ناخشا بىر سىنىپقا 30 نەپەر سىنىپ ھەيئىتى سايلايدىغ ...لۇغەت

illiq · ۋاقتى: 2013-4-12 08:49:00

ئۇيغۇر ۋۇخۇ شەھىرى چىڭ شۇيخى ئوتتۇرا مەكتىپىنىڭ بىرىنچى يىللىقتىكى يەتتە سىنىپتا جەمئىي 300 ئوقۇغۇچى ئوقۇيدىغان بولۇپ بۇ ئوقۇغۇچىلارنىڭ ھەممىسى سىنىپ ھەيئىتى ئىكەن. ئۇلارنىڭ ئەڭ يۇقىرى دەرىجىلىك سىنىپ ھەيئىتى سىنىپ باشلىقى، ئەڭ تۆۋىنىمۇ سىنىپنىڭ ئاچقۇچىنى ساقلايدىغان << ئىشىك مۇئەككىلى>> ئىكەن. بۇنىڭغا قارىتا مەكتەپ مەسئۇلى << 9-ئايدىن باشلاپ يولغا قويۇلغان يېڭى دەرسلىك لايىھىسىگە ئاساسەن ھەر بىر ئوقۇغۇچىغا بىردىن ئەمەل بىرىپ ئۇلارنىڭ ئۆزىگە بولغان ئىشەنچى ۋە مەسئۇلىيەت ئېڭىنى ئاشۇرماقچى بولدۇق>> دەپ چۈشەندۈرۈش بەردى.
جاڭ پىڭ چىڭ شۇيخى ئوتتۇرا مەكتىپىنىڭ تولۇق 1-يىللىق 4-سىنىپىنىڭ سىنىپ باشلىقى. ئۇنىڭ سىنىپىدا ئادەتتىكى ئىشلارغا مەسئۇل سىنىپ باشلىقىدىن باشقا يەنە، ياچېيكا شۇجىسى، ھەرقايسى پەنلەرگە مەسئۇل باشلىق، تازىلىق باشلىقى، تەشۋىقات باشلىقى، باھالاش ھەيئىتى قاتارلىق << چوڭ>> ئەمەللەر، كۈندىلىك سىنىپ باشلىقى، ھەپتىلىك سىنىپ باشلىقى، گۇرۇپپا باشلىقى، ھەرقايسى پەنلەرنىڭ ھەپتىلىك باشلىقى، كۈندىلىك باشلىقى قاتارلىق بار ئىكەن. شۇڭا سىنىپتىكى 40 ئوقۇغۇچىنىڭ ھەممىسى سىنىپ ھەيئىتى بولغاچقا ئوقۇغۇچىلار ناھايىتى جانلىق ۋە كۆتۈرەڭگۈ ئىكەن. ئوقۇغۇچىلارنىڭ ئېيتىشىچە، تولۇق 1-يىللىق 4-سىنىپتىلا بۇنچىۋالا كۆپ سىنىپ ھەيئىتى بولۇپ قالماستىن ئەكسىچە تولۇق 1-يىللىقتىكى يەتتە سىنىپنىڭ 300 ئوقۇغۇچىسىنىڭ ھەممىسى بىردىن خىزمەتكە مەسئۇل <<كىچىك ئەمەلدار>> ئىكەن.
40 ئوقۇغۇچىنىڭ ھەممىسىنىڭ باشقۇرۇش ۋەزىپىسى بولسا سىنىپ باشلىقىنىڭ قانداق رولى بولىدۇ؟ ھەر قايسى پەنلەرگە مەسئۇل باشلىقنى مىسال قىلغاندا، ئوقۇتقۇچى مۇنازىرە قىلىدىغان مەسىلىنى ئوتتۇرىغا قويغاندىن كېيىن ھەرقايسى پەنلەرنىڭ باشلىقى ئوقۇغۇچىلارنى مۇنازىرىگە ئورۇنلاشتۇرۇپ خۇلاسە چىقىرىپ ئوقۇتقۇچىغا مۇنازىرە دوكلاتى تاپشۇرىدىكەن. سىنىپ ئاچقۇچىنى ساقلاشقا مەسئۇل باشلىقنىڭ مەسئۇلىيىتى ھەر كۈنى سەھەر كېلىپ كەچ قايتىپ سىنىپنى ئېچىشقا ۋە قۇلۇپنىڭ بۇزۇلماسلىقىغا مەسئۇل ئىكەن. ئەگەر سىنىپتىكى مۇھىم ئوقۇتۇش ئەسلىھەلىرى يىتىپ كەتسە ياكى ئاچقۇچ يىتىپ كەتسە پۈتۈن مەسئۇلىيەتنى ئۈستىگە ئالىدىكەن.
چىڭ شۈيخى ئوتتۇرا مەكتىپىنىڭ مەكتەپ مۇدىرى شى جيا شېن بۇ ھەقتە توختىلىپ مۇنداق دېدى:<< مەكتىپىمىز ئادەتتىكى تولۇق ئوتتۇرا مەكتەپ بولغاچقا ئوقۇغۇچى مەنبەسى ناھايىتى تار، قوبۇل قىلغان ئوقۇغۇچىلارنىڭ ئۇنىۋېرسال ساپاسى ئانچە يۇقىرى ئەمەس. شۇڭا بىز 2012-يىلى 9-ئايدىن باشلاپ يېڭى دەرسلىك ئىسلاھاتىنى يولغا قويۇپ سىنىپ ھەيئىتى تۈزۈمىنى ئۆزگەرتتۇق. بۇ ئارقىلىق ھەربىر ئوقۇغۇچىغا <<سىنىپ ھەيئىتى>> بولۇش پۇرسىتى يارىتىپ بىرىپ ئۇلارغا ئۆز-ئۆزىنى ئىدارە قىلىش، ئۆزىگە ئىشىنىش ۋە ئۆزىدىكى ئارتۇقچىلىقلارنى بايقاش پۇرسىتى يارىتىپ بەردۇق. بۇنداق قىلىش ئوقۇغۇچىلارنىڭ توغرا رىقابەت ئېڭىنى ئۆستۈرۈش بەلگىلىك مۇھىم رول ئوينايدۇ.>>
مۇتەخەسسىسلەر مۇنداق قارىدى: ھەر بىر ئوقۇغۇچىنىڭ ئالاھىدىلىكىگە ئاساسەن سىنىپ كادىرلىق ۋەزىپىسىنى بېرىش ئوقۇغۇچىلارنىڭ خوجايىنلىق ئېڭى ۋە مەسئۇلىيەت تۇيغۇسىنى ئاشۇرۇپ ئۆز-ئۆزىنى ئىدارە قىلىش، كوللېكتىپنى قوغداش ئىدىيىسىنى تۇرغۇزۇشتا ناھايىتى زور ئەھمىيىتى بار.

نۇر تورى دىتال

كىرگۈزگۈچ ئايال بالا پەن ئىللىق

قاشتېشى · ۋاقتى: 2013-4-12 09:31:46

يائاللا ماۋۇ ئىشنى.يىڭى ئىستىراتىگىيلىك تەرەقىياتمۇ بۇ .بىزنىڭ يۇرتلاردىكى مەكتەپلەردە بۇنى قوللىنىدىغان بولسا ئۇقۇغىچلارنى باشقۇرماق سەل تەسكە چۈشۈپ قالغۇدەك.