EYNEK BLOG

TIME zhornili 2009 yil béshidiki eng yaxshi bolghan 25 blogni bahalap chiqti, ular töwendikiche:

✔ Talking Points Memo
✔ The Huffington Post
✔ Lifehacker
✔ Metafilter
✔ The Daily Dish by Andrew Sullivan
✔ The Freakonomics blog
✔ BoingBoing
✔ Got2BeGreen
✔ Zen Habits
✔ The Conscience of a Liberal: Paul Krugman
✔ Crooks and Liars
✔ Generación Y
✔ Mashable
✔ Slashfood
✔ The official Google blog
✔ synthesis
✔ bleat
✔ /Film
✔ Seth Godin's Blog
✔ Deadspin: Sports News without Access, Favor, or Discretion
✔ Dooce.com
✔ Confessions of a Pioneer Woman
✔ Said the Gramophone
✔ Detention Slip
✔ Bad Astronomy

Eynek blogining köpinche matéryalliri MediaFire de saqlanliq idi. Yéqinqi mezgildin bashlap MediaFire wetende échilmaydighan bolup qaldi. Bu waqtinche ehwalmu, qachan'ghiche sozulidu... bilmeymen. Blogimdiki bügündin burunqi kéreklik matéryallarni chüshürelmey qalsingiz, mundaq hel qiling: 

1. Men bilen biwaste alaqilishing, nersini sizge biwaste bérimen. Email: eynek@live.com or QQ: eynek@qq.com.

2. Tamdin atlap chüshürüng. Buni uqidighanlar qilalaydu, uqmaydighan boldi qiling.

Dostlargha epsizlik élip kelginimge epu soraymen. Buningdin kéyinki matéryallarni bashqa yötkeymen, buningdin ensirmenglar.

Bügündin bashlap Eynek blogining kona yéziq tarmaq blogni Blogbus mulazimitidin bolghan Derya blogidin (http://derya.blogbus.com) Shinjang Uchur Tori Mehellisi (http://wp.78.la/eynek) mulazimitige sinaq derijiside köchürüldi. Kona mezmunlar yene Derya blogida.

Hazirqi kona yéziq blog: http://wp.78.la/eynek

Intérnét qamusi din gep bashlisaq, birinchi bolup kallingizgha kélidighini choqum Wikipedia. U dunya boyiche eng chong tor üsti énsiklopédiye. Uzun yillardin buyan Wikipedia köp qétim hem uzun muddet hökümet tereptin tosulup keldi, turup-turup échilidu, yene turup-turup échilmaydu. Yéqinda Google özining tor üsti qamusini chiqardi, yeni Knol. Knol bilen Wiki ning perqi nede dep sorisanglar, addi qilip jawab bergende: Wiki ilim-penlerni közde tutup kelmekte, Knol bolsa ademni, yeni yazghuchini közde tutup, shular arqiliq uchur tarqatmaqchi. 

1. Knol bilen Wiki ning perqliri:

(1) Namsiz we namliq

1) Wiki ning merkizi yazma mezmunigha qoyghan. Shunglashqa meyli siz kespi yaki kesiptin sirtqi adem bolung, sizning tehringiz bahalanmaydu, teng waqitta adilliq hemde obyéktipliq idiyingizni otturgha qoyushingiz kérek, özingizning shexsen köz qarishingiz qubul qilinmaydu, we yaki 《shexsen idiyisi küchlük》digendek chüshendürüsh bérilidu. Wiki da élan bolmaydu we qoyulushqa bolmaydu.

2) Knol ademni yeni yazghuchini asas qilghan. Herbir tarmaq yazmida yazghuchining kimlikini bileleysiz, shundaqla ularning arxibini köreleysiz. 

Xulasilanghanda, Wiki ning üstidiki yazmilar namsiz bolidu, yazghuchisini uqalmaysiz. Knol da bolsa yazghuchilar éniq.

(2) Yalghuz tehrirlesh we köp adem hemkarlishish

1) Wiki ning üsti mezmularni hemme adem tehrir qilishqa bolidu (bezibir qoghdalghan mezmular namliq bolushtin bashqa), tehrirdin burun hergizmu alahide hoquq testiqlesh ketmeydu. 

2) Knol bolsa, yazma bashlighan adem mezmun tehrirleshke hoquq bérish kérek, tehrirleshke bolidu yaki bolmaydu. Bu pütünley birinchi yazghuchining rayigha baghliq:

Bir mezmunni yalghuz birla adem yazsa, uning mukemmeliki ajiz, obyéktipliqi küchlük bolmaydu. Köp adem hemkerlashsa mezmun tuluq, yaxshiraq bolidu. Lékin köp adem hemkarlashsa til bir yerge kelmeslik, qestendin özgertish digendek awarchiliqqa uchrishi momkin.

(3) Inkas qilish we baha bérish

1) Wiki da mezmunning adilliqini qoghdash üchün, yazmigha baha bérish digendek yéri yoq. 

2) Knol bashqa ademler yazma mezmunigha baha we inkas béreleydu

Baha we inkas yazghuchigha nisbeten bir xil bésim. Heqiqeten adilliq bilen chüshendürüp nerse yazghan bolsingizghu yaxshi. Bolmisa til ahenetke qalisiz.

(4) Élan

1) Wiki da asasliq jehettin élan digen nersini körmeysiz. 

2) Knol da yazghuchi özining yazmisgha élan qoyushqa yol qoyghan:

(5) Kimlik ispatlash

1) Wiki da addi tizimlatsingizla boldi, kimlikingizni ispatlash ketmeydu.

2) Knol da eger siz abroyluq yazghuchi bolmaqchi bolsingiz, yanfon yaki kéredit kart arqiliq özingizni ispatlaysiz (bu peqet bir tallanma basquch).  

(6) Nopuz we abroy mesilisi

1) Wiki ning hazirqi nopuzi we abroyi yuquri, Knol uninggha yetmeydu.

2) Wiki diki mezmun köp ademler teripidin yézilghachqa, adilliqi yuquri, mezmuni mukemmel bolidu.

3) Siz bir dangliq yaki tunulghan kishi bolung, bolmisa sizning yazmingiz Knol diki ishenchisi anche yuquri bolmaydu.

Nimini asas qilghan?

1) Wiki mezmuni, témilarni asas qilghan. 

2) Knol yazghuchini asas qilghan.

Buni ulinishtinla köreleysiz, mesilen: http://knol.google.com/k/uyghur-online/uyghur-online/14ijo4ursnblg/1# ,

Yuqurqi ulanmida méning namimni köreleysiz: uyghur-online. Knol buni alahide közde tutqan.

2. Google Knol ning asasliq alahidiliki

1. Baha we inkas qilishqa bolidu.

2. Élan quyushqa bolidu.

3. Yazghuchini asasliq orungha qoyghan.

4. Mezmun tehrirleshke hoquq bérish-bermesliq roli bar.

Yuqurqi töt alahidiliki bilen nimn kallingizge keldi?

Blog!

Google Knol hésabta bir blog séstimisidur. Hemme adem ilghar bolghan obyéktipliq mezmuni knol gha chiqiralaydu, élan qoyalaydu, inkas qilalaydu... Mana bu bir kespi bilim yighilghan blog séstimisi de! Buni Blogger ning bir özgertmisi dep qarashqa bolidu.

Eng axirda yene tekitleydighinim, bizge nisbeten, yene uyghur torchilirimizge nisbeten, Knol dimu pul tapimiz dep, kelse-kelmes mezmunni yollap, qalaymiqan élan qoyup qilmang. Knol ning tüpki meqsidi yene ilim-pen tarqitish, uchur yetküzüsh, buni éniq biling. Rehmet!

Bir qisim dostlirimiz blog arqiliq jiq pul tapqili bolidu dep oylaydu. Bundaq közqarash xata, dehshet xata! Jonggoda, shundaqla uyghur intérnét sahesige nisbeten éytqanda, bizning blog muhitimiz yaxshi emes, blogning pütün sahede oynighan roli yuquri emes, yene kélip uyghur blogchiliqi asasi jehettin bashqa millet we chet'elning blogliridin terjime qilish, chaplap élip kélish digentek wastiler arqiliq élip bérilmaqta. Bir ilim-pen, ma'arip we bashqa köp jehetlerde bashqilarning arqida qalghan milletke nisbeten, bundaq bolup qalghangha amay yoq... ...Yuqurda digendek, blog muhitimiz yaxshi emes. Shundaq teqdirdimu köpligen dostlirim bloglirigha élan quyush arqiliq azraq pul tépishni oylaydu, köpinchilirimiz Google Adsense élanini qoyghan, uningdin sirt bashqa xil élanlar qoyghanlarmu az emes. Töwende men bir nechche xil blog arqiliq pul tapidighan wastilerni we déqqet qilishqa tigishlik ishlarni misalgha keltürey. Eskertishke tigishlik shuki, men bu jehettiki kespi emes, buning arqiliq dostlargha bu jehettiki asasi bilimlerni yetküküzüp qoyayla dédim. bashlay emse... ...

0. Siz rastinla blog arqiliq pul tapay demsiz?

Buni yaxshi oylaghandin kéyin andin daqamliq oqushni dawamlashturung

1. Pul tépish wastiliri

Nöwette blog arqiliq pul tépishning wastiliri töwendikidek:

1. Élan chikish, mesilen Google Adsense.

2. Malgha baha bérish(软文).

3. Élan namayan qilish, mesilen Alimama(阿里妈妈广告).

4. Herkitingiz boyiche heq tölesh élan (CPA, Cost-per-Action).

5. Feed élani.

6. Ulanma sétish.

7. Tarmaq élani (Affiliate Marketing, 联署广告)

8. Bashqilar, mesilen bolggha qisturma détal qoshush... ...

2. Yuqurqi wastilarning artuqchiliqi we kemchiliki

1. Élan chikish:

Buning artuqchiliq, élan mezmunining blogingiz bilen munasiwetliki yuquri bolidu. Lékin uyghur bloglirigha nisbeten yene bashqiche, qarisam köpligen bloglirimizge türkche, erebche élanlar chiqip ketken, bularning ünümliki yuquri emes. Yene bir kemchili, bahasi yuquri emes. Saxtipeslik qilip özingizning blogini chikiwersingiz, kéyin élan bermeslik nisbiti yuquri.

2. Malgha baha bérish(软文):

Bahasi yuquri bolidu. Blogngizda bir malgha baha bérip eser yazsingiz 50-100 yüen tapalaysiz, belkim uningdin téximu köp. Lékin bundaq blogingiz bilen munasiwetsiz élan xarektiridiki eserlerni bek jiq yéziwetsingiz, oqurmenlerning sani azlap kétish ehtimali bar. Uyghur bloglirida hazirgha qeder bundaq élan ishletkenlerni körüp baqmidim téxi.

3. Élan namayan qilish:

Bundaq élan blogning ziyaret sanigha baghliq. Ziyaret sani jiq bolsa élan bahasimu yuquri bolidu. Lékin bundaq élanlar hazir azlap ketti, chünki saxtipeslik qilidighanlar az emes!

4. Herkitingiz boyiche heq tölesh élan (CPA, Cost-per-Action):

Bu xil élanning bahasi töwen emes. Qisqa muddet ichide ünüm körülmeydu, uni xéli mezgil qoyghandin kéyin andin ünümini körüsiz.

5. Feed élani:

Feed élanimu ziyaret sani, shundaqla mushteri bolush sanigha baghliq. Mesilen Feedsky diki Feed élani 1000 qétim körülse 5 yüen tapalaysiz. Shunglashqa, blogngizning mushteri bolush sani töwen bolsa bu xil wastini ishletmeng. Uyghur blogni yazidighanlar ikki tok-tok, tor chiqidighanliri Google Reader yaki 抓虾 larni ishlitipmu ketmeydu... ...

6. Ulanma sétish:

Blogingizning Page Rank yuquri bolsa, ulanma sétishni oylashsingiz bolidu. Buningda xéli pul tapqanlar barken(bashqilar, biz emes). Lékin xeterlik yéri, Google sizning ulanma sétiwatqanliqini bilip qalsa PR ni 0 ge tengshiwitidu.

7. Tarmaq élani (Affiliate Marketing, 联署广告):

Bu xil élan murekkeprek. Blogngizning oqurmini bu xil élanni chikip, shu tor betlerge kérip tizimlitip digentek bir qatar herketlerni qilghandin kéyin pul tapalaysiz. Maz yéri, bu élan bergen tor betler asasi jehettin wezipe orunlashturidu, orundumaq asan gep emes.

3. Weten ichi we sirti

1. hazirqi weziyet

Wéten ichide élan birleshmisi az emes, lékin ularning élanliri köpinchisi bloggha qiziqmaydu, Feedsky din bashqa qalghanliri anche dangliq emes. Bir chaghalarda 抓虾 blog yazghuchi qubul qilip pul töleshini oylashqan, kéyin umu aqmidi.

Chet'ellerdimu élan birleshmiliri xéli köp,lékin ular Jonggodiki bloglargha anche qiziqmaydu.

2. Pul sélish wastiliri:

Weten ichide élan birleshmiliri 网银 yaki 支付宝 arqiliq pul salidu. Ulargha bijirish heqqi ketmeydu.

Chet'elde bolsa Paypal, buninggha sizning bir xelq'araliq banka numuringiz bolush kérek, yene kilip Paypal arqiliq neq pul élish üchün bijirish heqqi kétidu.

3. Élan mezmuni:

Weten ichide köp élanlarning mezmuni emeliyette bloggha mas kelmigen, mesilen "Doxturxana, 6 sanliq QQ numur..."

Chet'elning élan mezmunliri yaxshi, lékin shunisi ular in'glizche. In'glizchining uyghurlar arisida qollinidighanlar yenila intayin az.

4. Béket süpitike tesir körsitish

1. Élan sani

Élanning sani köp bosila jiq pul tapqili bolidu digen köz qarash xata. Élan sanini kontrol qilish kérek, bolmisa oqurmenlerge tesir körsitidu.

2. Échilish sür'iti

Bu yerdiki sür'et élanning échilish sür'itige qaritilghan. Mesilen, Feedsky ning bezi élanliri bezibir aliy mektep ma'arip torida échilmaydu, buni oylushup qoyung. Yene kélip weten ichide chet'elning bezi élanlirimu échilmaydu. Échilmaydighan élanlar béket süpitige tesir körsitidu.

5. Qutulamay qalmang

Bezi élan birleshmiliri barki, ular pul élish chikini békitken, bu chekke(mesilen 100 yüen) yetmigende pul alalmaysiz. Yéngidin élanni qoyghuningizda anche-munche pul kérip turidu, kéyin pulning ösmiki bek tes, belkim künige nechche pung, yaki bolmisa 0!

Bu chaghda élanni saqlap qilish yaki tashliwitish toghrisida oylinisiz... Tashlay désingiz, ichige azraq pul kirgen; Tashlimay désingiz, pul élish chékige yetküchilik newrimizmu tughulp bolghudek... ...

Mana, bu hésapta sizning qalmaqqa chüshkenlikingizni chüshendürüp béridu. Pulning ösüshi texminen 0 ge teng, yene kélip bashqilarning élanini blogingizde qoyup béring. Qandaq digen gep bu?!

Bu chaghda choqum keskin halda élanni chüshüwéting. Bir derexge ésilip ülep qalmang!

6. Oqurmenliringizni ehwalini biling

Blog élani arqiliq pul tapmaqchi bolghanlar, élanliri choqum qaratmiliqi küchlük bolush kérek. Bundaq qilish arqiliq ziyaret sanini pulgha aylandurush nisibiti yuqurlaydu.

Dimekchimenki, ziyaretchi yeni oqurmenliringizning qandaq ademler ikenlikini biling. Ular qizmu-oghulmu, kespi nime, qanche yashlar etrapida, éyigha qanche pul tapidu, nimige qiziqidu, nelerde turidu?... Digendek.

7. Élanning orni

Élanngig orni hergizmu yazma oqushgha tesir yetmisun, bu intayin muhim. Jonggodiki jiq chüshürüsh béketliri intayin lawziki, ular da'im mundaq ishni qilidu:

Hergizmu mundaq ish qilmayli.

8. Élanning chékish ehwalini bilip turung

Qoyghan élaningizning chikish ehwalini bilip turung. Mulahize élip turung. Mesilen, Google Adsense de, 渠道 birni qurung, shu arqiliq élanning ünümini bileleysiz. Bezi chaghalarda qaysi élanning eng jiq chikilgenlikini bilishngiz kérek.

9.Xulase

Blogda pul tépish anglimaqqa asan, emeliyette intayin tes. Uyghur bloglirigha nisbeten téximu shundaq. Shunglashqa blog yézishtiki pirinsipingiz éniq bolsun, rastinla pul tépish niyitingiz bolsa, yazma mezmuni, blog körünüshi we yuqurda digen bir munche ishlarni oylishingiz kérek, bolmisa waqtingizni israp qilmang. Blog yézishtiki asasliq meqset uchur yetküzüshtur, u uyun-tamasha emes we yaki modigha qoghlushush emes, idiyingiz éniq bolsun.

Eng axirda deydighinim, blog qurghandin kéyin az tola köngül qoyung uninggha. Dostlar, silerge amet!

Google Blogger'ning weten ichide échimaydighan sewebidin, men bu yerge köchüp keldim. Gerche men Blogger'ning mulazimitige intayin razi blosammu, lékin dostlar uni körelmise yene bikar. Blogbus'mu yaman emes, künler yaxshi bolup kéter ^_^ . Silerning yene da'im kelip, Eynek Blog'ni qollishinglarni ümid qilimen!!!

Ishinimenki, köpinche ademler blog qurush üchün Wordpress yaki MovableType ni inshlitishni xalaydu. Emiliyette Drupal mu intayin yaxshi bolghan bir yomshaq détaldur(software).

Ornitishqimu asan, ishlitishimu keng, hetta munber yasilighilimu bolidu, hemde birliship kitab yézishqimu layiq. Maqale éwitishke we tehir qilishqa intayin epchil. Kemchiliki shuqi, uning tallighudek yangzisi azraq.

Amérkining SUN shirkitining "OpenOffice repository for Extensions" Drupal bilen yasalghan, "OpenOffice repository for Extensions"ni chékip körüp beqing.

Bu yerdin kéring: Drupal

Men computer yaki IT kesipini üginidighan adem emes, lékin intayin qiziqimen. Mushteri bolghan dölet ichi we sirtidiki dadir bolghan jüzlighan bloglar bar. Mana men shularni mushu yerde sizler bilen teng behriman bolmaqchimen. Dostlarning yaqturup körüshini ümid qilimen.

Eynek blog toghrisidiki bir nechche déqqet qilishqa tigishlik ish:

1) Yéngi yéziqni qollinishtiki seweb: birinchidin, kona yeziq bilen intérnétte(internet) yashimaq bek awarchiliq. Ikkinchidin, men özamni élip éytqanda, yéngi yéziq qollashni bir qeder yaxshi körimen. Hazirqi zamangha xas, tereqqiyatqimu xas. Kona yéziqni mening "BOX"rimdin chüshürwalsingiz bolidu.

2) Mezmun jehettin, Köprek intérnét(Internet), yomshaq détal(Software), ingilizche(English), Blog... dégentek mezmunlar bilen. Elwette yene bashqa mezmunmu bar, muzika, kino dégentek :).

Qéni emse, merhemet!!!!!