئىچىلىپ يەنە سولماقتا، قاچان كىرىسەن ئون توققۇز ياشقا؟
ئاپتورى؛ مۇھەممەتجان راشىدىن.
بۇ يازمىنى ئاخىرىدا muslimahinim تەھرىرلىگەن. ۋاقتى 2011-3-28 11:47
| 
يوللانغان ۋاقتى 
