2-قېتىملىق مۇكاپاتلىق تېما قوبۇل قىلىش توغرىسىدا بىلدۈرگۈ

yadikar

2-قېتىملىق مۇكاپاتلىق تېما قوبۇل قىلىش توغرىسىدا بىلدۈرگۈ

«گۇما دىيارى»مۇنبىرى تۇنجى قېتىملىق مۇكاپاتلىق تېما قوبۇل قىلىش پائالىيىتى ئۇيۇشتۇرغاندىن كېيىن پائالىيەتنىڭ كەيپىياتى قىزغىن،نەتىجىسى مۇۋاپىقىيەتلىك ئاخىرلاشتى.شۇڭا ئەزالارنىڭ قىزغىنلىقىغا تېخىمۇ زور ئىلھام بېرىش يۈزىسىدىن 2-قېتىملىق مۇكاپاتلىق تېما قوبۇل قىلىش پائالىيىتى ئۇيۇشتۇرۇش قارار قىلىندى.

پائالىيەتنىڭ تەپسىلاتى :
1-پائالىيەتنىڭ ۋاقتى:
تېما قوبۇل قىلىش ۋاقتى:2013- يىلى 1-ئاينىڭ 15- كۇنىدىن3-ئاينىڭ 30- كۈنىگىچە بولىدۇ.4- ئاينىڭ 10- كۈنى نەتىجە ئېلان قىلىنىپ مۇكاپات نەقلەشتۈرۈلىدۇ.

2-مۇكاپات تۈرى:
مۇكاپات ئۈچ دەرىجە بويىچە باھالىنىدۇ.

مۇكاپات دەرىجە ۋە سوممىسى:
1- دەرىجىلىك مۇكاپات بىر نەپەر.300 يۈەن نەق پۇل.
2-دەرىجىلىك مۇكاپات ئىككى نەپەر.ھەر بىرى 200 يۈندىن نەق پۇل.
3-دەرىجىلىك مۇكاپات ئۈچ نەپەر.ھەر بىرى 100 يۈەندىن نەق پۇل.

3-پائالىيەتكە قاتناشتۇرىلىدىغان تېمىلار:
(1) شېئىر،ھېكايە، نەسىر،پوۋىسىت،ئەدەبىي ئوبزۇر، ئۇچىرىك، ئەدەبى خاتىرە (ئاۋازلىق ئەسەرلەرنىمۇ ئۆز ئىچىگە ئالىدۇ) ئىتوت-كۈلدۈرگىلەر.
(2) ئىجادى بەدئىي فىلىملەر

4-پائالىيەتكە قاتناشتۇرىلىدىغان تېمىلارغا قويىلىدىغان تەلەپ:
(1)بۇ قېتىملىق مۇكاپاتلىق پائالىيەتكە قاتناشتۇرىلىدىغان تېمىلار ھەر قانداق بىر تور بەت ۋە مەتبۇئاتلاردا ئېلان قىلىنمىغان(يېڭىدىن ئىجات قىلىنغان)بولۇشى كېرەك.(تېما تاللىنىپ مۇكاپات نەقلەشتۈرۈلۈشتىن بۇرۇن، بەش كۈن ئاممىنىڭ نازارىتىگە سۇنىلىدۇ،بەش كۈنگىچە ئاشۇ تېمىنىڭ ھەر قانداق بىر مەتبە ۋە تور بەتلىرىدە ئېلان قىلىنىپ بولغانلىقى ھەققىدە ئىنكاس تاپشۇرۇپ ئالساق شۇ تېمىنىڭ مۇكاپاتلىنىش سالاھىيىتى بىكار قىلنىدۇ).
(2)پائالىيەتكە مەزمۇنى ساغلام،بەدىئىيلىكى يۇقىرى،يېڭىلىق يارىتىلغان تېمىلار قاتناشتۇرلىدۇ.
(3) دۆلەتنىڭ ئالاقىدار قانۇن-نىزاملىرى ۋە سىياسەتلىرىگە زىت مەزمۇندىكى ئەسەر ۋە تېمىلار قاتتىق چەكلىنىدۇ.

5-تېما باھالاش شەكلى
تېما باھالاشقا ئەدەبىي ئىجادىيەتتىكى تۆھپىسىنى ئاۋام ئېتىراپ قىلغان،تونۇلغان ئەدىبلەر تەكلىپ قىلىنىپ ئەستايىدىل،ئادىل،توغرا باھالاشقا كاپالەتلىك قىلىنىدۇ.

6-مۇكاپات نەقلەشتۈرۈش شەكلى:
مۇكاپات سوممىسى مۇكاپاتقا ئىرىشكۈچىلەرنىڭ بانكا ھېساباتىغا ياكى تور بانكا ھېساباتىغا يۆتكەپ بېرىلىدۇ. مۇكاپاتنى نەقلەشتۈرۈش ۋە ئالاقىدار ئىشلارغا قولاي بولۇش ئۈچۈن ئاپتۇرلار تېما يوللىغاندا ئىمكان بار ھەقىقى ئىسمى ۋە ئالاقە ۋاستىلىرىنى ئىنىق يېزىشى تەلەپ قىلىنىدۇ.

7-تېما ئېلان قىلىش ئورنى:
تېمىلار «گۇما دىيارى» مۇنبىرىنىڭ «مۇكاپاتلىق تېمىلار سەھىپىسى(مۇنبەرنىڭ ئەڭ ئۈستىدىكى سەھىپە)»گە يوللىنىشى لازىم.باشقا سەھىپىگە يوللانغان تېمىلار مۇكاپات دائىرىسىگە كىرگۈزۈلمەيدۇ.
8-«گۇما دىيارى»مۇنبىرىگە كىرىش ئادرېسلىرى مۇنۇلار:
www.gumadiyari.com
www.gumadiyari.cn
www.gumadiyari.net
www.xjizlar.com
يۇقىرىدىكى ئادرېسنىڭ خالىغان بىرىدە كىرىپ تېما يوللىسا بولىدۇ.
مۇنبىرىمىزنىڭ بۇرۇنقى ئەزالىرى ۋە يېڭى ئەزالىرىنىڭ قىزغىن پۇزۇتسىيە تۇتىشىنى سورايمىز.

ئالاھىدە بىلدۈرگە چىقىرىلدى.

تەشەببۇسنامە: ھەرقايسى مۇنبەر ئاتامانلىرىنىڭ بۇ بىلدۈرگىمىزنى مۇنبەرلىرىدە ئېلان قىلىپ بېرىشىنى ئۈمىد قىلىمىز.

«گۇما دىيارى» مۇنبىرى باشقۇرۇش ھەيئېتى

2013-يىلى 1-ئاينىڭ 20-كۈنى

تۈركزات

قېنى ئەدەبىيات ئۈچۈن باغرى خۇن ئەزىمەتلەر،بەيگە مەيدانىغا مەرھەمەت!

شەھلا

300 سوم مېنىڭ.

تەبەسسۇم

ئەھەدىكام ئەدىۋىمنى بەردى، مۇكاپاتقا ئېرىشەلمىسەممۇ مەيلى، ئىشقىلىپ قاتنىشىمەن بۇ قېتىم. غەيرەت قىلىڭ تەبەسسۇمخان

arkan

مۇنبەرنىڭ بۇ مۇكاپاتلىق ئەسەر قۇبۇل قىلىش پائالىيىتىنى ئۇيۇشتۇرغانلىغى ناھايتتىمۇ ياخشى ئىش بوپتۇ، بۇ مىلىتىمىزنىڭ ئىچىدىكى ئەدىبىياتقا قىزىقىدىغانلارغا مەدەت بىرىش، پىشقان شائىر يازغۇچىلارغا نىسپەتەن ئىجادى ئەمگىكى ئارقىلىق باشقىلارغا مەنىۋى ئوزۇق بىرەلەيدىغا سەھنە ھازىرلاشتىن ئىبارەت دەپ قارايمەن.
مەن بۇ بىلدۈرگۈنى كۆرۈپ بەكمۇ خۇش بولدۇم، مەن مۇكاپاتقا ئىرىىشەي ياكى ئىرىشمەي  بۇ پائالىيەتكە قاتنىشىپ تەلىيىمنى سىناپ كۆرۈش بىلەن بىرگە ئۆزۈمنىڭ ئىجادى ئەمگىكىم ئارقىلىق باشقىلارغا مەنىۋى جەھەتتىن نەپ يەتكۈزۈشكە تىرىشىمەن.

شىپايى

ناھايتى ياخشى ئىش بوپتۇ.بىرلا  ئەسەر قاتناشتۇرۇشقا بولامدۇ ياكى بىر نەچچە ئەسەر بولسىمۇ بولامدۇ؟ھەممە ئادەمنىڭ ئەسەر يوللىغىسى كىلىدۇ،بۈگۈن بىرنى قاتناشتۇرۇپ، يەنە نەچچە كۈندىن كىيىن ئۆزىمىز بۇنىڭدىنمۇ ياخشى دەپ قارىغان ئەسەرنى قاتناشتۇرساق بولامدۇ؟

yadikar

شىپايى يوللىغان ۋاقتى  2013-1-23 23:06
ناھايتى ياخشى ئىش بوپتۇ.بىرلا  ئەسەر قاتناشتۇرۇشقا بول ...

ئەسەر سانى چەكلەنمەيدۇ. قانچە كۆپ بولسا شۇنچە ياخشى. چۈنكى تاللاشتا ئاسان بولىدۇ ئەمەسمۇ.

ARKZAT

بۇ پائالىيەتنىڭ مۇشۇ تەرىقىدە تېخىمۇ قىزغىنلىق بىلەن ئىزچىل داۋاملىشىشىغا تىلەكداشمەن.