بىلىم-كۈچ بلوگى

版权声明：转载时请以超链接形式标明文章原始出处和作者信息及本声明
http://www.blogbus.com/bilim-kuq-logs/37712018.html

كىمكى زەررىچىلىك ياخشى ئىش قىلىدىكەن، ئاخىرەتتە ئۇنىڭ مۇكاپاتىنى كۈرۈدۇ. كىمكى زەررىچىلىك يامان ئىش قىلىدىكەن، ئاخىرەتتە ئۇنىڭ جازاسىنى تارتىدۇ.

يامان ئىشلارنى قىلغان بولسىڭىز بۇنى پەقەت - يامان ئىشلارنى قىلماسلىق، ياخشى ئىشلارنى قىلىش، باشقىلارغا ياردەم قىلىش، ئاتا ئانىسىنىڭ ھالىدىن خەۋەر ئېلىش،ئۇلارنى قاقشاتماسلىق، يامان ئىشلارغا قارشى تۇرۇش، يېتىم-يېسىر،ئاجىزلارغا ياردەم قىلىش، تەۋھىد يولىغا،تەۋپىق يولىغا، ھىدايەت يولىغا قايتىش، تەۋبە قىلىش ئارقىلىق ئورنىنى تۇلۇقلاش مۇمكىن.

مۇنداق بىر ھىكايەت بار: بىر پاھىشە قۇدۇق بېشىدىكى بىر ئۇسساپ كەتكەن ئىتنى كۈرۈپ، كەشىنى يېشىپ،كەشى بىلەن قۇدۇقتىن سۇ تارتىپ، ئىتنىڭ ئۇسسۇزلىقىنى قاندۇرغان، ئاللاھ ئۇنىڭ مۇشۇ ياخشى ئىشى ئۈچۈن، ئۇنىڭ گۇناھلىرىنى مەغپىرەت قىلىپ، ئۇ پاھىشىنى جەننەتكە كىرگۈزگەن.

يەنە بىر ھىكايەت: بىر ئاتلىق يولۇچى سەھرايى كەبىر قۇملۇقىدا سەپەر قىلىۋېتىپ بىر قۇدۇق بويىغا كىلىپ قاپتۇ، ئۇ قۇدۇق بويىدا ئارام ئېلىش ئۈچۈن ئېتىنى يەرگە قۇزۇق قېقېپ باغلاپ قۇيۇپ بۇلاق سۈيىدىن ئىچىپ، يۈز-كۆزلىرىنى يۇيۇپ ئارام ئالغاندىن كىيىن مېڭىش ئالدىدا ھېلىقى ئۈزى قېقىپ قويغان قۇزۇقنى كۈرۈپ قۇزۇقنى ئېلىۋەتمەكچى بولۇپتۇ-يۇ، لىكىن < توختا ! . بۇ يەردە ئات باغلىغۇدەك نەرسە يوق ئىكەن، مەندىن كىيىن كەلگەن ئاتلىق يۇلۇچىلار ئېتىنى باغلاپ ئارام ئالسا ياخشى ئەمەسمۇ > دەپ ئويلاپ قۇزۇقنى قالدۇرۇپ قۇيۇپ كىتىپ قاپتۇ. ئاللاھ بۇنىڭ بۇ ياخشى كۆڭلى ئۈچۈن ئۇنىڭغا بىر ساۋاپ يېزىپتۇ. ئارىدىن ئۇزاق ئۆتمەي بىر پىيادە يۇلۇچى بۇلاق بۇيىغا كەپتۇ. ئۇمۇ بۇلاق سۈيىدىن قانغۇچە ئىچىپ ، يۈز كۆزلىرىنى يۇيۇپ ئارام ئاپتۇ.كىيىن سەپەرنى داۋاملاشتۇرۇش ئۈچۈن ئورنىدىن تۇرىۋېتىپ ھېلىقى قۇزۇققا كۆزى چۈشۈپ<قانداق نا ئەھلى قېقىپ قويغاندۇ بۇ قۇزۇقنى،بىرەر يولۇچى پۇتلىشىپ يىقىلىپ كەتسە قانداق بولغىنى > دەپ ئويلاپ قۇزۇقنى سۇغۇرۇپ ئېلىپ يىراققا تاشلىۋىتىپتۇ. ئاللاھ ئۇنىڭ بۇ ياخشى كۆڭلى ئۈچۈن بۇنىڭغىمۇ بىر ساۋاپ يېزىپتۇ.

ئويلاپ باقايلى: بىرسى، قۇزۇقنى قېقىپ قۇيۇپ ساۋاپ ئالدى. يەنە بىرسى قۇزۇقنى ئېلىپ تاشلىۋىتىپ ساۋاپ ئالدى. بۇ مۇكاپات ئۇلارنىڭ نىيتىنىڭ ياخشىلىقىن، دۇرۇسلىقىدىن بىرىلگەن ئەمەسمۇ؟ دىمەك: نىيەت ئەلا...نىيتىڭىز، كۆڭلىڭىز ياخشى بولسۇن، باشقىلارغا يامانلىق ئويلىماڭ !...