ئۇيغۇرلاردا تېخى بىر-بىرسىنىڭ ئارتۇقچىلىقىنى كۆرۈپ قايىل بولىدىغان،ئۈزۈپ چىققان ئادەملىرىنى قوللايدىغان،يۆلەيدىغان،ياكى سىز ئيېتقاندەك قايىل بولمىغان ئىشلىرىدا بىر-بىرسىنى يۈرەكلىك ھالدا مۇنازىرىگە چاقىرالايدىغان(ئەگەر چاقىرىپ قالغان تەغدىردىمۇ بۇ مۇنازىرىنىڭ ئاخىرى ئۇرۇش-جىدەلگە ئايلىنىپ كېتىشى مۇمكىن)،مىللەت تەغدىرى ئۈستىدىكى ئىشلارغا ياكى ئۆزى دۇچ كەلگەن تەنقىدلەر ئۈستىدە تەنتەكلىك بىلەن ئەمەس سوەۇققانلىق بىلەن ئويلىنىش ئىلىپ بارالايدىغان،قىزىققانلىق قىلماي تۇرۇپ ئۆزىگە پايدىلىق تەرەپكىلا ئەمەس بەلكى مىللەتكە پايدىلىق تەرەپكە يان باسالايدىغان روھ تېخى يېتىلمىدى(بۇ جەھەتتە قازاق قېرىنداشلىرىمىزدىن ئازراق ئۈگەنسەك بولاتتى).....يالقۇن روزى ئەپەندىنىڭ ئۆز ۋاقتىدا مەرھۇم ئابدۇشۈكۇر مۇھەممەتئېمىن ئەپەندى ۋاپات بولغاندا  ئۇ كىشىنى ماختايمەن دەپ قەلبىنى توغرا ئىپادىلىمەي،مەن تېخى كىچىك،بىلمىگەن تەرەپلىرىم نۇرغۇن،بۇلار مېنىڭ ئۇستازلىرىم،ئۆگىنىشكە تېگىشلىك ئىشلارنى ئۈگىنىپ،شاللاشقا تىگىشلىك تەرەپلىرىنى شاللىۋېتەي دەپ ئويلىماستىن  نۇرغۇن ھۆرمەتكەسازاۋەر پىشقەدەم مەشھۇر ئەدىبلىرىمىزگە مۇشت ئېتىپ نۇرغۇن كۆڭۈلسىزلىك تېرىغىنى تېخى ئېسىمدە،ئۇ ئەدىپلەرنىڭ ئىش چوڭىيىپ كەتمىسۇن،خەلققە سەلبىي تەسىر بېرىپ قويمايلى دەپ مەتبۇئات يۈزىدە ئوچۇق بىر نەرسە ئېلان قىلمىغان بىلەن قاتتىق رەنجىشكەنلىرىنى رەھمەتلىك بوۋامدىن ئاڭلىغانىدىم......بىزدە يەنە شۇ روھ كەمكى ئازراق نەتىجىمىز بىلەن قانائەتلىنىپ قالىمىز،جاھاندا مەن بىر ئوخشايمەن دەپ ئۆزىمىزنى بىلەلمەي كېرىلىپ كېتىمىز،شۇڭا بىرسى ئۆزىمىزدىن سەپ ئېشىپ كەتسىلا بۇ زەربىنى كۆتۇرەلمەي ئوڭ-تەتۈر جۆيلۈپ ئۇنى غاجىلىغىلى تۇرىمىز،بۇ خىل ھادىسە ھەممە ساھەدە ئورتاق مەۋجۈت بولسىمۇ ،ئەدەبىيات ساھەسىدە تېخىمۇ ئېنىق گەۋدىلەنگەن،( ئاز سەندىكى ئوبرۇز-تەنقىدچىلەرنىڭ توغرا باھاسىدىن باشقا)،قان -قېنىمىزغا سىڭىپ كەتكەن مەنمەنلىك،كۆرەلمەسلىك ،ھەسەت ئىدىيىسىنى تۈپ يىلتىزدىن ساقايتقاندىلا ئاندىن بۇ خىل مىللەتنىڭ تەرققىياتىغا پايدىسىز ئامىللارنى قۇرۇتىۋېتەلەيمىز،بۇنىڭ ئۈچۇن بىزدە يېتەرلىك بىلىم،ساپا بولسىلا كۇپايە قىلمايدۇ،بەلكىم شۇنداق تۇيغۇ،روھ،ئاڭ بولۇشى كېرەك،  بىزدە بۇ خىل روھ بالا قورساقتىكى چاغدىكى تەربىيەدىن باشلاپ كېلىدۇ،«بالام ماۋۇ قاچىدىكى تاماقنى يەۋەتكىن،بولمىسا دوستۇڭ سەندىن تىز يەپ بولىدۇ »ياكى« يەۋەتمىسەڭ ئاچاڭ يەۋالىدۇجۇمۇ»دىگەن ۋاقىتتن باشلاپلا بىزدە قىزغىنىش،چىدىماسلىق ئىدىيىسى باش كۆتۇرۈشكە باشلايدۇ،شۇڭا ئالدى بىلەن ئائىلە تەربىيىسى،ئەخلاق تەربىيىسى بىزدىكى ئىللەتلەر ئۈچۈن ئەڭ مۇھىم دورا....تىمىدىن چەتنەپ كېتىپ قالدىم كەچۇرۇڭلار.....

ئۆلىك سۇدەك ۋە ئەركىن پىكىر بولمىغان ئۇيغۇر ئەدىبىياتىنى ئوپىراتسىيە قىلىدىغان پىچاق لازىم .....لازىم......لازىم....

ئىسل  ماقالىكەن...
  ئۇيغۇر تورچىلىقى......نىمە ئۇچۇن؟
  مىنىڭچە مەنپەتدىن ئۆزگە مەخسەت بولمىسا كىرەك..
  بولمىسا..؟
   

25-قەۋەتتىكى
ئۇيۇش ،  سىز جۇڭگۇ پۇقراسى ئىكەنلىكىڭىزنى ، كىملىكىڭىزدىكى ئىسمىڭىزنىڭ پىنيىنىغا ئىگە بولۇش ھوقوقى سىزدە يوقلۇقىنى ئۇنتۇپ قالغاندەك قىلىسىز.  مەن زۇلپىقار مۇئەللىم ئۈرۈمچىدىكى چېغىدا  بۇ مەسىلىنى سورىغان ئىدىم. ئىسىڭىزدە بولسۇن ، 1- ئېلخەت ئادرېسى فورد مۇكاپات ئىشخانىسنىڭ  كىملىكتىكى ئىسىم بىلەن بىردەك بولۇش تەلىپى بويىچە ، 2-ئېلخەت ئادرېسى ھاۋاي ئۇنۋېرسىتىتىنىڭ پاسپورتتىكى فامىلىنى ئاساس قىلىش پىرىنسىپى بويىچە ئىلتىماس قىلىنغان. چەتئەلدە ئوقۇۋاتقانلارنىڭ كۆڭلىنى غەش قىلىدىغان پاسپورتتىكى ئىسمىغا  ئىگە بولالماسلىق ھادىسىسى زۇلپىقار مۇئەللىمنىمۇ بىئارام قىلمايدۇ دەپ ئويلامسىز؟  ئىنكاسىڭىز مەسلىنى كەڭ ئىجتىمائىي ئارقا كۆرۈنۈشكە باغلاپ تەھلىل قىلالمايدىغانلىقىمىزنىڭ  ئەمىلىي ئىسپاتى بولۇپ قاپتۇ...

نېمىدىگەن ئىسىل يازما بۇ.

ئۇيغۇر تورچىلىقىدا ساقلىنىۋاتقان مەسىلىلەر ھەققىدە  يوللانغان بۇ يازما ، تورغا كىرگۈچى ھەر بىر كىشىگە << سىگنال >> بولغۇسى .
<< ئىزدىنىش >> ، << سۇمرۇغ >> دىمۇ بۇ يازما يوللانغان بولۇپ ، ئوتتۇرىغا قويۇلغان  پىكىر  ئىنكاسلار كىشىنى ئويلاندۇرىدۇ .

    ئىنسان كىشىلىك تۇرمۇشتا نۇرغۇن ئوڭشسىزلىققا يولۇقۇپ تۇرىدۇ، دانىشمەن كىشىلىرىمىز بۇنىڭ سەۋەبلىرىنى تەپەككۇر دۇردانىلى بىلەن ئىپادىلەپ، كىشىلەرنى كەڭ قوساق، سەۋرىچان، قەيسەر ، چىقىشقاق، باشقىلارغا ياردەم بېرىشىنى خوشاللىق دەپ بىلشكە ئۈندەپ كەلدى ۋە كەلمەكتە. ئىنسان ئۈچۈن ئۆزىنى بىلىش ئەڭ قىممەتلىك، ھازىرقى شارائىتىمىزدا ئەل قەلبىدىن ئۆز ئەجرىگە يارىشا ئورۇن ئېلىپ كېلىۋاتقان ياش  زىيالىلىرىمىزغا  ئۈمىد بىلەن قارايلى، چۈنكى ئىنسان ئۈچۈن ئەڭ قىممەتلىك بولغىنى ھايات......

ئۇيغۇر ئەدەبىياتى يالقۇن روزىدەك <دوختۇر> لارغا مۇھتاج . ھەرقانداق بىر ئەدىپتە تەنقىتكە بەرداشلىق بىرەلەيدىغان  ۋە قوبۇل قىلالايدىغان پىسخىك تەييارلىق بولىشى كىرەك . ئەدىپلىرىمىز  ئەسەرلىرىنى تەنقىت قىلغان ئوبزورچىلارنى رەقىبى قاتارىدا كۆرۈش  پەقەت ئۆزىنىڭ پىسخىك ساپاسىنىڭ تۆۋەنلىگىنى  ۋە ئەدىپلەر ھازىرلاشقا تىگىشلىك  < چەكسىز قەلىب  بوشلۇقى بولۇش> تىن تېخى يىراق ئىكەنلىگىنى بىلدۈرىدۇ . پەقەت ئاجىز ئىنسانلارلا  دائىم باشقىلارنىڭ مەختىشىغا مۇھتاج بولۇپ ياشايدۇ.

رەخمەت ظەجرىثىزگە!
كۆپ جاپا تاتىپسىز

سالام سىزگە زۇلپىقار :
ئالدى بىلەن ئەزىز تېنىڭىزگە ئامانلىق تىلەيمەن .
يازمىڭىزنى تولۇق كۆرۈپ چىقتىم ئۇيغۇر توربەتلىرىنىڭ ھازىرقى ئەھۋالىغا ناھايىتى ياخشى دىئاگىنوز قويۇپسىز . بارىكاللا سىزگە . مەتبۇئاتلاردىكى يازمىلىرىڭىزغا دېققەت كىلىپ كىلىۋاتقان ئىدىم . بۈگۈن دىيارىم تورىدىكى بۇ يازمىڭىزنى كۆرۈپ سىزگە قايتىدىن باھا بېرىپ ئولتۇرۇپتىمەن .
ئامرىكىدىكى ئوقۇشىڭىزنىڭ مۇۋەپىقىيەتلىك بولۇشىنى ئۈمىد قىلىمەن . سىز بىزگە كېرەكلىك ئۇيغۇرلارنىڭ بېرى . سىزدىن يېقىن كەلگۈسىدە چوڭ نەتىجە چىقىشىغا كۆزۈم يەتتى .  ئىسىل يازمىلىرىڭىزنىڭ دىيارىمدىن ئۈزۈلۈپ قالماسلىقىنى ئۈمىد قىلىمەن .

Quote:

بۇ مەزمون 37 - قەۋەتتىكى mustabit نىڭ 2007-12-23 00:21 دە يوللىغان يازمىسى“”:
ئۇيغۇر ئەدەبىياتى يالقۇن روزىدەك <دوختۇر> لارغا مۇھتاج . ھەرقانداق بىر ئەدىپتە تەنقىتكە بەرداشلىق بىرەلەيدىغان  ۋە قوبۇل قىلالايدىغان پىسخىك تەييارلىق بولىشى كىرەك . ئەدىپلىرىمىز  ئەسەرلىرىنى تەنقىت قىلغان ئوبزورچىلارنى رەقىبى قاتارىدا كۆرۈش  پەقەت ئۆزىنىڭ پىسخىك ساپاسىنىڭ تۆۋەنلىگىنى  ۋە ئەدىپلەر ھازىرلاشقا تىگىشلىك  < چەكسىز قەلىب  بوشلۇقى بولۇش> تىن تېخى يىراق ئىكەنلىگىنى بىلدۈرىدۇ . پەقەت ئاجىز ئىنسانلارلا  دائىم باشقىلارنىڭ مەختىشىغا مۇھتاج بولۇپ ياشايدۇ.

مەن ئۇنداق قارىمايمەن،توختىماي باشقىلارنى تەنقىتلەشمۇ ياخشى ئىش ئەمەس،يالقۇن روزىنىڭ تەنقىتلىمىگەن ئەسىرى يوقمىكىن دەيمەن

زۇلپڭقار ئەپەندىمنىڭ بۇ  يازمىسىنى كېچىكىپ كورگنىمدىن ئەپسۇسلاندىم.ئۇيغۇر تور بەتلىرى چېچىلاڭغۇ پكىرلەرنى بىر يەرگە يىغىش ئۈچۈن كۈچ چىقىرىۈاتىدۇ. بىزنىڭ ھازىرقى ئەھۋالىمىز بەزى روھى چۇشكۇن،ئۈمۈتسىز ئازغۇنلارغا ئۇيغۇرلار تۈگەشكەندەك تەسىر بېرىۋاتىدۇ بۇنىڭ ئىپادىلىرى يالغۇز تور يۈزىدىلا ئەمەس جەمىيەتتىكى ھەر ساھە ھەر قاتلاملىرىدا ،ھەرخىل شەكىللەردە ئىپادىلۋاتىدۇ.<ئۇيغۇر تۈگەشمىدى،ھەم تۈگەشمەيدۇ>تۇگىشىدىغانلار تىرىشمىغان،روھى ئاجىز،چۈشكۈن،ئاشۇ بىر توپ كڭشىلەردۇر.

كىشىنى ئويلاندۇردىغان ياخشى تېما بوپتۇ،رەھمەت.

   بۇ ناھايتى ياخشى تىما بولۇپتۇ.لىكىن ئىشلارنىڭ ئاستا -ئاستا ياخشىلىنىپ كىتىدىغانلىقىغا ئىشنىمەن.

ئەسسالامۇ ئەلەيكۇم پەرھات تۇرسۇن ئاكا!
ئۇزاقتىن بىرى سىلى بىلەن بىر پىكىرلىشىشى ئويۇم بار ئىدى.قارىسام مۇنبەردىن سىىلنىڭ سايىللىرىنى ئۇچرىتىپ قالدىم.سىلى بىلەن قانداق ئالاقىلاشقىلى بولىدۇ.سىلىدىن سورايدىغان بىر قىسىم سۇئاللار بار ئىدى.پىكىرلىشىشكە پۇرسەت بولارمۇ؟
                                ئىنىللىىرى:
                                             ئابدۇلمۇتەللىپ تۇراق قوزى

Quote:

بۇ مەزمون 33 - قەۋەتتىكى olmez نىڭ 2007-12-22 21:58 دە يوللىغان يازمىسى“”:
25-قەۋەتتىكى
ئۇيۇش ،  سىز جۇڭگۇ پۇقراسى ئىكەنلىكىڭىزنى ، كىملىكىڭىزدىكى ئىسمىڭىزنىڭ پىنيىنىغا ئىگە بولۇش ھوقوقى سىزدە يوقلۇقىنى ئۇنتۇپ قالغاندەك قىلىسىز.  مەن زۇلپىقار مۇئەللىم ئۈرۈمچىدىكى چېغىدا  بۇ مەسىلىنى سورىغان ئىدىم. ئىسىڭىزدە بولسۇن ، 1- ئېلخەت ئادرېسى فورد مۇكاپات ئىشخانىسنىڭ  كىملىكتىكى ئىسىم بىلەن بىردەك بولۇش تەلىپى بويىچە ، 2-ئېلخەت ئادرېسى ھاۋاي ئۇنۋېرسىتىتىنىڭ پاسپورتتىكى فامىلىنى ئاساس قىلىش پىرىنسىپى بويىچە ئىلتىماس قىلىنغان. چەتئەلدە ئوقۇۋاتقانلارنىڭ كۆڭلىنى غەش قىلىدىغان پاسپورتتىكى ئىسمىغا  ئىگە بولالماسلىق ھادىسىسى زۇلپىقار مۇئەللىمنىمۇ بىئارام قىلمايدۇ دەپ ئويلامسىز؟  ئىنكاسىڭىز مەسلىنى كەڭ ئىجتىمائىي ئارقا كۆرۈنۈشكە باغلاپ تەھلىل قىلالمايدىغانلىقىمىزنىڭ  ئەمىلىي ئىسپاتى بولۇپ قاپتۇ...

=======
ئەپەندى. شۇلارنى بىلگەن ئۇستىڭىز ئالدى بىلەن ئېنىقلىما بېرىۋەتمەپتۇ. بىرى خاتالىقنى كۆرسىتىپ بەرسە، سىتالىندەك غىڭشىسىڭىز  ئادەمنىڭ ئىشى ئەمەس ئۇ!

ھۆرمەتلىك زۇلپىقا مۇئەللىم ، شۇنچە ئالدىراش تۇرۇپمۇ ۋاقىت چىقىرىپ بۇ ماقالىنى ئەۋەتكەنلىكىڭىزگە چىن كۆڭلۇمدىن رەھمەت ئېيتىمەن. ئالتۇن بويىڭىز ئامان بولسۇن.

ھەممە گەپ شۇ باشقۇرغۇچىلارنىڭ ساپاسىدا ...

Quote:

بۇ مەزمون 46 - قەۋەتتىكى Janipa نىڭ 2007-12-27 00:20 دە يوللىغان يازمىسى“”:
ھەممە گەپ شۇ باشقۇرغۇچىلارنىڭ ساپاسىدا ...

دىيارىمدىكى بەزى باشقۇرغۇچىلارنىڭ ساپاسىدىن ئەنسىرەپ قىلىۋاتىمەن.

زۇلپىقار بارات ئەپەندىگە كوپ رەخمەت.گەپنى يەنىلا بىلىملىكلىرىمىز قىلسۇن!مەن بىزنىڭ يازغۇچىلىرىمىز بىلەن ئەرتسلىرىمىزنىڭ ناھايىتى تار قوساق ئىكەنلىگىنى ھىس قىلغانمەن.ئۇلار بىر-بىرسىنى ياراتمايدۇ.مەدىنىيەت تارقاتقۇچىلىرىمىزدا ئۈملۇك بولمىسا،ئادەتتىكى  كىشىلىرىمىزدىن نىمە ئاغرنىش؟

ئەسسالامۇ ئەلەيكۇم ئوز باش ئەپەندى سەمىمى رەخمىتىمنى قوبۇل قىلغاايسىز!  ئەسىرىڭىزنى توردا  يوللاپ ياخشى قىپسىز .گەرچە جەمئىيەتشۇناسلىق يىڭى ئۇقۇم بولمىسىمۇ  بىزلەرگە نىسبەتەن بەك كونا ئۇقۇممۇ ئەمەس.سىزنىڭ بۇندىن كىيىن ئۇيغۇر جەمئىيىتى توغرىسىدا تىخىمۇ كوپ ئەمەلىي تەكشۈرىشلەرنى ئېلىپ بېرىپ ،بۇ جەھەتتىكى مۇلاھىزىلىرىڭىزنى بىزگە ،ئاۋامغا يەتكۈزىپ تۇرىشىڭىزنى ئۈمىت قىلىمەن .ئەسىرىڭىزنى بىر خىل ماھىللىق بىلەن تولۇق ئوقۇپ چىقتىم .يول ماڭغاندا كورسەتكغچ بولمىسا ئىزىپ قالغانغا ئوخشاش ،جەمئىيەتتە توغرا يول كورسىتىپ بىرىدىغانلار بولمىسا ، ئېتىقاتتا ،تىڭىرقاش بولىدۇ ،ئەلۋەتتە. مۇنداقچە ئېيتقاندا بىزگە (  سەركە ) كېرەك .بۇ سەركە بىزنى  خۇشخانىغا باشلامدۇ ياكى يايلاققىمۇ ؟ بۇنى ياخشىسى ئاقىل جەمئىيەتشۇناسلىرىمىز كورسىتىپ بەرسۇن.

چوڭقۇر ئويغا سالدىغان تېما ئىكەن!

ياخشى جايىدا ئۇيغۇر تورچىلىقىغا باھا بېرىپسىز . مېنىڭچە ھەر بىر دىيارىم مۇنبىرىگە كىرگەن تورداشنىڭ بۇ تېمىنى كۆرۈپ ئويلىنىپ كۆرسە بولغىدەك .

          [بىر مۇنبەر‏-بىر مەكتەب. ئۇيغۇر ئالدىدىكى تەربىيلەش بۇرچىنى ئۇنتۇپ قالغان مۇنبەرلەر      ھامان ئۆزىنىڭ زاۋاللىق تەقدىرىنى كۈتىۋالىدۇ.]
،،،،،،تېما ئىگىسىگە كۆپ رەھمەت،،،،مۇشۇنداق كاتتا ئىشلارمۇ بۇلىدىكەن،،،،ئىشلىرىڭلارغا ئۇتۇق تىلەيمەن،،،

بەكمۇ ئېسىل تېمىدىن بىرنى يوللاپسىز

ھۆرمەتلىك زۇلپىقار بارات ئۆزباش ئەپەندى ، سىزنىڭ  مۇنبەر ئەھلىگە ئەھمىيەتلىك بىر تېما يوللىغانلىقىڭىزغا كۆپ رەھمەت ئېيتىمەن . ماقالىنى تولۇق كۆرۈپ چىقتىم ھەم ئىككى كەلىمە ئىنكاس يېزىپ قويۇشنى ۋىجدانىي مەسئۇلىيتىم دەپ بىلدىم . سىزنىڭ نۆۋەتتىكى ئۇيغۇر تور بەتچىلىكى ھەققىدىكى نۇرغۇن قاراشلىرىڭىزغا مەن تامامەن قوشۇلىمەن ، ئەمما يالقۇن روزىدەك بىر سۇخەنچىنى ئابدۇقادىر جالالىدىن ، ئەسەت سۇلايمەندەك ئۇلۇغ ئادەملىرىمىز بىلەن بىر قاتاردا قويۇپ تىلغا ئالغانلىقىڭىزغا مەن قەتئىي قوشۇلمايمەن  . مېنىڭچە يالقۇن روزىنىڭ ئابدۇقادىر جالالىدىن ، ئەسەت سۇلايمانلار بىلەن بىر قاتارغا تىزىلىشىغا ، بۇ ئادەمنىڭ  مەيلى  بىلىم قۇرۇلمىسى جەھەتتىن بولسۇن ، ياكى ئەخلاقىي پەزىلىتى جەھەتتىن بولسۇن ، قەتئىي شەرتى توشمايدۇ . قارىغاندا سىز بۇ ئادەمگە ئالدىراپلا باھا بېرىپ قويغاندەك قىلىسىز . ئۇنىڭ ھەقىقىي ئەپتى بەشىرسىنى بىلمەيدىغانلار ئۇنى يەنىلا  سىزدەك « قەھرىمان » ھېسابلاپ يۇرىۋاتىدۇ ، سىزمۇ ئۆز تېمىڭىزدا  باشقىلرغا ئالدىراپ باھا بەرمەسلىكنى تەشەببۇس قىلىپسىز-يۇ ، يالقۇن روزىنى تولۇق چۈشەنمەيلا ، ئۇنى ئابدۇقادىر جالالىدىن ، ئەسەت سۇلايمانلار بىلەن بىر قاتارغا تىزىپسىز .  توغرا ، يالقۇن روزى سىز دېگەندەك بىر قىسىم يامان ئەمەس ماقالىلارنى يازدى ، ئەمما ، بۇ ئادەمنىڭ يازمىلىرىدا باشقىلارنىڭ قىلدەك سەۋەنلىكىنى پىلدەك كۆرسىتىپ ، ئۇلارنىڭ يېغىرىنى تاتلايدىغان ، ئۆزىدىن بىلىملىك ھەم پىشقان ئەدىپلەرگە ئاسساسىز ھوجۇم قىلىدىغان ،  ساختا شۆھرەت ۋە نام چىقىرىش كويىدا ھەرقانداق رەزىللىك ۋە پەسكەشلىكتىن يانمايدىغان ، خۇددى  يازمىڭىزدا  دېگەندەك « مازارلىققا چالما ئېتىپ ، شەيىخ بولۇش » تەك  ئىللەت بەك ئېغىر . مەن بۇ ئادەم بىلەن ئۇزۇن يىل ئارلاشقاچقا  ھەم  باردى - كەلدى قىلىشقاچقا ،  بۇ ئادەمنى  بەك ئوبدان چۈشىنىپ كەتكەن  .  بۇ يەردە مەن بىر - بىرلەپ مىسال كەلتۈرۈپ ئولتۇرمىساممۇ ، ئەقىللىق تورداشلرىمىز ۋە  سىزدەك بىر زىيالىي بۇنى تولۇق چۈشىنىپ كېتەلەيدۇ ، دەپ ئويلايمەن .
يەنە بىر گەپ : گەپنى ئۇدۇللا دەي ،  سىزنىڭ e-mail  ئادرېسىڭىز دا ئىشلەتكەن ئىسىم -فامىلە ماڭا ياقمىدى ، مەيلى سىز بۇنى پاسپورت بويىچە شۇنداق ئېلىنىپ قالغان ، دەپ چۈشەنچە بەرسىڭىزمۇ  بۇ سىزنىڭ سالاھىتىڭىز ھەم ئابرويىڭىزغا ماس كەلمەپتۇ . پاسپورت سەۋەبلىك  ۋە ford ئوقۇش مۇكاپات جەمئىيىتنىڭ ئورۇنلاشتۇرۇشىدىن بولغان بولسا ، بۇ  e-mail ئادرېسنى  شۇلار بىلەن ئالاقە قىلغاندا ئىشلىتىڭ . ئەمما يۇرتتىكى ئۇيغۇرلار بىلەن ئالاقىلىشىشىقا ئەڭ ياخشىسى ئۇيغۇرچە ئىسىم قوللىنىڭ .
خەير ، تېنىڭىزگە سالامەتلىك ، ئوقۇشىڭىزغا ئۇتۇق تىلەيمەن !       

ھۆرمەتلىك تورداشلار ،يۇقىدىكى ئالتۇندەك گەپلەردىن شۇنى ھېس قىلدىمكى بىزگە يالقۇن رۇزى، ئابدۇقادىر جالالىدىن دەك زىيالىيلىرىمىزدىن ھازىرقى ۋاقىتتا نەچە ئون مىڭلااپ كېرەك ئىدى. .... ئەپسۇس، ئارمان بار ، دەرمان يوق بولاۋاتىدۇ، ئاللا تىلىگىمىزنى ئىجازەت قىلغاي. ھەدىس كىتاپلاردا شۇنداق دېيىلگەن:<<سەن مەككە-مەدىنىدە ئاللاغا تاۋاپ قىلىپ ئولتۇرغان ۋاقتىڭدا كۇپارلار ساڭا قەس قىلماقچى بولسا، قەلبىڭنى ئاللاغا تاپشۇرۇپ ھەركىتىڭ دۈشمىنىڭدە بولسۇن!>> ئىنسان ئۈچۈن ئەڭ قىممەتلىك بولغىنى ئۆزىنى بىش بولسا كېرەك.......

زۇلپىقار بارات ئاقسۇ ۋىلايىتىنىڭ ئۇچتۇرپان ناھىيسىدە تۇغۇلغان

مەن يوللىغان نەرسىلەر قىنى

ئۇيغۇر تورچىلىقىغا باھا بېرىشنىڭ ئۆلچىمى نىمە؟
ئۇيغۇر تورچىلىقىغا باھا بېرىش پەقەت مۇنبەر بىلەنلا چەكلىنەمدۇ؟
ئوخشىمىغان نۇقتا، ئوخشىمىغان كەسىپ، ئوخشىمىغان پىكىرلەر بىلەن ئۇيغۇر تورچىلىقىغا باھا بېرىش كېرەكمۇ يوق؟

yfHxh