مۇۋەپپەقىيەت ئىشىكىنى چەككەن ئادەم

udun

مۇۋەپپەقىيەت ئىشىكىنى چەككەن ئادەم

فىرانسىيە يازغۇچىسى ئاتا ديومانىڭ بىر دوستى بولۇپ، نەشرىياتقا سۇنغان ئەسەرلىرى دائىم قايتۇرۇۋېتىلىدىكەن. بىر كۈنى بۇ كىشى ئاتا ديومادىن تەلىم سوراپ كەپتۇ. ئاتا ديوما ئۇنىڭغا مۇنداق بىر تەكلىپنى بېرىپتۇ: كەسپىي ئاققا كۆچۈرگۈچىدىن بىرنى تېپىپ، ئەسەرلىرىڭىزنى پاكىز، چىرايلىق ھالەتتە قايتىدىن كۆچۈرگۈزۈڭ، ئاندىن ماۋزوسىغا ئۆزگەرتىش كىرگۈزۈڭ.
بۇ ئادەم ئاتا ديومانىڭ تەكلىپى بويىچە ئىش قىلغانىكەن، نەتىجىدە ئۇنىڭ ئەسىرى ئىلگىرى ئەسىرىنى قايتۇرۇۋەتكەن بىر نەشر سودىگىرىگە ياراپ قاپتۇ. ھەر قانچە ياخشى ئەسەر بولسىمۇ، لېكىن قالايمىقان، سەت يېزىلسا، ئۇنى ئوقۇپ بولۇشقا كىمنىڭ تاقىتى بولسۇن؟
ھېكمەت:مۇۋەپپەقىيەت قازىنىش يولىدا، جاپا – مۇشەققەت ئىچىدە ئىزدىنىۋاتقان كىشى تاساددىپىي ھالدا مۇۋەپپەقىيەت قەسىرىنىڭ دەرۋازىسېنى قېقىپ قالىدۇ. لېكىن قەسىرنىڭ ئىگىسىمۇ: «بۇ كىشى ئادەتتە بىپەرۋا، پوزىتسىيەسىمۇ بەكلا پاسسىپ بولىدىغان، بولدىلا، ئۇ يەنىلا سىرتتا تۇرۇپ تۇرسۇن!»، دەپ ئويلايدۇ.
شۇڭا مۇۋاپپەقىيەت قازىنىشنى ئويلىغان ئادەم تىرىشچانلىق كۆرسىتىش بىلەن بىللە يەنە ھەر بىر قەدىمېنى پۇختا بېسىشقا سەل قارىماسلىقى كېرەك.