تۆت گېزەك ئاچا - سىڭىللار روژدېستۋو بايرىمىلىق رەسىمگە چۈشتى
بۇ تۆت گېزەك ئاچا - سىڭىللار ئائىلىسىدىكىلەر بىلەن بىللە
ئاسىيا كىندىكى تورى خەۋىرى : 2009 - يىلى 12 - ئاينىڭ 27 - كۈنى
ئەنگلىيىلىك ئەر سېئان كېللېي بىلەن ئايالى لىسا ئىككىيلەننىڭ يېڭى يىللىق
ئالاھىدە سوۋغىسى ئەمەلگە ئاشتى ، يەنى ساغلام تۆت گېزەك . ئەنگلىيە
بويىچە تۇنجى قېتىم ئىككى ئوخشاش قوش كېزەكنىڭ ئۇرۇقىدىن تۆت گېزەكنىڭ
تەركىب تېپىشى بولۇپ، بۇ خىل ئەھۋال نەچچە مىليوندا بىرى كۆرۈلىدىكەن .
بۈگۈنكى كۈندە بۇ ئوماقلار 2ئىككى ياشقا كىرەي دەپ قالدى، ئۇلار يېقىندا
ئاتا -ئانىسى بىلەن بىللە روژدېستۋو بايرىمىلىق خاتىرە رەسىمگە چۈشتى ،
تىمەن ئۆسۈپ يىتىلۋاتقان بۇ ئوماقلارغا قاراپ ئۇلارغا شۇنچە ئامىراقلىقى
كېلىدۇ ، دىمىسىمۇ ئۇلارنىڭ ئوماقلىقىغا ھەقىقەتەن گەپ كەتمەيدۇ .
لىسا دەسلەپتە پروبىركىدا بوۋاق يېتىلدۈرۈش شەكلىدە تۆرەلمىنى بەدەن
سىرتىدا شەكىل ئۆزگەرتكۈزگەندىن كىيىن ئاندىن يەنە ئۆزىنىڭ بالىياتقۇسىغا
سالدۇرغان . مەلۇماتلارغا قارىغاندا بۇ خىل ئۇسۇلدا قوش ئۇرۇقتا قوش گېزەك
تۇغۇش نىسبىتى 10 مىليوندا بىر ئىكەن .
خەۋەرلەرگە قارىغاندا كۆپ قىسىم پروبىركىدا بوۋاق يېتىلدۈرۈش شەكلى قوش
گېزەككە ھامىلىدار بولۇش بولۇپ ئەمەلىيەتتە ئىككى ئوخشاش بولمىغان
ھامىلىدىن تەركىب تاپىدىكەن ، شۇڭا ئۇلارنىڭ گېنىمۇ پۈتۈنلەي ئوخشىشىپ
كەتمەيدىكەن ، يەككە ھامىلىگە ھامىلىدار بولۇپ ئۇ ھامىلىنى بالىياتقۇ
ئىچىگە كىرگۈزۈش جەريانىدا ئۆزلۈكىدىن بىر تۆرەلمىنىڭ ئىككىگە ئاجرىلىشى
بۇنىڭ سىرتىدا ئىكەن . لىسادىكى بۇ خىل ئەھۋال بالىياتقۇغا كىرگۈزۈلگەن
ئىككى تۆرەلمىنىڭ ئوخشاش ۋاقىتتا بىردىن ئىككىگە بۆلىنىشىدىن بولغان ، شۇڭا
ئىككى جۈپ گېننىڭ بىرىكىشىدىن پۈتۈنلەي ئوخشاش بولغان تۆت گېزەكنى
يەڭگىگەن بولۇپ بۇ خىل مۆجىزە ئەنگلىيە تارىخىدا تۇنجى قېتىم كۆرۈلشىكەن .
