دۇنيادىكى 7 چوڭ مۆجىزىنىڭ جايلاشقان جۇغراپىيىلىك ئورنى

1. مىسىردىكى ئەلئىھرام.

مىسىردىكى ئەلئىھرام قەدىمكى زاماندىكى يەتتە مۆجىزىنىڭ ئىچىدىكى ئەڭ قەدىمىي قۇرۇلۇش ، شۇنداقلا مۇكەممەل ساقلانغان مەدىنيەت يادىكارلىقى ، ھازىرغىچە ھېچكىم ئەلئىھرامنىڭ سىرىنى يىشەلىگىنى يوق .
قۇرۇلغان ۋاقتى : مىلادىدىن ئىلگىركى 2700-يىلدىن 2500- يىللىرى
ئورنى : مىسىرنىڭ پايتەختى قاھىرەنىڭ ئەتراپىدا.

2. مىسىردىكى پۇرۇت شەھىرى ئىسكەندىرىيەدىكى ماياك.

بۇ ماياك ئۇلۇغ ئىمپىراتۇر ئىسكەندەر زۇلقەرنەيىن(ئالىكىساندىر ماكىدونىسكى)نىڭ بۇيرۇقى بىلەن ياسالغان . بۇ ماياك ئەسلىدە  ئىسكەندىرىيەدىكى بىر ئارالغا ياسالغان بۇلۇپ ، ماياكنىڭ ئىگىزلىكى  122 مېتىر .
ياسالغان ۋاقتى : مىلادىدىن ئىلگىركى 300 -يىلى
ئورنى : مىسىردىكى ئىسكەندىرىيە شەھىرى.

3. باغداتقا جايلاشقان بابىلۇن مۇئەللەق باغچىسى.

مۇئەللەقتىكى بۇ باغچا يېڭى بابىلۇن دۆلىتىنىڭ پادىشاھىنىڭ دەۋرىدە مىلادىدىن ئىلگىركى 600- يىللىرىنىڭ ئالدى كەينىدە ياسالغان . بۇ قۇرۇلۇش  ھەر بىر قەۋەتكىچە گۈللەر ھەم دەل دەرەخلەر بىلەن بىزەلگەچكە كىشىلەر تەرىپىدىن مۇئەللەقتىكى باغچا دەپ ئاتالغان .
ياسالغان ۋاقتى : مىلادىدىن ئىلگىركى 600 - يىلنىڭ ئالدى _ كەينىدە
ئورنى : ھازىرقى ئىراقنىڭ پايتەختى باغداتنىڭ ئەتراپىدا .

4. تۈركىيەنىڭ كىچىك ئاسىيا قىسىمىدىكى مۇقەددەس ئارفىمىس ئىبادەتخانىسى.

بۇ ئىبادەتخانىنى تۈركىيەنىڭ كىچىك ئاسىيا يېرىم ئارىلىغا جايلاشقان قەدىمكى لودىيە پادىشاھلىقىنىڭ پادىشاھى كىرويىس سالدۇرغان . مىلادىدىن ئىلگىركى بىر قېتىملىق ئاپەتتە كۈيۈپ كەتكەن .
ياسالغان ۋاقتى : مىلادىدىن ئىلگىركى 550 - يىللىرى
ئورنى : ھازىرقى تۈركىيەنىڭ غەربىي دېڭىز قىرغىقىدا.

5. يۇنان ئەپسانىلىرىدىكى باش ئىلاھ زىۋىسنىڭ ھەيكىلى.

ئولۇمپۇس تېغىدىكى زىۋىسنىڭ ھەيكىلىنى قەدىمكى يۇناننىڭ (گىرىتسىيە)داڭلىق ھەيكالتاراش فىدىياس ياسىغان .
بۇ ھەيكەل پۈتۈنلەي ئالتۇندىن ياسالغان .
ياسالغان ۋاقتى : مىلادىدىن ئىلگىركى 457- يىلى
ئورنى : گىرىتسىيەدىكى ئولىمپىيە شەھىرى.

6. مۇسىراس قەبرىسى .

دىيىلىشچە بۇ قەبرىنىڭ ئىگىزلىكى 45 مېتىر ،  قەبرىنىڭ ئۈستى قىسىمى ئىھرامغا ئوخشايدىغان بۇلۇپ  ،  بۇ قەبرە مىلادىدىن ئىلگىركى 3 - ئەسىردە يۈز بەرگەن بىر قېتىملىق يەر تەۋرەشتە ۋەيران بولغان .
ياسالغان ۋاقتى :  مىلادىدىن ئىلگىركى 353 - يىللىرى
ئورنى : ھازىرقى تۈركىيەنىڭ غەربىي جەنۇبىدا .

7. رود ئارىلىىدكى قۇياش ئىلاھى _ ئاپوللونىڭ گىگانىت ھەيكىلى.

بۇ گىگانىت ھەيكەل رود پورتىنىڭ كىرىش ئېغىزىغا جايلاشقان .ئۇ يۇنان ئەپسانىلىرىدىكى قۇياش ئىلاھى ئاپوللونىڭ ھەيكىلى بۇلۇپ ساپ مىستىن ياسالغان ، ئىگىزلىكى 33 مېتىر ، ئىلگىر _ كىيىن 56 يىلدا پۈتكەن . مىلادىدىن ئىلگىركى 226 - يىلى بىر قېتىملىق يەر تەۋرەشتە ۋەيران بولغان .
ياسالغان ۋاقتى : مىلادىدىن ئىلگىركى 282 - يىلى ياساپ پۈتكۈزۈلگەن
ئورنى :  ئىگىي دېڭىزى گىرىتسىيەنىڭ رود پورتى.

مەنبە : ئوقۇتقۇچىلار كۇلۇبى