مەشھۇر ئەدىپلەرنىڭ غارايىپ ئىشلىرى

yadikar

مەشھۇر ئەدىپلەرنىڭ غارايىپ ئىشلىرى

    لورد بايرون
   بايرون ناھايىتى تەسىرچان ۋە ئاسان ھاياجانلىنىدىغان، تەرسا ئادەم بولۇپ،ئۇ ئۆزىنىڭ ھېس-تۇيغۇلىرىنى جەملىيەلمىگەنلىكى ئۈچۈن تەلۋىلىك كېسىلىگە دۇچار بولغان.بۇ ئۇلۇغ شائىر گەۋدىلىك كەلگەن، ئاقساپ ماڭىدىغان، ئەمما ئىنتايىن ھاياجان ئىجادكار بولغان. بەزى ماتېرىياللاردىن مەلۇم بولىشىچە،ئۇ ۋېنېتسىيەدە ياشىغان بىر يىل جەريانىدا ئىككى يۈزدىن كۆپرەك ئايالغا مۇھەببەت ئىزھار قىلىشقا ئۈلگۈرگەن.
    چارلز دىككېنس
   دىككېنس كىشىلەرنى گىپنوز قىلىشنى ياخشى كۆرەتتى.ئۇ ئوزىنىڭ گىپنوزچىلىق قابىلىيىتى ۋە مەشغۇلاتلىرىنى خاتىنىدا سىناق قىلىپ، ئۇنىڭ ئۇيقۇسىزلىق كېسىلىنى داۋالاشقا تىرىشقان.بۇ مەشھۇر يازغۇچى ھەمىشە شىمالغا قاراپ ئۇخلاش ۋە يېزىشنى ئادەت قىلغانىكەن.
     لېۋ تولستوي
    لېۋ تولستوي ئۇمۈر ھەمرايى(خوتۇنى) سوفىيە بېرس بىلەن توي قىلىپ، تويىنىڭ بىرىنچى كۈنىلا ئۆزىنىڭ كۇندىلىك تۇرمۇشىنى ئورۇنلاشتۇرۇشنى خوتۇنىنىڭ قولىغا تۇتقۇزغان.ئەسلى ئۇ توي قىلىشتىن ئىلگىرى بولۇپ ئۆتكەن ئىشقىي–مۇھەببەت ئىشلىرىنى خوتۇنىدىن يۇشۇرماسلىق ئۈچۈن شۇنداق قىلغانىكەن.
    فرانس كافكا
   فرانس كافكا بىر مەزگىل سۇغۇرتا شىركىتىدە كاتىپ بولۇپ ئىشلىگەن. ئۇ ھاياتىدا ئاددىي، شۇنداقلا بىتەلەي ئۆتكەن.ئۇ ئۇمرى داۋامىدا بىر نەچچىلا ھېكايە ئېلان قىلالىغان، ئەمما بۇلار ئەدىپكە شۆھرەت ئېلىپ كېلەلمىگەن.ئۇ ۋاپات بولۇشتىن ئىلگىرى دوستى ماكس برادقا قولياز مىلىرىنىڭ ھەممىسىنى بېرىپ، ئۇلارنى يوق قىلىۋېتىشىنى ۋەسىيەت قىلغان. ئەمما ماكس ئەكسىنچە بۇ قوليازمىلارنى نەشرگە بەرگەن. شۇ تەرىقىدە كافكا ۋاپات بولغاندىن كېيىن مەشھۇر يازغۇچى سۈپىتىدە تونۇلغان.
    ئاگاتا كرىستى
   ھەممەيلەنگە مەلۇم، ئاگاتا كرىستى ئەنگىلىيەلىك مەشھۇر رازۋېتكا ھېكايىچىسى. ئۇ بىرىنچى دۇنيا ئۇرۇشى مەزگىلىدە ھەربىي دۇختۇرخانىدا ھەمشىرە بولغان. ئارىدىن بىر مەزگىل ئۆتكەندىن كېيىن، دورىخانىدا ئىشلىگەن. كرىستى ھەر قانداق زەھەرنى بىر قاراشتىلا پەرق ئېتەلەيتتى. شۇڭا ئۇنىڭ رازۋېتكا ئەسەرلىر ىدىكى كوپۈنچە جىنايەتچىلەر زەھەردىن پايدىلىنىپ قاتىللىق قىلىدۇ. ئاگاتا كرىستى كېيىن قولىدا قەلەم تۇتۇپ يازالمايدىغان دىسگرافىيە كېسىلىگە گىرىپتار بوپ قالغانلىقى ئۈچۈن ئەسەرلىرىنى كاتىپقا سۆزلەپ بېرىپ يازدۇرغان.

«دۇنياۋىي مەشھۇر ئەسەرلەر»ناملىق كىتابتىن پايدىلىنىپ تۇرسۇن ئابدۇللا بەگيار تەييارلىغان.
مەنبە: شىنجاڭ يازغۇچىلىرى