يوللانغان ۋاقتى : 2008-01-22 11:41:52    كۆرۈلۈش سانى : 184  

شىنجاڭ مائارىپى ژۇرنىلى    شىنجاڭ ئۇيغۇر ئاپتونوم رايونلۇق مائارىپ نازارىتىنىڭ ئورگان ژۇرنىلى. 1951 - يىلى 10 - ئايدا دۇنياغا كەلگەن. بۇ ژۇرنال خەنزۇچە، ئۇيغۇرچە، قازاقچە ئۈچ خىل يېزىقتا نەشىر قىلىنىپ، پۈتۈن مەملىكەتكە ئاشكارا تارقىتىلىدىغان ئونىۋېرسال ئايلىق ژۇرنال. بۇ ژۇرنالنىڭ ئاساسلىق ئوقۇرمەنلىرى ئوتتۇرا - باشلانغۇچ مەكتەپ ئوقۇتقۇچىلىرى، ئوقۇتۇش تەتقىقاتچى خادىملىرى، مائارىپ مەمۇرىي كادىرلىرى، بالىلار باغچىسى ئوقۇتقۇچىلىرى، شۇنداقلا پېداگوگىكا مەكتەپلەرنىڭ ئوقۇتقۇچى، ئوقۇغۇچىلىرى ھېسابلىنىدو. بۇ ژۇرنالنىڭ ئاساسىي ۋەزىپىسى: دېڭ شياۋپىڭنىڭ ئۈچكە يۈزلىنىش ئىدىيىسىنىڭ يېتەكچىلىكىدە پارتىيىنىڭ مائارىپ فاڭجېن، سىياسەتلىرىنى تەشۋىق قىلىش، ئوقۇتۇش ۋە مائارىپ ئىسلاھاتى تەجرىبىلىرىنى تارقىتىش، مائارىپ نەزەرىيىسى، ئوقۇتۇش ۋە مائارىپ ئىسلاھاى تەجرىبىلىرىنى تارقىتىش، مائارىپ نەزەرىيىسى، ئوقۇتۇش ئۇسۇلىنى تەتقىق قىلىش؛ بىلىم ئاشۇرۇش ماتېرىياللىرى بىلەن تەمىنلەش، كەسپىي خىزمەتلەرگە يېتەكچىلىك قىلىش؛ ئىلغارلارنى زور كۈچ بىلەن تەقدىرلەش، ئۆزىنى بېغىشلاش روھىنى تەرغىپ قىلىش؛ ھەرمىللەت ئوقۇتقۇچىلىرى ۋە مائارىپ خىزمەتچىلىرىنىڭ ئارزۇسى ۋە تەلەپلىرىنى ئەكس ئەتتۈرۈشتىن ئىبارەت. بۇ ژۇرنالدا ساپا مائارىپى، مەكتەپ باشقۇرۇش، مەكتەپ مۇدىرلىرى مۇنبىرى، ۋىلايەت ناھىيەلەر مائارىپى، سىنىپ مۇدىرى، باغۋەنلەرگە مەدھىيە، مائارىپ ئىسلاھات تەجرىبىلىرى، ئوتتۇرا مەكتەپ ئوقۇتۇشى، باشلانغۇچ مەكتەپ ئوقۇتۇشى، كەسپىي مائارىپ، بالىلار مائارىپى، ئۇچۇر مەيدانى قاتارلىق سەھىپلەر تەسىس قىلىنغا. ئۇيغۇرچە نەشرى ۋە خەنزۇچە نەشرى ھەر ئىككىسىلا شىنجاڭ ئىجتىمائىي پەنلەر تۈرىدىكى 1 - دەرىجىلىك ژۇرنال بولۇپ باھالانغان. شىنجاڭ مائارىپ 16 فورماتلىق بولۇپ، خەنزۇچە، ئۇيغۇرچە، قازاقچە نەشرىنىڭ دۆلەت ئىچىدىكى بىر تۇتاش ژۇرنال نومۇرى ئايرىم - ئايرىم ھالدا CN65-1016/G4, CN65-1026/G4, CN65-15/G4 پوچتا ئارقىلىق تارقىتىلىدىغان ۋاكالەت نومۇرى ئايرىم - ئايرىم ھالدا 27 - 58، 5 - 58، 48 - 58، ھازىر بۇ ژۇرنالدا جەمئىي 25 نەپەر خىزمەتچى خادىم بار بولۇپ، ئۇنىڭ ئىچىدە ئالىي مۇھەررىر بىر نەپەر، مۇئاۋىن ئالىي مۇھەررىر يەتتە نەپەر، مۇھەررىر سەككىز نەپەر، مۇخبىر بىر نەپەر، ياردەمچى مۇھەررىر ئىككى نەپەر.