EYNEK BLOG

Shiwitsiye 2011/2012 9-aydin bashlap EU (Yawrupa Ittipaqi) din sirtqi oqughuchilardin oqush puli telep qilish momkin.

Shiwitsiyening oqush puli alidighan mish-mish gepler axiri rastqa aylinidighan oxshaydu. Bu pikirini otturgha qoyghangha xéli uzun boldi, shu mezgilde buni resmiy parlaméntta bélet tashlaydighan bir'az waqit we resmiyet kérek. Mana emdi bu mesile resmi muzakire we bélet tashlaydighangha parlamént qoshuldi! Bu teklip parlaménttin ötsila oqush puli alimiz dégen gep. Oqush heqqi her yiligha 7-80000kr, yeni 70000 xelq puli etrapida. Herqaysi mektep öz ehwaligha asasen muqim baha békitidu. Uzungha qalmay bu teklipning netijisi chiqidu.

Hazir textidiki partiye EU (Yawrupa Ittipaqi) din sirtqi oqughuchilardin 2011/2012 9-aydin bashlap oqush heqqi élishni otturgha qoydi. Bundaq qélishning meqset, Shiwitsiyening dunyadiki maarip riqapitini köcheytmekchi. Yéqinqi yillardin buyan chet'ellik oqughuchilarning sani uchqandek köpeymekte, 2008/09 mewsümliride chet'ellik oqughuchilarning sani 36000 ge yetken. Ilgirdin hazighichilik bu oqughuchilarning oqush pulini xelqning béjidin chiqarghan.

Gepni biz Uyghurlargha burutay emdi. 2010-yili 9-ay oqush iltimas qilidighan waqit asasi jehettin ötüp ketti. 2011 etiyazliq kesiplerge iltimas qilidighangha yene purset bar. Mubada parlaménttin rastla qoshulup qalsa, 2011-yili 9-aydin burun kelgenler yene heqsiz oquwéridu, uningdin kéyin kelgenlerge oqush puli telep qilidu. Shunglashqa waqitni ching tutup iltimas qiliwéling! Iltimas qilmisingizmu bu xewerni körgendin kéyin shexsiyetchilik qilmay, aliyjanap rohingiz bilem etrapingizdiki qérindashliringizgha, sawaqdashliringizgha, dostliringizgha uqturup qoyarsiz.

Chet'ellik oqughuchilargha nisbeten Shiwitsiyege iltimas qilidighan kesipler asasi jehettin magistirliq we Ph.D kesipler. Ph.D (dokturluq kesipler) lerge éyigha 10000-15000 kr etrapida maash bar. Shiwitsiyede hazir kesip we deris tallash bir yürüsh bu tor békettin béjirilidu:
https://www.studera.nu/studera/1374.html
Horunluq qilmay bu tor béketni yaxshiraq tetqiq qiling. Hemme mektep we kesipni, shundaqla teyyarliqqa kérek matéryallarni shu yerdin tapalaysiz. Uningdin sirt burunqi yazmamnimu körüp qoyung, köp paydisi bar:
logs/15015939.html

Xudayimgha amanet emse!