بىر بۇلاڭچىلار گۇرۇھىنىڭ بانكا بۇلىشى كەين ...تەييارلىق

سرلىق · ۋاقتى: 2013-3-6 14:02:32

يانفۇن

بىر بۇلاڭچىلار گۇرۇھىنىڭ بانكا بۇلىشى كەينىگە يوشۇرۇنغان ھېكمەت

بىر بۇلاڭچىلار گۇرۇھى بانكا بۇلاش جەريانىدا بىر جۈملە ھېكمەتلىك سۆزنى ئېيتقان: «ھەممىڭ جايىڭدا جىم تۇرۇش! پۇل دۆلەتنىڭ، جان ئۆزۈڭنىڭ!» بۇ گەپنى ئاڭلىغان كۆپچىلىك ھەممىسى بىر ئېغىز غىڭ قىلماي جايىدا جىم ياتقان. بۇ دەل ئىدىيەنى بۇراش دەپ ئاتىلىدۇ، يەنى بۇ ئارقىلىق ئەسلىدىكى مۇقىم بولغان تەپەككۇر ئۇسۇلى ئۆزگەرتىلگەن. ئاندىن بۇلاڭچىلار يوپكا كىيىپ جوزىنىڭ ئۈستىدە ياتقان كاسسىر قىزچاققا مۇنداق دېگەن: «قىزچاق، ماسلىشىپ بەرگىنىڭىزگە رەھمەت، ئەمما يېتىش شەكلىڭىزنىڭ مەدەنىي بولۇشىغا دىققەت قىلىڭ، بىز سىزنى ئەمەس، بانكىنى بۇلىغىلى كەلگەن!» بۇ كەسپى دىيانەت دەپ ئاتىلىدۇ، قىلماسلىققا تېگىشلىك ئىشلارنى قىلماسلىق كېرەك! بانكىنى ئوڭۇشلۇق بۇلاپ قايتىپ كەلگەندىن كېيىن، ئارىدىكى بىر يېڭى كەلدى (ماگىستېر بۇلاڭچى) مۇنداق دېگەن: «ئاكا، بىز دەرھال بۇلىغان پۇللارنى ساناپ باقايلى». ئاۋۇ پېشقەدەم بۇلاڭچى (باشلانغۇچ ئۇنۋانى بار) ياندۇرۇپ مۇنداق دېگەن: «كاللاڭدىن كەتتىڭما؟ بۇنچىلىك جىق پۇلنى بىز قاچان ساناپ بولىمىز؟ بۈگۈن كەچتە خەۋەر كۆرسەڭلا ھەممىنى بىلىسەن.» بۇ خىزمەت تەجرىبىسى دەپ ئاتىلىدۇ، بۇ ئاي، بۇ يىللاردا خىزمەت تەجرىبىسى ئۇنۋاندىنمۇ مۇھىم! بۇلاڭچىلار كەتكەندىن كېيىن بانكا باشلىقى دەرھال ساقچىغا مەلۇم قىلىشنى ئېيتىپتۇ، بۆلۈم باشلىقى ئەمدى مېڭىشىغا بانكا باشلىقى جىددى: «توختا! بىز ئالدىنقى قېتىم شەخسىي ئىشلىتىۋالغان ھېلىقى بەش مىليوننىمۇ يۈتكەن پۇل سانىغا قوشۇپ مەلۇم قىل!» دەپتۇ. بۇ خېيىم - خەتەرنىڭ ئالدىنى ئېلىش دەپ ئاتىلىدۇ، زىياننى پايدىغا ئايلاندۇرۇش كېرەك! بۆلۈم باشلىقى جاۋابەن: «بۇ بۇلاڭچىلار ئايدا بىر كېلىپ بۇلىغان بولسا تېخىمۇ ياخشى بولاركەن» دەپتۇ. خىزمەت دېگەن مەنىسىز بولىدۇ، خۇشاللىق ھەممىدىن مۇھىم! ئىككىنچى كۈنى خەۋەردە بانكىدىن بۇلاڭچىلارنىڭ 100 مىليون بۇلاپ كەتكەنلىكىنى ئېلان قىپتۇ، ئەمما بۇلاڭچىلار ساناپ يۈرۈپ ئاران 20 مىليون چىقىرىپتۇ. بۇلاڭچىلارنىڭ كاتتىبىشى ئاچچىقىقىدا: «ئاناڭنى! ئاكاڭ قارىغاي جېنىنى تىكىپ قويۇپ ئاران 20 مىليون بۇلاپ كەپتىمەن، بانكا باشلىقى ئازراق كاللا ئىشلىتىپلا 80 مىليون تېپىپتۇ، قارىغاندا بۇ ئاي بۇ، كۈنلەردە يەنىلا قورساقتا ئۇماچ بولمىسا بىكاركەن!» بىلىمنى پۇلغا ئايلاندۇرۇشنىڭ ئەڭ ياخشى ئىسپاتى! بانكا باشلىقى خەۋەرنى كۆرگەندىن كېيىن ھاياجانلانغىنىچە بۆلۈم باشلىقىغا دەپتۇ: «سەن سولتەكنىڭ كاللىسى خېلى ئىشلەيدىكەن ھە؟! يۈرىكىڭ قاپتەك باركەن…» بۆلۈم باشلىقى مىيقىدا كۈلۈپ قويۇپ زۇۋان سۈرمەپتۇ، كۆڭلىدە بېشىدىن ئېغىر بىر يۈكنى ئېلىۋەتكەندەك ئۇھ تارتىپ: «ئاخىرى پايچەك ئويناپ تارتقان زىيانلىرىمنى تولدۇرۇۋالدىم» دەپتۇ. بۇ پۇرسەتنى چىڭ تۇتۇپ ۋەزىيەتكە قاراپ ئىش تۇتۇش ھەمدە خەتەرگە تەۋەككۇل قىلىشنىڭ مۇھىملىقىنى چۈشەندۈرىدۇ!
مەنبە: خۇشخەۋەر مۇنبىرىچۈشۈرۈش

كىرگۈزگۈچ ئايال بالا پەن ئىللىق