ئەھەدى- دوستلۇقنامە

ئەھەدى

	دوستلۇقنامە                           (مۇۋەششەھ) ئەھەدى تەپەككۇر مەنزىلىن ئېزدەپ كېزەرمەن كۈندە دۇنيانى، تىزارمەن قايتىدىن رەتكە ئۇيۇمدا تاغۇ-دەريانى. ئۇزاقتىن مەن شىرىن ئەمما ئازاپلىق ئوي گىرىپتارى، ئۆمۈرنىڭ چېكى باركەنۇ، كۆرۈمنىڭ يوق ئىكەن سانى. رىيازەت، دەرت-پىراق تاۋلاپ تېنىمنى ئەيلىدى ئالماس، ئۆزۈمگە قۇل-دېدەكتۇرمەن، ئۆزۈمنىڭ شاھى سۇلتانى. سەۋەپسىز بولمىغاي ھېچ ئىش، كىلىش كەتمەك ئۈچۈن بائىس، ئەمەسكەن سىرۇ-ھېكمەتسىز ھاياتنىڭ ھەممە جەريانى. ئۆزۈمگە نەچچە رەت مۇنداق سۇئالنى مەن قۇيۇپ باقتىم، شۇ چاققا كەلگىچە تاپتىڭ ھاياتتىن قايسى مەنانى؟ نىتەيكى، تاپقىچە مەنا ئۆمۈر باغىمنى قۇم باستى، ئىلاجىم قانچە، تەقدىرنىڭ مۇشۇنداق تۇرسا پەرمانى. جىمىرلاپ گاھى جىلمايسا تەلەينىڭ يۇلتۇزى كۆكتە، پەلەكنىڭ بۇرىنى قۇتراپ بېغىمنى قىلدى ۋەيرانى. ئاسايىش كۆرمىدىم ئەسلا، تىلەپمۇ تاپمىدىم خوشلۇق، ۋەلەيكىن ئۆچمىدى دىلدا لاۋۇلداپ ئارزۇ گۈلخانى. نىچۈنكى، بىلمىدىم تەقدىر ئەزەلدە تەلىيىم كاجمۇ؟ ۋەيا پۈتكەنمۇ جىسمىمغا داۋاسىز ئىشقى-سەۋدانى. مۇھەببەت دەشتىدە چاڭقاپ جېنىم ھەلقۇمغا يەتكەندە، نىسىپ ئەتتى ماڭا تەڭرىم ئۆمۈرلۈك دوستنى-ھەمرانى، ئۇنىڭ مىھرى-ۋاپاسىدىن تىرىلدى توڭلىغان تۇيغۇم، ئاتا قىلدى مەدەت-ئىلھام جۇلالىق ھۆسنى-جەۋلانى. ھۇسۇللۇق يازغۇچى دوستۇم قەلەمدە دۇر-گۆھەر قازدى، گۆھەركى، ھەر قۇرى رەڭدار ھاياتنىڭ نەزمە-داستانى. ئەجەپ ساز پەيلى-رەپتارى، سۇخەنداز، خۇشپىئېل، كەمتەر، ياشاپ ئۆتسە كىشى شۇنداق قالۇرمۇ دىلدا ئارمانى. مىنىڭ قۇت-تەلىيىم شۇنداق ئېسىل دوستقا ئېرىشكەنىم، ئېسىل دوستلۇقتا گۈللەيدۇ ھاياتنىڭ باغۇ-بوستانى. مىگەر جاندىن كېچەرمەنكى، ئەقىدەمدىن كېچەلمەسمەن، قەسەمبىللا، دېدىم بۇنى ئېلىپ يادىمغا ئاللاھنى، ئەھەدى ئېھتىرام ئەيلەپ ئۇنىڭغا بىر قەدەھ تۇتتى. كۆتۈرسە رازىمەن، ناخۇش تاغارلاپ بەرسە تىللانى. تەشەككۈر ساڭا قەلبىمدىن ۋاپادار دىلكىشىم، دوستۇم. ئىلاھىم يەت مۇرادىڭغا، ۋەتەننىڭ كۈيچى ئوغلانى!                                     2003-يىلى 30-سىنتەبىر

mamutomar

	ئايرىلمايدىغان دوستىڭىز يادىڭىزغا ئەمدىلەتتىن يېتىپتۇ-دە،،قالبڭىزدىكى مۇھەببەت دەمئېلىشقا چىقمىغاندىكىن يالقۇنلاپ تۇرىڭە، ئېسىل ئەسەرلىرىڭىزگە تەشنامەن،سالامەتلىك يار بولغاي.

HOJAKABIZ

	[ بۇ يازمىنى HOJAKABIZ تەھرىرلىگەن ۋاقتى 2015-11-12 23:41 ]\n\n.

HOJAKABIZ

	دوستلۇق ئۈچۈن تەۋرىتىلگەن قەلەمدىن زەر تۆكۈلگەي!