گۈزەل كۈنەس
يوللانغان ۋاقتى : 2009-06-21 16:46:46 كۆرۈلۈش سانى : 278
كصچصك |
نورمال |
چوڭ |
|
$a=array("#FF0000","#0000FF","#FF00FF","#006600","#660033");
for($i=0;$i ');
}
//echo($html);
?> |
گۈزەل كۈنەس
(ئازات ئابدۇللا )
بالىلىق چېغىم ئۆتكەن گۈزەل كۈنەس
ئېتىز - قىر ، باغلىرىڭدا ئىزىم قالغان
سېغىندىم بەڭۋاش ، كەپسىز چاغلىرىمنى
قەلبىمدە تاتلىق - تاتلىق سېزىم قالغان
توپىلىق يوللىرىڭدا يالاڭ ئاياغ
قىيغىتىپ ئاساۋ تايدەك ئۆسكەن ئىدىم
شىۋاقلىق غوللىرىڭدا پادا بېقىپ
دەستىلەپ گۈل - چېچېەكلەر تەرگەن ئىدىم
<< ئاق ئۆزەن >> يايلىقىدا ئوغلاق تارتىپ
بەل ئېشىپ سۇلىرىڭنى كەچكەن ئىدىم
شوخ ئىدىم، تەنتەك ئىدىم، چاپچىپ تۇرغان
ئات مىنىپ قىز قۇۋارغا چۈشكەن ئىدىم
ئېھ كۈنەس ! ئىشچان،زېرەك بىر بالاڭمەن
باغرىڭغا قان - تەرىمنى تۆككەن ئىدىم
باغ باغلاپ، ئورما ئورۇپ ئېتىزلاردا
كېچىسى توپان سورۇن ئۆتكەن ئىدىم
چۆللەردە ئۆستەڭ چېپىپ ،سۇلار باشلاپ
كۆكسۈڭگە گۈلدىن كۆچەت تىككەن ئىدىم
شارقىراپ سۇلار ئاققان سايلىرىڭدىن
قارىقات ،مالىنىلەرنى تەرگەن ئىدىم
ساي - سايدىن كىيىك - قەرەن قوغلىغاندا
تىك چوققا، غارلىرىڭدا ياتقان ئدىم
چۆپ چېپىپ ،دورا كولاپ <<بورانقۇل>>دا
كېچىسى گۈلخانلارنى ياققان ئىدىم
ئېھ كۈنەس! گۈزەل كۈنەس ، ئانا ماكان
سېغىنىپ ئەسكە ئالدىم بالىلىقنى
ئوت ئىدىم،يالقۇن ئىدىم ،كۆيۈپ تۇرغان
قانداقمۇ ئۇنىتاي ئاشۇ چاغلىرىمنى
مەنبە ؛ ئىلى دەرياسى |
|