كېنىيىدە قۇرۇلغان Umoja ئىسىملىك يېزىدا پەقەت ئاياللار ياشايدىكەن.بۇ يېزىنى ئەرلىرى تەرىپىدىن خورلاشقا ئۇچۇرغان،ئەسكەرلەر تەرىپىدىن تاجاۋۇز قىلىنغان ئاياللار ئەرلەرگە نارازىلىق بىلدۈرۈپ ئۇلارنىڭ كىرىشىنى چەكلەپ قۇرغان ئىكەن.Nagusi Lokemu  ئىسىملىك ئايال 90-يىللاردا بىرلەشكەن دۆلەتلەر تەرىپىدىن ۋەزىپىگە تەيىنلەنگەن ئۈچ ئىنگلىز ئەسكىرى تەرىپىدىن باسقۇنچىلىققا ئۇچرايدۇ.ئېرىگە باسقۇنچىلىققا ئۇچرىغىنىنى دېگىنىدە ئېرى تەرىپىدىن قاتتىق دەپسەندە قىلىنىپ ئۇرۇلىدۇ.كۆڭلى قاتتىق ئاغرىغان Nagusi Lokemu  ئۆزىگە ئوخشاش ئەھۋال ئاستىدىكى 13 ئايال بىلەن بىرلىكتە كېنىيە پايتەختى نايروبىدىن 350 كىلومېتىر يىراقلىقتىكى تاشلىۋېتىلگەن بىر يەرگە "Umoja" ئىسمىنى قۇيۇپ يېزىدىن بىرنى قۇرىدۇ. بۇ يېزا ياۋروپا بىرلىكى دۆلەتلىرىنىڭ ۋە ئافرىقا ئىنسانى ياردەم تەشكىلاتلىرىنىڭ ماددىي ياردىمىگە ئېرىشىدۇ.بۇ ئەركەكسىز يېزىنىڭ ئاياللىرى ئىنەك بېقىپ سۈت ۋە سۈت مەھسۇلاتلىرىنى سېتىپ ئىقتىسادى مەنبەسىنى قامدايدۇ.ساياھەتچىلەرنىڭ كىرىشىنىڭ ئالدىنى ئىلىش ئۈچۈن يېزىنىڭ ئەتراپى دەرەخ ئۆيلەر بىلەن قورشۇۋېتىلگەن.ئۇلارنىڭ نىزامىدا ھېچقانداق بىر ئەركەك جىنسىنىڭ بۇ يېزىغا كىرىشىگە قەتئىي يول قۇيۇلمايدۇ دەپ يېزىلغان.جىنسى جەھەتتىكى ئېھتىياجلىرىنى قانداق ئەمەلگە ئاشۇرىدىغانلىقى توغرىسىدىكى سوئالغا ئۇلار: ئەرلەرنىڭ ھەممىسى دوزاخقا مەھكۇم،دەپ جاۋاب بېرىشىدۇ.