بىلىم-كۈچ بلوگى

版权声明：转载时请以超链接形式标明文章原始出处和作者信息及本声明
http://www.blogbus.com/bilim-kuq-logs/37687950.html

ئاياللارنىڭ شوخلۇقى بەزىدە ئەرلەرگە مەغلۇبىيەت ئېلىپ كىلىدۇ ،ئەرلەرنىڭ شوخلۇقى بەزىدە ئاياللارنى يولدىن چىقىرىدۇ .

ئەرلەردە ۋىجدان،غۇرۇر يوقالغاندا ، ئاياللار ئۆزگىلەردىن بەخىت تىلەشكە مەجبۇر بۇلىدۇ .

ئاياللارنىڭ ئىززەت ھۆرمىتى تۆكۈلسە ، ئەرلەر باش كۆتۈرەلمەي سۈكۈتتە تۇرىدۇ . ئەرلەرنىڭ ئىززەت ھۆرمىتى تۆكۈلسە ئاياللارنىڭ تاپا تەنىسىگە قالىدۇ .

ئاياللارغا كۆرسىتىلگەن ھىسداشلىق چەكتىن ئاشقاندا ، ئەرلەر ئۇلارنىڭ ئەخمەق قىلىشىغا ئۇچرايدۇ .

بەزى ئاياللارنىڭ كۆز يېشى ئەرلەرنى شامدەك ئىرىتسە ، كۈلكىسى بەزىدە ئەرلەرنى جېنىدىن جۇدا قىلىدۇ .

بەزى ئاياللار كىيىم كېچەكنىڭ گىپىنى ۋە غەيۋەت شىكايەت قىلىشنىڭ ئورنىغا ئۆز ئەقىلىنى ئىشقا سالغان بولسا ،ھىچقانداق ئەر نەتىنجە قازىنالمىغان بۇلاتتى .

بەزى ئاياللار راست نەرسىلەرگە ساختا نەرسىلەرگە ئىشەنگەندەك ئىشەنگەن بولسا ئىدى بىر ئۆمۈر ھىجران ئازابى تارتمىغان بۇلاتتى .

ئايال كىشىنى غەپلەت باسقاندا ، بەزىدە بارلىقىنى باشقىلارغا ئاتايدۇ . ئەرلەرنى غەپلەت باسقاندا بەزىدە ئاياللارنىڭ ھىيلە مىكىرىگە ئالدىنىپ قالىدۇ .

بەزى ئاياللارنىڭ مۇھەببىتى نەپرەتكە ئايلانغاندا ۋاستە تاللاپ ئولتۇرمايدىغان بۇلۇپ قالىدۇ . بەزى ئەرلەرنىڭ مۇھەببىتى نەپرەتكە ئايلانغاندا شەيتانغا ئوخشاپ قالىدۇ .

ئەر ئايالدىن ۋىجدان ، غۇرۇر تەلەپ قىلسا ، ئايال ئەردىن كۆيۈمچانلىق ، مەردلىك تەلەپ قىلىدۇ .