قاراش

(ئەخمەق)

    ئۇ ئالدى تەرەپتىن بىر قىزنىڭ كېلىۋاتقانلىقىنى كۆرۇپ قالدى ، قىز ئۆتۇپ كەتكەندىن كېيىن كەينىگە بۇرۇلۇپ قىزنىڭ قارىسى يۇتكىچە قاراپ تۇردى .

    بىر مەزگىلدىن كېيىن قىزنىڭ ئۆزىگە قاراۋاتقانلىقىنى بايقاپ قالدى،

    شۇنىڭدىن ئېتبارەن ئۇ قىزغا باغلىنىپ قالدى . 

    ئۇ ھەركۇنى قىزنىڭ ئىش ئورنىغا بىرىپ قارايتتى ، قىزنىڭ ئىشتىن چۈشكەندە ، ئۆتەر يولىدا دوقمۇشتا تۇرۇپ قارايتتى .

    ئۇ پەقەت قارايتتى ، مۆلدۇرلەپ ، تەلمۇرۇپ قاراپلا تۇراتتى .

    قىزغا خىيالىدا نۇرغۇن گەپلەرنى قىلاتتى ، قىز تاتلىق كۇلۇپ جىمجىتقىنا قۇلاق سالاتتى .

    قىز ھەربىر ئالدىدىن ئۆتكىنىدە تىترەك باساتتى ، بەزىدە ئۆرە تۇرغۇدەكمۇ ماجالى بولماي تۇرغان يېرىدە ئولتۇرۋالاتتى.

    ئۇ بىر نەچچە يىل شۇنداق قارىدى ، دەسلەپ قارىغان پېتىچە ...

    ئۇ ئاخىرى توي قىلدى ، ھاراقنى ئانچە ئىچىپ كەتمەيتتى ، بەزىبىر بىزەڭ دوستلىرى زورلاپ تۇرىۋالاتتى . سەل قىزىغاندىن كىيىن قىزنىڭ ئىشلەيدىغان يېرىگە بېرىپ ئۇ يەر - بۇيەرلەرگە سەپسېلىپ قاراپ كىتەتتى ، شۇنچىلىك ئاستا قەدەملەر بىلەن كەينىگە قارىغان پېتى ئۆيىگە كېتەتتى ...