- تېما
- 73
- ھەمبەھر
- 1
- ھوقۇقى
- 150
- يازما
- 375
- نادىر
- 2
- ئالبوم
- 0
- خاتىرە
- 21
- دوست
- 6
- بلوگ
- 0
- UID
- 631
- تىزىملاتقان
- 2011-4-9
- ئاخىرقى قېتىم
- 2013-8-30
- توردا
- 237 سائەت
- جۇغلانما
- 3189
- قىزغىنلىق
- 1048
- تىللا
- 600
- تۆھپە
- 108
 
|
ئەسسالامۇ ئەلەيكۇم،سىز بۇ تېمىنىڭ 1501- ئوقۇرمىنى،تېما يارىغان بولسا ئىنكاس يېزىشنى ئۇنۇتماڭ! خالىسىڭىز بىكىتىمىزدىكى ئېلانلارغا نەزىرىڭىزنى ئاغدۇرۇپ قويۇڭ،چۈنكى ئۇنىڭدا سىز كۈتمىگەن يېڭىلىقلار بار!.
تاپتىم
گۈزەللەرنىڭ ئاراسىدىن چېكىپ تاللاپ سىنى تاپتىم،
ۋۇجۇدۇڭدىن ئېقىپ پۈتمەس سېخى-مەرتلىك قېنى تاپتىم.
ئۇپۇقلاردا قانات قاقتىم،زىيادا كۆزلىرىم ئويناق،
سىزەرمەن چۈنكى قوينۇڭدا ئۆزۈمنى شاھ-غەنى ،تاپتىم.
مەگەر دەي:ئەلگە تۆھپەمدىن لەزىز ئەنجۈر،ئانار،... سۇنسام،
سېنىڭ باغرىڭ بىلەن بىر تەن ...، ئانارىمنىڭ تېنى،تاپتىم.
ئانامدەك ھەمشىرىك بولدۇڭ ھامان قايغۇمغا،كۈلكەمگە
جاكارلايمەن:ئۆزۈڭ ئەي يار تۈركزاتنىڭ جىنى ،تاپتىم!!!
دىلبەر
كۈتەرمەن ئىنتىزارلىقتا سىنى يادلاپ جانان- دىلبەر،
پۈتۈن جىسمىمنى كۆز ئەيلەپ باقارمەن سەن تامان دىلبەر.
ئۆتەر دەپ تەلمۈرۈپ تۇرسام جىمى ئۆتتى ،پەقەت سەن يوق،
مىسالى ئىزدىسەم داننى يولۇققاندەك سامان دىلبەر.
كېتەلمەيمەن گويا باغلاقتىكى قويدەك،يېزىپ قويدۇڭ-
مۇھەببەت مەكتۈپى قەلبىم بېتىگە قايزامان دىلبەر.
تىزىپ تۇرسام جىمى تاتلىق سۆزۈمنى كەلمىدىڭ،بولدۇم-
نادامەت قۇشلىرى يوقلاپ ئۆتەر كونا خامان،دىلبەر.
«ئېتىڭ بولسۇنمۇ دوقمۇشجان» قىلىشتى دوستلىرىم چاقچاق،
بۇغو ھېچگەپ ئەمەس،قالدىم ئاتاقلارغا يامان،دىلبەر.
رەھىمنىڭ نورلىرى چۈشسە تاقاق قەلبىڭ ئېتىزىغا ،
مۇھەببەت جىلۋىلىك نازلاپ مېنى باشلار قايان دىلبەر؟
ئەزىم دەريادا ئوينايدۇ بېلىق،قەلبىدە مەستخۇشلۇق،
مەگەر دىدار ئىشىك قاقسا باراقسانلايدۇ جان دىلبەر.
كېلەر ئىشەنچ قۇشۇم پەرۋاز قىلىپ مەنزىل تامان ھارماي،
ۋىسال تۇلپارىغا مىنگەي تۈركزاتىڭ ھامان،دىلبەر!
كۈتۈش
تامدى كۆزلەردىن تارام ھىجرىڭدە يار مىڭ بىر كېچە،
كەتتى دىللاردىن ئارام ،تۈنلەر بىدار مىڭ بىر كېچە.
ئەستى باغىمنى شامال،يوقتۇر ئۇچۇر ياردىن،نە ھال؟
مۇڭغا باغرىمنى مىلەپ ئۈنلەيدۇ تار مىڭ بىر كېچە.
لاخشە چوغلار كىشنەيىن،ئاي لەھزە پەسلەپ چۈشمەيىن،
سۆيگۈنى قان يىغلىتىپ خۇمدان يانار،مىڭ بىر كېچە.
ئەستىلىكلەر ئاھ ئۇرار،ھالى بىتاپ مەكتۇپ تۇرار،
شورىلىق باغ كۆكسىدە تاقەت سۇنار،مىڭ بىر كېچە.
پارە – پارە بىر جېنىم،قېقاس سالار ئاتەش قېنىم،
جەملىمەي جانىمنى يار قىلماقچى زار مىڭ بىر كېچە.
كۆيدى يۇلتۇزلار جۆدەپ،تۈن باغرىغا چۆكتى سەدەپ،
ئۇل سەدەپ ئاق زەنجىرى،تۇتتى خۇمار، مىڭ بىر كېچە.
ئال، دېدىم جاننى خۇدا ،ياق، بەر دېدىم سەبرە ئۇدا،
بىر ئۆلۈمنى نەچچە رەت ئۆلتۈردى دار مىڭ بىر كېچە.
راسلىدىم جاي سەن ئۈچۈن، بەختىمنى يار ئەيلە پۈتۈن،
كەلمىسەڭ ئىزدەپ ،تۈركزاتىڭ بارار،مىڭ بىر كېچە!
يولۇمدا گۈل،قولۇمدا گۈل
خېزىردەك كۈللى ئالەمنىڭ ھايات داناسىنى كۆردۈم،
كۆزىدىن پارلىغان تاڭنىڭ بۈيۈك مەناسىنى كۆردۈم.
ئۇيۇلتاش بولمىغاي تالقان ئېزىققان ئەزىيەتلەردە،
لاۋا-گۈلخاندا تاۋلانغان ئۈمۈت بەرناسىنى كۆردۈم.
شېرىن بىر قۇش بولۇپ كۆكتە قانات قاقماقنى قۇت بىلسە،
يېڭەر پەرھات ئۇنىڭ مۈشكۈل ئازاپ-سەۋداسىنى كۆردۈم.
خەتەرنى ئەيلىگەچ پايخان بولۇپ پەرھاتقا تەڭ-قۇرداش،
چېچەكلەر مەڭزىدىن كۈلگەن قۇياش سەناسىنى كۆردۈم.
ئۇ باشلار گۈل-گۈلىستانغا مەگەر بۇلبۇلغا ئەگەشسەڭ،
ئىزىدىن ئىز بېسىپ گۈلگۈن ئىجات رەناسىنى كۆردۈم.
يولۇمدا گۈل،قولۇمدا گۈل،كېلەرمەن ئوڭ-سولۇمدا گۈل،
شۇ گۈللەردىن تىزىپ دەستە تاقاش قەناسىنى كۆردۈم!
مۇقام
ھەسرىتىڭنىڭ دارىدا ئوينايدۇ تەمبۇر تارىسى،
مۇڭلىرىڭنىڭ زارىدا تويلايدۇ تەمبۇر تارىسى.
ئەسنى ئوۋلايدۇ سىلاپ ئەسكەن شاماللار بارمىقى،
تۇڭلىكىڭنى لەھزە تىنچ قويمايدۇ تەمبۇر تارىسى.
كۈلمىكى مۈشكۈلمىدۇ باغىڭدا ھال رەڭ لالىنىڭ،
چوغلىرىڭنىڭ تەپتىگە تويمايدۇ تەمبۇر تارىسى.
ئىزتىراپلىق دەملىرىڭ تىلغار سۈكۈتلەر باغرىنى،
ئۇسسىغان تىغ كۆكسىدە سويلايدۇ تەمبۇر تارىسى.
مەرگۇمۇش كۈنلەمدىكىن ئۇل تەركى بەختىڭ ۋەسلىنى،
كەكرا تۇرمۇش كۆزىنى ئويمايدۇ،تەمبۇر تارىسى.
ئېيت،تۈركزات لەۋزىدە كۆكلەپتۇ باغجانلاپ سوراق،
بەرمىكىڭ قانداق جاۋاپ،ئويلايدۇ: تەمبۇر تارىسى...!
ھەييارغا بولدۇم مۇپتىلا
خۇلقى ئۇز بىر يارغا بولدۇڭ مۇپتىلا،
جىسمى ئوت،ھەييارغا بولدۇڭ مۇپتىلا.
ئوھسىنىپ يۈرسەڭمۇ پەرۋايى پەلەك،
زەپ شىرىن دىدارغا بولدۇڭ مۇپتىلا.
جان تانابىڭنى بەدەلگە سورىسا،
باغلىدىڭ قول،دارغا بولدۇڭ مۇپتىلا.
ئاق دالادا چاپچىدى ھىس تۇلپىرىڭ،
لەۋدە كۆيگەن قارغا بولدۇڭ مۇپتىلا.
قەستى شەيتان كۆزلىرىڭگە يامرىدى،
تىركىشىپ،بىدارغا بولدۇڭ مۇپتىلا.
ئاقچا دەۋرەپ دىل بېغىڭنى مارىسا،
رەت قىلىپ،ئۇدارغا بولدۇڭ مۇپتىلا.
"بىر بوغۇم،مىسرا،بېيىت..."تىن سەمرىدىڭ،
ئايلىنىپ زەردارغا ،بولدۇڭ مۇپتىلا.
ئىزلىرىڭدا ئۇندى چوغلۇق رەڭ تۈزەپ،
كۈيلىرى ئوت تارغا بولدۇڭ مۇپتىلا.
زار تۈركزات دەستە گۈللەر ۋەسلىگە،
بارمۇ راي قارارغا؟!،بولدۇڭ مۇپتىلا.
تۈڭلۈكۈڭگە قوندى يۇلتۇزلار
بىر گۈزەلگە مۇپتىلا بولدۇڭ، دېدىڭ: يارىڭ بولاي،
ئارزۇ باغىڭدا بەرق ئۇرغان چىمەن زارىڭ بولاي.
ئەيلىبان سىرتماق ئوتىنى ئالدى چىرماققا سېنى،
ئېيتتى:گۈلخان تەپتىدە تاۋلان،تەلەپكارىڭ بولاي.
گال پىچاقتەك قېينىدى جانىڭنى ئاسماققا ئىلىپ،
قىلدى پەرمان:ئەيلە قۇللۇق خوجا-قۇلدارىڭ بولاي.
تولغۇنۇپ تۈن قوينىدا يۇلتۇزغا يەتتى ئاھلىرىڭ،
تۈڭلۈكۈڭگە قوندى يۇلتۇز:مەنلا ھەمكارىڭ بولاي.
ئۈنلىدىڭ دەمدەر كەبى روھىڭنى تاڭلاردا بىلەپ،
جىسمىنى ئوت ئەيلىدى كۈن:مەنمۇ بىدارىڭ بولاي.
روزىغار كەتتى يامانلاپ،قالدى سازىڭلا كۈلۈپ:
چالغىنا،تاپقىن ۋىسال بىر مەررە،دىلدارىڭ بولاي.
كەلدى مەشۇقتىن سادا:كۆرگىن جامالىمنى ئاچاي،
يەت ۋىسالىمغا قېنىپ،قۇرلاردا ئەشئارىڭ بولاي!
ئەختەرىڭمۇ ئاق بىلەك
ئاھ،دېدىڭ ئاغدى يۈرەك گۈلزاردا گۈل ئوتتۇزمىدى؟
بۇزدى چۈشلەرنى تىلەك،مۇڭزاردا گۈل ئوتتۇزمىدى؟
لەختە بولدى گۈل لېۋى غەمناك دىلى بۇلبۇلسىراپ ،
ئەيلىدى سەنچۈن پورەك،دىداردا گۈل ئوتتۇزمىدى؟
تەزمىدى ئەل ئاغزىدىن ئوتقاش كەبى ئەپسانىلەر،
ئەختەرىڭمۇ ئاق بىلەك،بىداردا گۈل ئوتتۇزمىدى؟
خۇش تەبەسسۇملۇق باقار ئاشىققا تۈنلەرنىڭ كۆزى،
مەھلىيارىڭدۇر مەلەك، ئىزھاردا گۈل ئوتتۇزمىدى؟
ئەستى باغىڭدىن شامال،تىڭشايدۇ قەلبىڭدە نە ھال،
تۈركىزات كۈتتى كۆرەك،ئۇداردا گۈل ئوتتۇزمىدى؟!
بايانات
مېھنەت باراقسان باغلار كۆكسىدە،
ئاقار مېھىرلەر تاغلار كۆكسىدە.
مۇڭغا چىلانغان گۇگۇمنىڭ كۆزى-
ئۇزار مەھشەرگە،داغلار كۆكسىدە.
تۈرتەر مۈگدىگەن قۇشلارنى سۈبھى،
ئۆلۈم چىڭقىلار زاغلار كۆكسىدە.
مەشتە كۆيەر دەرت،شەيتاندا شەھۋەت،
ئەزۋەيلەر نەپسى ياغلار كۆكسىدە.
رەپتارىم يورۇق،دەيدۇ تۈركزات،
رول ئالار ئالتۇن چاغلار كۆكسىدە.
پەرۋاز
ئارغىماق ئاشقان داۋانلار توققۇز،
ئۈمىد پەرلەنگەن زامانلار توققۇز.
رەسىدە بولۇپ ئۇلغايدى چۈشلەر،
كۆزلەر تەھتىدە كامانلار توققۇز.
ئاشىق باغرىدا ئوھسىندى پەرياد،
ئىشەنچ ئونغا دوست،گۇمانلار توققۇز.
قاتتى قاناتى چاڭقاق سەلكىننىڭ ،
بۈركۈتكە ئنئام بورانلار توققۇز.
ئۇپۇق ئوچاقى تۇغدى سۈبھىنى،
كەتتى جانسىراپ تۇمانلار،توققۇز.
مەرمەر ئۇيۇلۇپ چۈشتى پەگاغا،
دانلاردا سۇبات،سامانلار توققۇز.
ئىزتىراپتا گۈل بولدى بىر جانان،
تۈركزات كۈتكەن «جانان»لار توققۇز!
بۇ يازمىنى ئاخىرىدا تۈركزات تەھرىرلىگەن. ۋاقتى 2012-7-17 21:20
|
|
Shiriyet Gulistani.gif)
[ئۇلانما كۆچۈرۈش]
ip كۈرۈش
ئىز قوغلاش
يوللىغان ۋاقتى 2012-7-17 21:00:10
تىما چوققىلاش
چوققىلاش
ئىنكاسنى تاقاش
شاۋقۇن چىقىرىش
变色卡
دېۋان تالىشىش
显身卡
يوللىغان ۋاقتى 2012-7-17 21:32:43
يوللىغان ۋاقتى 2012-7-17 21:34:55
يوللىغان ۋاقتى 2012-7-18 16:56:31